LH5eko ordenagailuetan sistema libreak jarri ahal izango dira


2009ko abuztuaren 14a

Duela astebete, EAEko Lehen Hezkuntzako 5. mailako ikasleek Microsoft Windows XP lizentziadun ordenagailu nanoak erabiliko dituztela idatzi genuen. Eusko Jaurlaritzako Hezkuntza Sailak ia 9,8 milioi euroko lizitazioa atera du lehiaketara. 20.000 ordenagailu eskatu ditu orotara, eta genioen Microsoft Windows XP profesionala izan behar dutela sistema eragile gisa. Bestalde, 18.500 ordenagailuk Microsoft Office Standard ofimatika paketearen eta Microsoft One Note programaren lizentziekin etorriko direla adierazi genuen. Etorri hala etorriko dira, baina ikastetxe bakoitzak aukeratuko du zein sistema operatibo erabili, ordenagailuek instalatuta izango duten Windows sistema, ala programa eta sistema askeak (OpenOffice...). Dirua, hori bai, Microsoftentzat...

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Azkenak
Eguneraketa berriak daude