ARGIA.eus

2022ko urtarrilaren 24a

Los Angeleseko artzapezpikuak euskal apaiz pederasta baten mezetako abestiak kantatzea debekatu du

  • AEBetako artzapezpiku barrutiak debekatu egin du Cesareo Gabarain apaiz hernaniarraren abestiak mezetan kantatzea, berrikitan jakin ondoren sexu-abusuengatik salatua izan zela 1978an eta Elizak salaketa horiek ezkutatu zituela.

Urko Apaolaza Avila @urkoapaolaza
2021eko azaroaren 11
Joan Paulo II.ak kapilau izendatu zuen Cesareo Gabarain, sexu-abusu salaketak jaso ondoren.

Los Angeleseko artxidiosiak sinesgarritasuna eman die Cesareo Gabarain euskal apaizaren kontrako pederastia salaketei eta bere barrutian hark konposaturiko abestiak mezetan kantatzea debekatu du, Berria-k argitaratu duenez.

Hernanin jaioa 1936an, hainbat urtez Antzuolako kapilau izan zen Cesareo Gabarain eta duela gutxi El País egunkariak azaleratu duenez, bere kontrako salaketak 1978an egin zituen Madrilgo ikasle talde batek. Horren ondotik, azken hilabeteotan jakin da gutxienez beste 17 lagunek euren testigantza eman dutela Gabarainek egindako sexu-abusuengatik.

Musika ikasketak Zaragozako seminarioan egin zituen Gabarainek eta 1966an Madrilera Anaia Maristen Chamberri Eskolara joan zenean hasi zen abestiak konposatzen. Bere hainbat konposizio oso ezagun egin ziren Juntos como Hermanos edo La muerte no es final kasu. Azkeneko hau Espainiako Armadak hartu zuen bere himnotzat eta "erorien omenezko" ekitaldian abesten zuten, gaztelaniazko Wikipedian irakur daitekeen moduan.

Sexu-abusu salaketak jaso zituenean, Anaia Maristek egotzi egin zuten erakundetik eta Elizak tokiz aldatu zuen. Hortik gutxira Joan Paulo II.ak bere kapilau egin zuen, "musikan egindako ibilbidearen" sari gisara. 1991n hil zen Antzuolan minbizi baten ondorioz.

Pederastia kasua ezkutuan izan du Elizak urte hauetan guztietan, eta sexu-abusuak azaleratu diren honetan ez du inolako adierazpenik egin. Harik eta Los Angeleseko artzapezpikuak harturiko erabakiaren inguruan Espainiako apezpikuen bozeramaileak esan duen arte "Erdi Aroko" zigor mota bat dela hori, egin zuenak ezin duelako bere obra musikala "kutsatu".

 

Kanal hauetan artxibatua: Eliza Katolikoa  |  Hernani  |  Antzuola  |  Giza eskubideak  |  Sexu Erasoak

Eliza Katolikoa kanaletik interesatuko zaizu...
Txostena pedofiliaz
Sexu abusuen aurrean Ratzingerrek ez zuen "ezer egin" Municheko artzapezpiku zela, txosten baten arabera

Joseph Ratzinger Benedicto XVI.a egungo Aita Santu emerituak gutxienez haurrei egindako lau sexu abusuren kasuak ezagutu zituen Munichen artzapezpiku zenean, baina ez zuen "inongo interesik" agertu horien kontra egiteko, txostenaren egileen arabera.


2022-01-04 | ARGIA
Adin txikikoei egindako sexu abusuen bost kasu ikertuko ditu Bilboko Elizbarrutiak

Adin txikikoei egindako sexu abusuen salaketekin txostena argitaratu zuen abenduan El País egunkariak: 251 kasu Espainiako Estatuan, horietatik bost Bizkaian. Azken horien inguruan ikerketa abiatuko duela iragarri du Bilboko Elizbarrutiak.


Munilla apezpiku izango den herriko bizilagunek haren aurkako sinadura bilketa hasi dute

Valentziako Orihuelara lekualdatu dute José Ignacio Munilla apezpikua, baina bere “teoria homofobo eta antifeministak” gogoan, herriak ez duela apezpiku hori merezi eta sinadura bilketa abiatu du hainbat bizilagunek, alkateak ez diezaion egin gotzain berriei... [+]


Munilla apezpiku polemikoa Euskal Herritik Valentziara lekualdatu dute

Hamabi urtez Donostiako apezpiku izan ostean, kargua utzi beharko du José Ignacio Munillak, Frantzisko aita santuak Orihuela-Alacanteko apezpiku izendatu duelako. Polemika ugari eragin ditu urteotan, feminismoarekin eta LGBTI komunitatearekin sartzeagatik eta Elizaren... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude