Lau herritar epaitegira deitu dituzte Zubietako erraustegiaren kontrako martxan parte hartzeagatik

  • Errausketaren Aurkako Mugimenduak zabaldu duenez, 2019ko irailean Zubietako erraustegirako martxan parte hartu zutela egotzita lau gipuzkoar daude epaitegira deituta, ekintza hartaz Ertzaintzak abiarazitako salaketaren ondorioz. Akusatuekiko elkartasuna adierazteko protestazko elkarretaratzeak deitu ditu EAMek epaitegiaren atarian.

Zero Zabor @zero_zabor
2019ko azaroaren 29a
Bi mila lagun inguru igo ziren erraustegirantz, bi zutabetan, Ertzaintzak bidea moztu zien arte. (Ibai Arrieta)

2018ko irailaren 23an bi mila jende baino gehiagok hartu zuten parte Errausketaren Aurkako Mugimenduak deitu eta beste erakunde askok bere eginda Zubietan antolatu ziren ekitaldietan eta erraustegiraino iristeko martxan. Ekitaldi haietan, besteren artean, Gipuzkoako Foru Aldundian Bilduk agindu zuen aldian proiektua gelditu zuten kargu politikoak omendu zituzten, hain zuzen ere herritarrei hauteskundeetan agindutakoa betez erraustegia gelditzeagatik ondorengo (eta lehenagoko) agintariek zigortu nahi izan zituzten pertsonak. Orain zigor mehatxuak beste batzuk hartu ditu jopuntuan.

Iraileko igande hartako arratsaldean zientoka herritar hurbildu ziren Zubietako erraustegiaren '0 gune' delakoraino, errausketaren kontrako protesta eraman nahian, zuriz jantzita eta mobilizazio baketsuak. Ertzaintzak eragotzi zien bertaratzea, hurbiltzeko bide guztiak itxita. Azkenean, ertzainak oldartu ziren erraustegiaren atariraino iritsi ziren jendeei, nahiz eta hauek esku hutsak erakutsiz erantzun.

Hamalau hilabete beranduago, Gipuzkoako lau herritarri iritsi zaie abendu hasieran epaitegian aurkezteko deia: Ertzaintzaren salaketagatik protesta auzibidean sartu dute. Lau pertsona hauekin elkartasunez EAMek elkartasunezko elkarretaratzeak deitu ditu Donostiako epaitegiko atarian, abenduaren 4, 9 eta 19rako.

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Gipuzkoako erraustegia kanaletik interesatuko zaizu...
Azkenak
EGILEA
Eguneraketa berriak daude