Loiuko aireportuko langile baten antsietatea lan istriputzat jo dute auzitegietan
Epaileak lotura zuzena antzeman du langileak pairatutako antsietatearen eta lan gatazkaren artean, eta hortaz, lan istriputzat jo du kasua.
Bilboko lan arloko epaitegiak frogatutzat jo du Loiuko eireportuko langile batek pairatutako antsietatea lan gatazkaren ondorio zela, eta hargatik, lan istripitzat jo du. Kaltetua aireportuko garbiketa langile azpikontratatua da, Multiservicios Aeroportuarios SA enpresarentzat lan egiten du. CCOO sindikatuak jakinarazi duenez, antsietatearen ondorioz urtebete eman du laneko bajan, 2019ko irailetik 2020ko azarora.
Antsietate kasuak lan istriputzat jotzea, maiz auzitegietan egiten den zerbait da; antsietate krisien eta lan istripuen arteko lotura ez baita zuzenean egin ohi beti. Loiuko garbitzailearen kasuan, langilearen mesedetan jokatu du lan gatazkaren existentzia jasota egon izanak: bere garaian, lan gatazka egiaztatu zuen Lan Ikuskaritzak, eta epaiak aurrekaritzat jo ditu kasuarekin loturan egindako prozesu judizialak eta baita langilearen eskariz enpresan ezarritako jazarpen protokoloa ere. Epaiak lotura zuzena egin du gaixotasunaren eta lan gatazkaren artean.
CCOO sindikatuko EAEko osasun arduradun Alfonso Riosen arabera, beharrezkoa da arrisku psikosozialen aurrean prebentzio neurriak zorroztea, batik bat lan kargaren banaketari, eginbeharren aurretiazko plangintzari eta horri guztiari buruzko komunikaziori dagokionean. Izan ere, sindikatuaren arabera, pandemiaren ondorioz areagotuz ari dira arrisku psikosozialak.
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Ostegun goizean hil da langilea, Bilboko José María Ugarteburu kalean. Astelehenean bi langile hil ziren, Andosillan (Nafarroa) eta Atxondon (Bizkaia), eta asteartean beste bat Amurrion (Araba).
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Tubos Reunidos enpresan ari zen lanean eta teilatutik behera erorita hil da, sindikatuek jakinarazi dutenez. azken honekin 22 dira 2025ean hil diren langileak.
Foruzaingoaren esanetan, ezbeharra gertatu den lekuan bertan hil da 50 urteko langilea. LAB sindikatuaren zenbaketaren arabera, urte honetan dagoeneko 21 langile hil dira beharrean ari zirela.
Langile bat hilik topatu dute astearte goizean Laudioko Bebidas Serrano enpresan. Osalanek adierazi du hipotesi nagusia gizonak bihotzeko bat izan duela dela. Istripu honetan hildakoarekin, 2025ean 19 langile hil dira jada lan istripuetan.
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Buñueleko (Nafarroa) kasuan, 34 urteko gizona makina batean harrapatuta geratu da. Arratzun (Bizkaia), aldiz, garabiak goi-tentsioko linea bat ukitu ostean hil da 61 urteko gizona.
Betsaide enpresan gertatu da, 08:00ak aldera. Urtea hasi denetik gutxienez bederatzi behargin hil dira.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.