Zubietako erraustegiraino iritsi da protesta eta Ertzaintzak kolpeka erantzun du
Gipuzkoa Zutikek deituta eta hainbat erakunderen babesarekin, igande arratsaldean zientoka herritar hurbildu dira Zubietako erraustegia eraikitzen ari diren '0 gune' delakoraino, errausketaren kontrako protesta eraman nahian. Ertzaintzak eragotzi die bertaratzea, hurbiltzeko bide guztiak itxita.
Iazko martxan baino ertzain gehiago bidali dituzte Gipuzkoako agintariek eta airetik helikopteroak gertutik jarraitu ditu protestalarien mugimendu guztiak. Beren protesta erraustegi atariraino eramanik, beherako bideari ekin diote buzo zuriz beztitutako ehunka herritarrok.
Minutuak aurrera ahala zabaldu dira ertzainek herritar batzuen kontra eduki duten jokabide oldarkorraren albisteak, bertaratutako zenbaitek sare sozialetan ipinitako irudiei esker:
Herritarrek esku hutsak erakutsiz erantzun diete ertzainen kolpeei:
Taldearen kontra indarkeriz jo dute, baita kazetarien aurka ere. Zenbait zauritu daude borra kolpe eta erorikoengatik #ZubietaMartxa #IraultzaTxikienAkanpada @irutxulo @lurraldeaskea @GipuzkoaZutik pic.twitter.com/gmoFNUx1Tu
— Iñaki Agirre (@ikiagirre) September 23, 2018
