Mari Karmen Albizu: "Jendearen parte-hartzea bilatzen dugu Xilaba taldekakoarekin"

  • Udazkenean hasiko da taldekako bertsolari txapelketa Ipar Euskal Herrian. Xilabaren nondik norakoak azaldu ditu Mari Karmen Albizu Bertsularien Lagunak elkarteko kideak Info7 irratian.

Nahia Ibarzabal @NahiaIbarzabal
2018ko uztailaren 11
taldekako Xilaba antolatzeko bileran (Argazkia: berria.eus)

Guztira hamaika taldek hartuko dute parte urriaren 12an hasi eta abenduaren 1ean bukatuko den txapelketan: Zazpi talde Lapurdikoak, hiru Nafarroa Beherakoak eta bakarra Zuberoakoa.

Estreinakoz egingo dute taldekako txapelketa: “Aldaketarako gogoa eta beharra ikusi dugu, beraz bakarkakoa egin beharrean, taldekakoa antolatzea erabaki dugu”, adierazi du Albizuk.

“Bakarkakoan ez duela jende askok parte hartzen eta Jendearen parte-hartzea bilatzen dugu Xilaba taldekakoarekin”. Taldeko partaideek, bertsoak kantatzeaz gain, epaile eta gai-jartzaile lanak ere egin beharko dituzte”.

Bi urte barru berriro bakarkakoa egingo dutela ere aurreratu du, “Euskal Herriko Txapelketa Nagusian parte hartu nahi dutenak sailkatzeko”.

Zaletasuna handituz doa

Albizuk adierazi duenez, osasuntsu dago bertsolaritza Ipar Euskal Herrian: “Gero eta saio gehiago antolatzen dira eta zaletasuna ere handituz doa”.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Xilaba

Xilaba kanaletik interesatuko zaizu...
2018-12-03 | Maddi Sarasua
Dilindan taldeak Mattin Saltori jantzi dio Taldekako Xilabako txapela

Abenduaren 1ean Baigorrin jokatu zen 2018ko Taldekako Xilabako lehen edizioan, Aitor Servier, Ellande Alfaro, Xumai Murua eta Pantxika Solorzanok jantzi zuten txapela, Ortzi Idoate, Hodei Renteria, Amets Arzallus, Nahia Sasco eta Xan Berterretxen eskutik.


2018-11-06 | Bertsozale.eus
Kontrabanda eta Tirrit nagusitu ziren Taldekako Xilabaren 4. asteburuan

Azaroaren 3an, Hendaiako Bakarxoko eta Donibane Garaziko Luisenia ostatuetan jokatu ziren Taldekako XILABA Xapelketako ligaxken laugarren asteburuko bi saioak.


2018-10-29 | Bertsozale.eus
Ezkorbrutak eta Mattinsalto nagusi Taldekako Xilabaren 3. asteburuan

Pasa den asteburuan, Urruñan eta Pausun jokatu dira Taldekako XILABA Xapelketako ligaxken hirugarren asteburuko bi saioak.


2018-10-16 | Bertsozale.eus
Ostatu Batuak eta Otsoaren 7 umeak nagusi ligaxkako lehen bi saioetan

Urriaren 12an eta 13an Gameren eta Altzumartan jokatu dira Taldekako Xilaba Xapelketako ligaxken lehen bi saioak.


2018-10-09
Taldekako lehen Xilaba urriaren 12an hasiko da
11 saiotako ligaxkarekin hasiko da asteburu honetan: urriaren 12an Gameren eta 13an Altzumartan jokatuko dira lehen saioak. Aldiro bi talde ariko dira kantuan, eta hirugarren talde bat entzuleen artean, animatzen direnekin epaile lanetan. Sailkatzen diren 4 taldeekin 2 finalerdi jokatuko dira azaroaren 23an eta 24an, eta finala abenduaren 1ean Baigorrin izango da. 44 bertsolarik hartuko dute parte 11 taldetan.

2018-10-03 | Euskal Irratiak
Xumai Murua
"Ostatuetan, bertsolaritzaren eremu naturalean jokatuko da Xilaba"

Taldekako formula berri batekin antolatzen du Xilaba aurten Bertsularien Lagunak elkarteak.


2018-07-04 | Nahia Ibarzabal
Udazkenean egingo da taldekako Xilaba

Hamaika taldek hartuko dute parte Zuberoa, Baxenabarre eta Lapurdin jokatuko den txapelketan


2016-11-20 | Xan Alkhat
Sendo

Sustrai Colina da aurtengo Xilaba bertsulari xapelketako txapeldun eta sendo aritu da urruñarra. Finala burutik buru bere alde jarri zuen: hasieran zortziko handian Amets Arzallusekin aritu ondotik, eta buruz burukoan ere, bere betiko bertso lagunarekin lehiatu arte. Ideietan azkar, errimetan on, bertsokeran sendo.
    Amets Arzallus hendaiarra ez zen, beharbada, bere egun onenean baina berak ere hiru aldiz jantzitako txapela desio zukeen. Bosgarren Xilabako txapel hau... [+]


2016-11-14 | Ainhoa Bretos
Sustrai Colinak jantzi du Xilabako txapela

Lapurdi, Zuberoa eta Baxenabarreko bertsolarien Txapelketa irabazi du Sustrai Colinak, buruz burukoan Amets Arzallusekin lehiatu ostean. Aurtengo Txapelketak Martin Treku bertsolaria omendu du, eta 1.600 pertsona inguru bildu ditu.


Eguneraketa berriak daude