Lizarrustin fusilatutako olaberriarraren gorpuzkiak igandean bueltatu zizkioten familiari.
Aranzadi zientzia elkarteak Lizarrustin, Quifosa zenaren ondoan, Marcelo Lasa Zeberio zenaren hezurdura lurpetik atera zuen irailaren 3an. Lasa Olaberriakoa zen, abertzalea, eta 1936ko agorrilaren 25ean erail zuten. Gorpua bilatzeko ezinbestekoa izan zen Francisco Lakuntza Larraza etxarriarraren lekukotasuna. Lakuntza zena 1936an Lizarrustin bizi zen eta 6 urte zituela gorpua arrastaka nola zeramaten ikusi zuen.
Antza, aitarekin eta osabarekin arrantzan zegoela, tiro hotsak entzun eta kaxko batera igo eta handik bi gizonezkok beste bat hilda zeukatela ikusi zuen. Alde egiteko eta ez begiratzeko esan omen zioten. Lakuntzak pago baten erreferentzia eman zuen eta handik ez oso urrun agertu zen hezurdura. Beraren zehaztasunak eta familiak eta Aranzadi elkarteak jasotako datuak oinarri hartuta, heriotzaren leku zehatza aurkitu zuten.
Beharrezko identifikazio protokoloak egin ondoren, Nafarroako Gobernuak eta Eusko Jaurlaritzak igandean bueltatu zion hezurdura familiari, Olaberriako udaletxean egindako ekitaldi publikoan. Aretoa lepo beteta zegoela egin zen ekitaldi hunkigarria.
1936ko udazkenean Hernanin eta Oiartzunen frankistek egindako zientoka hilketen arduradun nagusiena izan zen Ramiro Llamas komandante eta epailea. Hilabete gutxira jendaurrean publikoki adierazi zuen fusilatze horien inguruan pentsatzen zuena; diskurtso beldurgarri hori oso... [+]
Oraindik ere 36ko Gerraren memoriak sarri jasotzen ditu haginkadak orduko borreroen oinordekoen aldetik. Azken horietako bat Eulateko Felix Goyaren monolitoak jasandakoa da. 1936an atxilotu eta hil zuten frankistek 51 urterekin, eta oraintsu hiltzaileen ondorengoek berriz egin... [+]
Ahaztuen Oroimena 1936 elkarteak eman du argitara Munitibar 1937/04/26: Aire-eraso baten kronika liburua eta igandean aurkeztuko dute jendaurrean. 1937ko apirilaren 26an Kondor Legioak Munitibarren aterpetuta zeuden herritarrei eraso egin zien. Egun bereko arratsaldean, Gernikan... [+]
Genetikoki identifikatu ondoren, Eusko Jaurlaritzak 1937ko udaberrian hildako sei errepublikarren gorpuzkiak itzuliko dizkie beren senideei, Bilboko Gogora institutuaren egoitzan larunbatean egingo duten ekitaldian.
Larunbatean Hernaniko Udalak beharrezkoa den oroimen ekitaldia egingo du herriko hilerrian 1936an frankistek hildako 200 lagunak gogoratzeko. Baina zeintzuk izan ziren krimen horien arduradunak? Zeinek sustatu eta agindu zituen fusilatzeak? Komeni da izen horiek ere ez ahaztea.