Deklaratu gabeko 20.000 milioi euro mugitzen dira Araban, Bizkaian eta Gipuzkoan Velascoren esanetan. “Datu oso fidagarririk” ez dagoela nabarmendu du EHUko irakasleak, baina EAEko %17ko batez bestekoa Europar Batasuneko (EB) herrialdeetakoa baino altuagoa da (%13-14 arteko portzentajeetan dago EBko datua).

Hainbesteko kopuruak ogasunaren kontroletik kanpo nola mugitzen diren galdetuta, Velascok nabarmendu du gobernuek “oso ahalegin gutxi” egiten dutela lurpeko ekonomia kontrolatzeko.

Gainera, Espainiako gobernuak onartutako “amnistia fiskala” kritikatu du: “Gauza oso negatibo bat dauka, mezu bat bidaltzen baitu: egin ezazu nahi duzuna zeren, noizean behin, zure dirua zurituko dugu”.