Astelehenean eraitsi zuen Ernai gazte antolakundeak Lemoatx tontorreko gurutze frankista. Udalak adierazi duenez ez dute berriro altxatuko, Memoria Historikoaren Legea urratzen zuenez haren eraistea aurreikusita baitzegoen.
Hispanitatearen egunaren bezperan egin zuen ekintza Ernaik. Lemoako (Bizkaia) Lemoatx mendian 1937an altxatutako ikur frankista behera bota zuten hainbat lagunek. Gazte antolakundeak ohar batean adierazi zuen monumentuok "frankismoaren sinbolo izatetik harago, frankismoak 78ko erregimenean biziraun duenaren erakusle" direla.
Naiz.eus atariak jaso duenez, Lemoako Udalak ez du gurutze frankista berriro jarriko. Izan ere, udal gobernuak gogorarazi du lehenagotik ere aurreikusita zegoela monumentuaren eraisketa, haren lekuan memoria historikoaren inguruko proiektu bat garatzeko. Ikur frankista Memoria Historikoaren Legearen aurkakoa dela gaineratu du Udalak, eta ez dutela ez berriz altxatuko ez eta konponduko ere.
Udalak jakinarazi du herrian bertan egingo diotela omenaldia apirilaren 28an. Igande honetan, aldiz, beste 198 fusilaturekin batera omenduko dute Valladoliden, baina ez dute hango memorialean hobiratuko.
Iruñeko Erorien Monumentuarekin zer egingo da? Hori da legealdi honetako gai izarretakoa Hiri Buruzagian azken asteetan. Asteazken honetan, Joseba Asiron alkateak kazetarien aurrean jakinarazi duenez, legealdi honetan emango zaio irtenbidea gaiari eta herritarrek... [+]
Nafarroako Gobernuak Espainiako Gerra Zibilaren eta frankismoaren artxibo digitalaren plataforma, Oroibidea, gaurkotu du eta bildutako errepresaliatuen testigantzak laukoiztu dituzte.