Martxan da "Blogetan! Blog izarren bila" lehiaketaren bigarren edizioa

  • Parte hartzeko epea urtarrilaren 16tik otsailaren 13ra bitartean egongo da zabalik. Epaimahaiak martxoaren 30an emango ditu ezagutzera irabazleak, Euskararen Etxean ospatuko den jardunaldi eta sari-banaketan.   


2017ko urtarrilaren 16an - 11:59

Edonork hartu dezake parte lehiaketan, eta norberaren bloga aurkezteaz gain, gustuko blogak ere proposatu daitezke. Horretarako, webgunean sartu eta izen emateko inprimakia bete behar da. Lehenengo faseak irauten duen bitartean, edozein unean egin ahal izango da hori.

Lau kategoria daude lehiaketan: kultura arloko blogak (zinema, literatura, artea, diseinua, moda, sukaldaritza, gastronomia, musika…), gizarte eta politika arloa (kazetaritza, historia, humanitateak, ekonomia, hezkuntza, zuzenbidea…), aisialdiarekin erlazionatutako gaiak (zaletasunak, kirola, bidaiak…), eta zientzia eta teknologia (natura, osasuna, arkitektura, informatika…). Horietako bakoitzak irabazle bat izango du.

Bozkatze sistema bikoitza izango da. Otsailaren 13tik martxoaren 10era bitartean webgunearen edo Twitterren bidez bozkatu ahal izango du publikoak. Epaimahaiak ere parte hartuko du fase horretan, eta martxoaren 13an ezagutzera emango ditu hamabi finalistak, kategoria bakoitzeko hiru.

Azken bozkatzea martxoaren 14tik 21era bitartean egingo du epaimahaiak, eta 30ean jakinaraziko ditu kategoria bakoitzeko irabazleak, Euskararen Etxean ospatuko den jardunaldian. Horrez gain, blogari berria saria ere emango du Argiak. Egitasmoaren inguruko informazio eta oinarriak irakurri daitezke hemen: http://www.blogetan.eus/oinarriak

Blogetan! Blog izarren bila lehiaketa Azkue Fundazioak Argiaren laguntzarekin antolatzen duen egitasmoa da. Helburua euskarazko blogak eta euskal blogariak saritzea da, hauek ezagutzera emanez eta blogetan euskararen aldeko erabilera sustatuz.


Kanal honetatik interesatuko zaizu: Blogak
2021-03-23 | Ixone Arana
Euskararekin loturiko zenbait blog desagertu dira Estrasburgon zerbitzari batek su hartu ostean

Blogariak.net, 15 urte baino gehiagoko proiektua, betiko desagertu da. Estrasburgon Europako sareen zerbitzariak eskaintzen dituen enpresarik handienaren zerbitzariek su hartu dute eta babeskopiak ere erre egin dira. Galdutako webguneen... [+]


2019-03-28 | ARGIA
"Blogak testutik harago" jardunaldiak Bilbon, apirilaren 4an

Bilboko Euskararen Etxean egingo diren jardunaldien xedea da blogen munduko azken nobedade eta joeren gaineko hausnarketa egitea. Podcastak, visual-thinking komunikazio baliabidea eta bideoaren zabalkunde masiboa aztertuko dira, besteak beste. Azkue Fundazioa da antolatzaile.


2017-03-30 | ARGIA
'Etzi.pm', 'Iparraldeko Neska', 'Game Erauntsia' eta 'Iparra', aurtengo Blogetan! lehiaketako irabazleak

Azkue Fundazioak sustaturiko lehiaketako irabazleen berri eman eta sariak banatu dituzte ostegun arratsaldean Euskararen Etxean egindako ekitaldian. Blog berriaren saria 52 milimetro argazki blogak eraman du.


2017-03-30 | ARGIA
Blogetan! lehiaketaren irabazleak jakinaraziko dituzte arratsaldean

Blogetan! lehiaketako hamabi finalisten arteko irabazleak ezagutaraziko dituzte 18:30etatik aurrera, Bilboko Euskararen Etxean egingo den ekitaldian, ARGIAk "blog berriaren" saria eskainiko du. Aurretik euskal blogarien topaketa izango da eta streaming bidez ere ikus... [+]


Ezagutzen al dugu gure blog komunitatea?

Blogetan! lehiaketaren berri eman genizuen txoko honetan orain aste batzuk. Azkue Fundazioak antolatutako ekimenean laguntzaile dabil ARGIA, eta euskarazko blog komunitatean kultura, gizartea eta politika, aisialdia, eta zientzia eta teknologia arloetan banatuta idazten diren... [+]


Eguneraketa berriak daude