Emakumeak borrokan

Madrilgo Auztegi Gorenak behin betiko baliogabetu du erraustegiaren kontratua eteteko Bilduko agintarien erabakia

  • Bildu agintean zela, GHK-k 2013ko azaroan Zubietako erraustegia egiteko kontratua bertan behera uzteko erabakia hartu eta enpresa multzoarekin adostu zuen eman beharreko kalte ordaina. Hiru urte eta erdi beranduago, 2017ko urtarrilean enpresa taldearen eta GHKren arteko tratua bertan behera utzi zuen Donostiako 1. Administrazio Auzietarako Epaitegiak. Auziak epaitegietako bidea osorik eginda, azkenean Madrilgo Auzitegi Gorenak erabaki du ez onartzea EHBilduk horri jarritako helegitea.

Zero Zabor @zero_zabor
2019ko urtarrilaren 18a
Zubietako 1. erraustegiaren kontratua eteteko ekitaldia Diputazioan 2013an: erdian enpresen ordezkari Carmelo Aguas, albo banatan dituela Ainhoa Intxaurrandieta eta I˝aki Errazkin.

2017ko urtarrileko sententzia horrek balio gabe utzi zuen Zubietan EAJk eta PSOEk 2011an justu hauteskundeen atarian UTE CGR enpresa taldearekin sinatutako kontratua. Bilduk agintea harturik Gipuzkoako erakunde nagusienetan, hasi berriak ziren obrak gelditu eta 2013an lortu zuen enpresa taldearekin hitzartzera kontratuaren etena, GHKk trukean 8,12 milioi euro kalte ordainetan eta hasitako lanengatik hiru milioi gehiago pagatuta. FCC, Serbitzu, AE&E Inova eta Altuna y Uriak osatzen zuten CGR UTE hura.

Donostiako Auzitegiaren ebazpenari helegitea aurkeztu zioten Tolosaldea eta Urola Erdiko mankomunitateek eta Bilduko 13 kargu ohik (tartean Ainhoa Intxaurrandieta GHK-ko zuzendari ohiak eta Iñaki Errazkin Ingurumen diputatu ohiak). Orain Madrilgo Gorenak behin betiko ebatzi du kontratuaren etena baliorik gabe uztea.

Zubietako lehen proiektua, dena dela, hil zen eta orain GHKn agintzen duten EAJk eta PSOEk aurrera daramatena bigarren proiektua da. Hain zuzen honen harira, gaur GuraSOSek prentsa oharrez ohartarazi du bigarren erraustegi proiektu honen kontrako auzibideak martxan daudela epaitegietan: zehazki, EAEko Auzitegi Nagusian helegitea daukate bideratuta Eusko Jaurlaritzak erraustegiari emandako Ingurumen Baimen Bateratuaren baliogabetasuna aldarrikatuz.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Gipuzkoako erraustegia  |  Hondakinen kudeaketa

Gipuzkoako erraustegia kanaletik interesatuko zaizu...
2019-04-16 | Usurbilgo Noaua
Zubietako erraustegia hondakinak jasotzen hastear da, Aldundiaren aurreikuspenak betetzen badira

Zubietako erraustegiaren eraikitze lanek ez dute etenik. Gipuzkoako Foru Aldundiaren aurreikuspenak betez gero, erraustegia laster hasi daiteke hondakinak biltzen.


Abel Arkenbout (ToxicoWatch): "Erraustegi mondernoenek ere dioxinak isurtzen dituzte, hala erakutsi dugu Holandan"

Azken belaunaldiko erraustegiak seguruak dira ala badaukate arriskurik elikadura katea, ingurumena eta gizakiarentzat? Benetan kontrolatzen dira ala ez dioxina isuriak? Apirilaren 13an Hernanin (Gipuzkoa) izango da Abel Arkenbout toxikologoa jende aurrean azaltzen nola aurkitu dituzten agintariek aitortu gabeko dioxina isuri ezkutuak Harlingeneko erraustegian, Holandako Frisia eskualdean.

 


2019-04-09 | Zero Zabor
Abel Arkenbout toxikologoa Holandako erraustegi berriaren dioxinez mintzatuko da larunbatean Hernanin

Apirilaren 13an, larunbata, goizeko 10:00etan hasita, Hernaniko Biteri kultur etxean hitzaldi berezia emango du Holandako ToxicoWatch fundazioko Abel Arkenbout toxikologoak: "Dioxinak Harlingenen – Dioxinak Zubietatik? Honela kutsatzen dute erraustegi modernoenek”. Hernanin Zero Zabor eta Errausketaren Aurkako Mugimenduak antolatu dute hitzaldia, Hernaniko Udalaren babesarekin.


2019-03-29 | Usurbilgo Noaua
Erraustegiek erditze goiztiarretan eta bihotzeko nahiz gernubideen gaixotasunetan eragin zuzena, OEIT-eko medikuen arabera

Osasuna eta Errausketa Ikerketa Taldeak (OEIT) erraustegiak osasunean duen eragina aztertzen eta nazioartean gai honi buruz landu diren ikerlaneko azterlanak argitaratzen segitzen du astero sare sozialen bidez. Datu berri eta kezkagarri gehiago plazaratu dituzte azken aldian.


2019-03-20 | Usurbilgo Noaua
Atez ateko bilketak 10 urte bete ditu Usurbilen

Ohitura aldaketa txiki batek hondakinen kudeaketa eredua irauli zuen duela 10 urte. 2009ko martxoaren 16an albiste genuen Usurbil, ez herri mailan baita udalerritik kanpo ere. Aitzindari bilakatu zen udalerri hau Euskal Herrian, hondakinak lehengai bihurtu eta herritarrak "teknologia" aurreratuenean bilakatu zituen atez ateko bilketa sistemari esker. Atez atekoak 10 urte bete ditu joan den larunbatean.


2019-03-15 | Maripi Arruiz
Gezurtiak

Donostian klima aldaketari buruzko konferentzia antolatu dutela-eta, bolo-bolo ibili da hedabideetan Change the change esaldia.


2019-03-15
Zubietako erraustegiko eraikitze lanak, azken txanpan

Usurbil herriko puntu askotatik begi bistakoa dugu jada Zubietako erraustegia. Eraikitze lanak azken txanpan dituzte jada.


Klima aldaketaren aurkako mobilizazioak Donostian
MULTIMEDIA - erreportajea

Klima aldatzen duten proiektuekin amaitzeko eskatu dute Donostian Errausketaren Aurkako Mugimenduak eta hainbat eragilek deitutako mobilizazioetan.


2019-03-07 | Usurbilgo Noaua
Erraustegiaren aurkako aldarria, Klima Aldaketaren inguruko nazioarteko biltzarraren atariraino eraman dute

Txistu eta oihu artean hartu dute Donostiako Kursaal atarian egin duten elkarretaratzean, eraikin barruan ospatzen hasi diren Klima Aldaketaren inguruko nazioarteko biltzarra.


2019-03-05 | Zero Zabor
Zubietako erraustegiak badauzka tximiniak (bi) eta dagoeneko ikusten zaizkio

Zubietako erraustegia tximiniarik gabekoa izango ote zen? Hala iradokitzen zuten GHKk eta Gipuzkoako Foru Aldundiak obrak hasi aurretik zabaltzen zituzten ordenadore bidezko irudiek. Egunotan, ordea, labeak sudurren aurrean dauzkaten Usurbilgo herritarrek begi hutsez eta kaletik bertatik ikusi ahal izan dituzte bi tutu erraustegiaren sabaian: horra tximiniak.


Azkenak
EGILEA
Eguneraketa berriak daude