2012an deitu zuten azken aldiz Lehortearen Mahaia. Euririk egiten ez duela-eta, Landa Garapenak martxan jarri du berriz, sektorearekin diagnostiko bateratua egin eta prezipitazio faltaren bilakaera eta ondorioak jarraitzeko.
Bileran, ekoizpen-sektore ezberdinetan lehortearen inpaktua ebaluatzeko txostenaren berri eman dute. Horrez gain, nekazaritza-sektoreak eta, batez ere, abeltzaintzak bizi duen egoera zailari aurre egiteko 6 milioi euro jarriko dituela iragarri du Nafarroako Gobernuak. “Neurria batez ere abeltzaintza-sektorearentzat izango da, larrerik gabe geratzeagatik gehien sufritzen ari baita; horri pentsuen kostuaren igoera ere gehitu behar zaio Ukrainako gerra dela-eta, kostu energetikoen igoerarekin batera”, adierazi du Itziar Gomez Landa Garapen eta Ingurumeneko kontseilariak.
Urtegiak, gutxieneko historikoetan
INTIAri agindutako txostenean aztertu dituzte bazka-artoa, ekilorea, almendrondoa, mahastia eta olibadia. Jasotako datuen arabera, bazka-artoaren uzta %44 inguru murriztu dela uste da, zerealarena batez beste %22 jaitsi da, ekilorearen uzta %28 inguru, almendrondoarena %60 inguru, eta olibadiaren uzta %10-15 murriztu da.
Urtegiei eta ureztaketei dagokienez, maiatza-ekaina-uztaila hilabeteetan pilatutako ekarpenak gutxieneko historikoetan daude 1980az geroztik. Aragoiko eta Arbako arroak larrialdian sartu dira.
Bileran izan dira Landa Garapen eta Ingurumeneko kontseilari Itziar Gomez; Nekazaritza eta Abeltzaintzako eta Landa Garapeneko zuzendari nagusiak; INTIA sozietate publikoko kudeatzailea; eta UAGN, EHNE, UCAN eta ALINAR erakundeetako ordezkariak.
Lehortearen Mahaiak asmoa du aktibo jarraitzeko, egoeraren segimendua egitea xede.
Hamar urte baino gehiago daramatza martxan Arabako Nekazariak Eskolan proiektuak, Hazi fundazioak zenbait ekoizlerekin elkarlanean bultzatzen duena. Haur eta gaztetxoak nekazal mundutik geroz eta deskonektatuago bizi diren garaiotan, inoiz baino beharrezkoagoa da elkar... [+]
Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]
Aste honetan sortu da elkartea eta datorren astelehenean, hilaren 18an, laborarien sindikatuek Jose Mari Aierdi kontseilariarekin izango duten bileran egongo da.
Gorantz egiten ari da nekazaritza ekologikoko eredua Araba, Bizkaia eta Gipuzkoan, Ekolurra Kontseiluak baieztatu duenez, baina Europako Itun Berdeak 2030erako helburutzat duen %25etik urrun dago oraindik.
Eusko Jaurlaritzak, sindikatuekin egindako bileran, hamar konpromiso hartu ditu. Bilera ontzat eman badute ere, hauteskundeak egitear direnez, denborarik eza azpimarratu dute sindikatuek. ENBAk adierazi du denbora gutxi dutela neurriak gauzatzeko, eta UAGAk nabarmendu du... [+]