Emakumeak borrokan

M8 Emakume Langileon Nazioarteko Eguna. Batu grebara! Batu iraultzara!

  • Urteak daramatzagu Ikasle Antolakundetik genero zapalkuntzaren aurka borrokatzen. Ugariak izan dira oso, zapalkuntza honen gaindipenerantz hamarkada hauetan zehar egin ditugun ahalegin, dinamika eta borroka moduak: manifestaldiak, borroka egunak, mural margoketak, jardunaldiak, salaketa antzerkiak, erasotzaileen aurkako dinamikak... Hala ere, gure agendetan morez seinalatutako egun esanguratsu hau hurbiltzen ari den heinean, ezin dugu ekidin urduritasuna sentitzea gure barrenetan.

Ikasle Abertzaleak @IAbertzaleak
2019ko martxoaren 04a
M8az iritzia ondu du Ikasle Abertzaleak-ek.

Izan ere, ez da samurra izaten egun honen bueltan sortzen den panorama politiko aztoratuan, burua ziurtasun eta irmotasunez ateratzea; hots, Emakume Langilearen Nazioarteko Egunaren esentziari eustea. Bestela esanda, hamarkadetan zehar emakume sozialisten kemenaz, indarraz, adorez eta konpromezuz eraikitakoaren lekukoa hartzea. Ehun urte baino gehiago igaro diren arren lehenengo emakume langilearen egunetik, emakume iraultzaile haien proiektu politikoak, hots, mundu mailako iraultza sozialistak, bizirik dirau. Gurean, Euskal Herrian, ez dira gutxi emakume langilearen ahalduntze politikoaren mesedetan sortzen ari diren ekimenak: feminismoaren bitartez emakumea gaitasun politikoz hornitzen duten dinamikak, bai eta langileriaren antolakuntzan emakume langilea lehen lerroan egon daitekeela frogatzen dutenak ere. Gauzak horrela, poztasunez begiratzen diogu langileon mugimendu feministaren hedapenari, egunero proletargoaren interesen defentsan dena ematen dutenen ekarpenei, hau da, langileriaren sektore zapaldu guztion askapena egunero gertuago ikustarazten digutenoi.

Ildo beretik, politika egiteko gure esparrua den hezkuntzan, badugu zer egina: langile antolakuntzaren baitako Mugimendu Feminista indartzearekin batera, ikasle mugimenduaren espresio ezberdinak emakume iraultzailez indartzea. Horretarako funtsezkoa dela deritzogu, batetik, heziguneetako emakume proletarioen artean elkartasun sareak eraikitzea:  Ikasleok, soldatak ezin arnasturik uzten dituzten heziguneetako langileekin (garbitzaileak, harreragileak, bekadunak...) zaintzan oinarritutako elkartsaun harremanak eratuz. Bestetik, gure militantzia esparruetan sarritan birproduzitzen dugun lan banaketa sexualarekin bukatu ahal izateko mekanismo errealak identifikatu eta praktikan eraginkortzea. Finean, heziguneetako langileriaren defentsaren artikulazioa zaintza harremanetan eraiki eta emakumeok bertan inplikazio aktibo eta lehen mailakoa izatea.

Helburu edo eginbehar hauei jarraiki, Martxoaren 8a emakume langilearen ahalduntze politikoaren  bidean urratsak emateko egun edo tresna gisa identifikatzen dugu. Zentzu horretan, tokian tokiko baldintzen araberako ekimenak bultzatu eta indartuko ditugu ikasle antolakundetik, beste zenbaitetan gure jarduera propioak garatzearekin batera. Unibertsitate esparruari dagokionean, urteetan zehar lanean egon diren talde feministek garaturiko martxoaren 8rako planteamenduak indartu eta babestea da gure eginbehar politikoa, haiek baitira unibertsitateko emakume langileon errealitatea aztertu eta aldatzera bidean ditugun bidelagun nagusiak, bai eta emakumea ikasle mugimenduaren lehen lerroan egotea ahalbidetzen dutenak ere. Honi dagokionez beraz, Martxoak 8aren bueltan talde feministek antolatuko dituzten ekimen ezberdinetan (hardbass-ak, hitzaldiak, kontzentrazioak, manifestaldiak) parte hartzeko dei egiten diogu ikasleriari.

Bestalde, Bigarren Hezkuntzako Heziguneei dagokienez, ikasleon greba feministaren gauzapena burutzea izango da egingo dugun ekarpena. Ikasleon greba feminista lekuan lekuko baldintzetara egokituko den borrokarako tresna izango da. Horrela, hezkuntza kapitalistaren geldialdi hau, bertan irenstera behartzen gaituzten eduki zapaltzaileak ukatu eta gure praktika politikoa elikatzeko erabiliko dugu:  langileok askatuko gaituen estrategiaren baitan, borroka feminista eta greba feminista zer-nolakoak izan beharko liratekeen hausnartu ahal izateko, emakume langilearen mugimenduaren historia ezagutzeko, grebaren papera iraultza prozesuan aztertzeko zein manifestazioerako ikasle blokeak bideratzeko, adibidez.

Hortaz, Martxoaren 8 honetan ere, proletargoaren antolakuntza formak potentziatuko dituzten ekimenen lehen lerroan egongo gara ikasleok eta bereziki ikasle emakumeok!

Gora ikasleon borroka!

Gora emakume langileon borroka!

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Ikasle Abertzaleak  |  M8 greba feminista

Iritzia kanaletik interesatuko zaizu...
2019-05-26 | Anuntxi Arana
Berriago eta handiago

Ez da nobedadea, Homo omen sapiens-ak gero eta gehiago ustiatzen duen mundu hau gero eta txikiago zaigu. Lau egun jai eta Eskandinaviaraino!, zergarik gabeko kerosenoari esker. Bestela, toki jator exotikoak aukeratuko ditu euskaldun jatorrak bere oporretarako. Aldizkari honetan, martxoan, “turismoa solidario-jasangarria” aipatu zuen Pello Zubiriak, eta ametsa dela ulertu nuen, lau orriko hirusta. Esakune zelebre batez oroitzekoa: turismogintzaren funtsa dela beren etxean hobekiago... [+]


2019-05-26 | Karmelo Landa
Paradoxa bilbotarra

Politologo adituen esanetan, nazio batek ezin dezake berezko nortasunik finkatu, harik eta nazio horren hiriburu edo metropoliak nazio nortasun propioari tinko eusten dion arte.

Gai honen harira, irakurri berri dut Jon Maya dantzari eta koreografo ezagunari egindako elkarrizketa mamitsua Gara-n, eta beste gauza interesgarri askoren artean, zera dio Jon Mayak, hemengo kultur proiektuen gabeziaz: “Herri bat artikulatzeaz ari bagara, kultur proiektuak ere mahai gainean jarri behar... [+]


2019-05-26 | Be˝at Sarasola
Gure parpaila hautsiak

Posmodernitatearen seme-alabak omen gara, baina, halere, sarri izaten dugu iragana brotxa lodiz epaitu eta orainaldia ezein pasatako denbora baino moralki aurreratuagoa dela aldarrikatzeko tentazioa. Biolentzia matxista dela eta, esaterako, egungo estatistika eskandaluzkoak jartzen dizkigutelarik begien aurrean, berehala egin ohi dugu azpimarra: kontua da lehen ez zirela kontabilizatzen, besterik gabe onartzen zen biolentzia domestikoa zen.

XIX. mendeko idazle espainiar handienetakoa dugu... [+]


2019-05-26 | Imanol Alvarez
Homomonument

Holandako LGBT mugimenduak bultzaturik, 1987an inauguratu zen Amsterdamen Homomonument izeneko oroigarria, nahiagotasun sexualagatik jazarpena jasan duten gay-trans-lesbianen omenez. Naziek kontzentrazio-esparruetan ustezko homosexualak markatzeko erabiltzen zuten hiruki arrosa du oinarri. Hiruki arrosa da gaur ere mundu osoko LGBT mugimenduaren ikurretako bat, ortzadarraren ikurrina baino borrokalariagoa ere badena, nolabait esatearren.

Harrez geroztik, munduko beste hainbat lekutan eraiki... [+]


Garapen iraunkorrean hizkuntzak tokirik ez!

Euskal Herriko zenbait eragile Hizkuntza Aniztasuna Garapen Iraunkorrerako Helburu modura kontuan hartzea sustatzen ari gara


Izuaz eta babesaz

Askotarikoak izan dira azken asteotan Euskal Herriko zein Espainiako estatuko prentsan ikusi ditugun titularrak (susmagarriki, hauteskunde kanpainaren bezperetan): “Durangoko emakumeak askeago egingo dituen botoia”, “nola saihestu eraso matxistak klik batekin”, “mehatxatuak sentitzen diren emakumeentzako botoia”... Bai, Durangoko udalaren azken iragarpenaz ari gara: Izuaren aurkako botoia deitu diotenaz.


2019-05-23 | Hainbat egile*
"Pixka bat es mucho". Hori ote HABEren C1 maila?

Hil zorian dugu EGA. Erail egin dute. Hil kanpaia jo eta hiletara deitu dute herri osoa, herriko plazan gaizkilerik gaiztoena urkamendira eraman ohi duten gisan deabrutu, herritarrekin etsaitu eta erretzeko prestatzen ari dira, jakina baita otso hilak ez duela ausiki egiten.


2019-05-22 | Maddi Alvarez
"Zer nahi duzu, belarritik tiraka eramatea?"

Joan den astean, Donostiako Udalaren Hizkuntza Politikaren inguruko mahai-ingurua antolatu zuen Bagera elkarteak eta EAJ, EH Bildu, Ahal Dugu-Podemos, Partido Popular eta PSOE-PSEko ordezkariak izan ziren mahaian. Entzuleen galderen txanda iritsi zenean, Donostia Kulturak urtero antolatzen dituen ikastaroei buruz galdetu nion Udal Gobernuko Euskara Zinegotzia den Miren Azkarateri (EAJ). Paperean, ikastaro hauek euskaraz edo gaztelaniaz egiteko aukera eskaintzen badigute ere, praktikan,... [+]


(In)justizia sistema patriarkalaren aurrean, Nekane, guk sinisten dizugu!

Orain arteko bidea ez da erreza izan Nekane Txapartegirentzat. 18/98 sumarioaren epaiketaren harira, 2007an, torturapean egindako testigantzetan oinarrituz 11 urteko espetxe zigorrera kondenatua izan zen. Gauzak horrela, Euskal Herritik alde egitera behartuta ikusi zuen bere burua; halere, euro aginduaren eta estradizio eskaeraren ondorioz, 2016an atxilotua izan zen.


2019-05-21 | Koldo Urrutia
Euskeraren jatorriaren ikerle historikoak eta deskolonizazioa

Azken hamarkadan euskeraren jatorriaren ikerketan inoiz baino emaitza gehiago ematen ari direlakoan gaude: artikuluak, liburuak, eztabaidak… Adibidez, Pariseko unibertsitate batek Hector Iglesiasen Iruña-Veleiari buruzko liburua argitaratu du. Edo L’Harmattan argitaletxe famatuak Eñaut Etxamendi, Dominique eta Fina Davant eta Roger Courtoisen L´Origine de la lengua basque liburua plazaratu du. Argitaletxe horrek liburu bat argitaratzea tesi bat egitea... [+]


Azkenak
EGILEA
Eguneraketa berriak daude