Manifestari bat atxilotu dute Iruñean Patxi Ruizen aldeko manifestazioan
Iruñean, larunbatean, Ruizekin elkartasunez, manifestazioa egin dute. Espainiako Poliziak manifestarien aurka egin du eta pertsona bat atxilotu du. Igande goizaldean utzi du aske poliziak manifestaria.14. eguna egin du Patxi Ruiz preso politikoak gose greban. Egoera larrian baina egonkor dagoela jakinarazi du bere medikuak.
Espainiako Polizia Nazionalak larunbat arratsaldeko azken orduan oldartu da Iruñeko Gaztelu Plazan Patxi Ruizekin elkartasunez bildutakoen kontra. Manifestarien eta terraza bateko bezero batzuen artean liskarra sortu da eta Espainiako Poliziak eta Foruzaingoak esku hartu dute. Ondoren, Espainiako Poliziak manifestarien aurka egin eta pertsona bat atxilotuta eraman du. Igande goizaldean geratu da aske atxilotutako herritarra.
Manifestazio jendetsua egon da Iruñeko Gazteluko Plazan arratsaldean, Patxi Ruix euskal presoarekin elkartasunez. Manifestariak bueltaka ibili dira GPn eta une batean eztabaida sortu da terraza bateko bezeroekin. Ondoren poliziak parte hartu du eta neska bat atxilotu dute. pic.twitter.com/r2Phyt0RVR
— Xabier Letona (@xletona) May 23, 2020
Gero Gaztekuko Plazako txoko honetan eztabaidaren bat sortu da manifestari eta terraza bateko bezeroen artean eta Espainiako Policia eta foruzainek parte hartu dute. Lehenengo enfrentamenduak. pic.twitter.com/zZT9wG7xR2
— Xabier Letona (@xletona) May 23, 2020
Eta ondorengo kargan neska bat atxilo eraman dute. Arnasestuka ari zen, estu samar zirudien pic.twitter.com/BKxlrYhRI5
— Xabier Letona (@xletona) May 23, 2020
Ahotsa.info-ren bideo honetan jaso dute nola foruzain batek bi kolpe ematen dizkion aurpegian lurrean dagoen pertsona bati.
Patxi Ruizek hamalaugarren eguna du gose greban. Lehendabiziko hamabi egunetan egarri greba ere egin du. Ostiralean jakitera eman zutenez, Ruiz Murtzia II espetxeko erizaintzako moduluan dago, koronabirusaren aurkako berrogeialdiko protokoloa aplikatuta. Bere konfiantzazko medikuak kartzelako medikuekin egoteko aukera izan du eta Ruizen txosten medikoak eskuratu ditu. Egin dizkioten analisien arabera, Patxi Ruiz egonkor dago, larritasunaren barruan.
