Lekeitioko Euskal Zine Bilera, azken txanpan

  • Azaroaren 23an eman zitzaion hasiera, eta larunbat honetan amaituko da Lekeitioko 37. Euskal Zine Bilera. Dagoeneko perla asko pantailaratu diren arren, oraindik badago zer ikusia Ikusgarri aretoan.


2014ko azaroaren 27an - 10:07
Azken eguneraketa: 2015-02-26 13:37:33
37. edizioko irabazleak larunbatean jakinaraziko dituzte, Ikusgarri aretoko amaiera ekitaldian, 19:30ean. (Arg: eidabe.com)

Loreak filmaren proiekzioarekin hasi zuten igandean Lekeitioko zinemaren astea. Egunean hamabi film inguru eskaini dituzte ordutik, ekoizle eta zuzendari profesional nahiz hasiberrienak.  

Baina asteak badu eskaintzekorik igandea orduko. Ostegunean 19:00etan 2014ko Euskal Zinearen Begirada Nestor Basterretxeari eskainiko diote. Solasaldi baten ondotik, Ama Lur (1968) Basterretxearen eta Fernando Larrukerten filma eskainiko dute, Euskal Herriko zinemagintza modernoaren abiapuntu izan zena.

Larunbat goizean Lekeitioko Berbaldia egingo dute Barandiaran aretoan. Mikel Garcia ARGIAko kazetaria arituko da moderatzaile lanetan, Ane Muñoz, Aitor Arregi eta Begoña del Teso adituekin.

37. edizioko irabazleak larunbatean jakinaraziko dituzte, Ikusgarri aretoko amaiera ekitaldian, 19:30ean. Egitarau osoa Zine Bileraren webgunean.

Genero ikuspegiaren saria

Ekitaldi amaierako ohiko sariez gain, Antzar Morea Saria emango dute larunbat iluntzean. Genero ikuspegia hoberen txertatzen duen lanak jasoko du sari hori, Udaleko Berdintasun Batzordearen eskutik.

Lana sortzeko prozesuan emakumearen presentzia zenbatekoa izan den ere hartzen dute kontuan.


Kanal honetatik interesatuko zaizu: Zinema
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


2024-03-03 | Ula Iruretagoiena
Lurraldea eta arkitektura
Komunak

Otsaila da iaz ekoiztutako pelikula uzten sari banaketaren hilabetea. Zinemara joateko aitzakiarekin, arkitektura eta hiria oinarri dituen Wim Wenders-en Perfect Days ekarri nahi dut hizketaldira.

Pelikularen sinopsi zabalduan irakurri daiteke komun publikoetan garatzen dela... [+]


Hizkuntza gutxituen artean, euskara hirugarren erabiliena da Europako streaming plataformetan

Netflix, Amazon Prime eta Disney+en, Hizkuntza Gutxituen Europako Gutunak onartzen dituen bost hizkuntza baino ez dituzte erabiltzen. Bosten artean nagusi da, alde handiz, katalana. Ondoren datoz galiziera, euskara, luxenburgera eta Eskoziako gaelikoa. EHUko Nor Ikerketa Taldeak... [+]


2024-02-19 | Euskal Irratiak
Graxi Irigarai: «Merkatua oztopo bat da Euskal Zinema Iparraldean hedatzeko»

Hizkuntza gutxituak eta eta Frantziako zine-sistema hartu ditu ikergai Graxi Irigarai baigorriarrak bere tesian. Abenduan aurkeztu zuen bere ikerketa, eta ordutik hamaika mintzaldi eskaini ditu. Oro har, Euskal Zinemak Ipar Euskal Herrian dituen zailtasun eta oztopoak eman ditu... [+]


Eguneraketa berriak daude