ARGIA.eus

Bultza kazetaritza independentea

Lau eguneko lan-astea probatu duten enpresak, eredu berriarekin gusturago

  • Soldatak mantenduz, lau egunera murriztu dute lan-astea Britainia Handiko 61 enpresak, sei hilabetez. Horietan, nekea %71 murriztu da eta gaixotasun bajak %65, diru-sarrerak batez beste %1,4 handitu dituzte eta orain arteko esperientzia piloturik handienean parte hartu duten enpresen %92ak dio lau eguneko lan-astea mantenduko duela.

Laneguna efizienteago bihurtzeko hainbat ohitura eta mekanismo jarri dituzte martxan enpresek.

2023ko otsailaren 22a - 10:00

Britainia Handiko 61 enpresak 2022an egin dute proba pilotua, asteko lanordu kopurua %20 murriztuz (40 ordutik 32 ordura), eta guztira 3.300 langile baino gehiagori eragin die. Cambridge unibertsitateko zientzialariak arduratu dira prozesua eta ondorioak ebaluatzeaz, eta astearte honetan argitaratu dituzte emaitzak: estresa nabarmen gutxitu da eta langileek diote nekea eta antsietatea txikitu zaiela, osasun mentala eta fisikoa hobetu dutela; gaixotasun bajak %65 murriztu dira; eta 61 enpresetatik 56k dio lan-aste berria mantenduko duela, horietatik 18 enpresek ziurtatu dute gainera aldaketa iraunkorra izango dela.

Eta produktibitatea?

Orduak gutxitzearekin batera produktibitatea jaitsiko zela, hori zen enpresarien kezka handienetakoa proiektu pilotua abiatu aurretik. Ikerketak dio ez dela hala izan, eta are gehiago, langileek prestutasun handiagoa dutela lanorduetan “denbora produktiboki aprobetxatzeko”. Enpresen diru-sarrerak ez dira aldatu sei hilabete horietan, eta datuak eman dituzten 23 enpresen kasuan, batez beste %1,4 igo dira diru-sarrerak.

Azken finean, laneguna efizienteago bihurtzeko hainbat ohitura eta mekanismo jarri dituzte martxan enpresek, hala nola bilerei edo egin beharreko lanen zerrendei begira.

Kontziliazioa eta ongizatea

Deskantsatuago, hori da langileetako askok erabilitako hitza. Lanaren ostean, deskonektatzeko eta “arnasa hartzeko” aukera eman die lan-aste eredu honek. Batzuek, astegunez jai izanda haurrak zaintzeko gastuak aurreztu dituzte, beste batzuek euren interes eta aisialdirako denbora hartu dute; oro har, lan bizitza eta bizitza soziala eta pertsonala uztartzeko aukera handiagoa eman die eredu berriak.

Proba pilotua egin aurretik, bi hilabetez prestatu zituzten enpresa parte-hartzaileak, hainbat tailer eta tutoretza bidez eta jada lau eguneko lan-astea egiten zutenen esperientzia ezagutuz. Ikerketaren ondorioak dio esperientzia honek erakutsi duela ametsa zirudiena politika errealista dela: “Lau eguneko lan-asteak lan eta familia bizimodu hobea dakar pertsona askorentzat”.


Irakurrienak
Matomo erabiliz
Azoka
Enplegua kanaletik interesatuko zaizu...
Ziburuko langile bat hil da Landetan, Ryam biofindegian industria inbutu handi batera erorita

Fiskaltzak dioenez, industria hauts toxikoak arnastu ondoren bihotz-biriken geratzeagatik hil da. Mantentze-lanetarako azpikontratatuta zegoen langilea.


Lau eguneko lan astea EAE-n
Zenbat du proposamen elektoralistatik eta zenbat egingarritik?

Berritzaile eta aurrerakoi sena atera dute PSE-EEko sozialistek EAJrekin batera gobernantzen duten Euskadin. Eta bigarrenez –M8 jaiegun bihurtzeko proposamena–, ustekabean hau ere, zalaparta sortu dute eragileen artean. Lan eta Enplegu sailburuari plenoko nozioan... [+]


Turkian lurrikarak 'low cost' hirigintzaren ondorioak azalerazi ditu

Anatoliako failak Kurdistanen, Turkian eta Sirian eragindako lurrikarak goitik behera jausi ditu milaka etxebizitza, eta agerian geratu da Recep Tayyip Erdoganen gobernuaren eta eraikuntza sektorearen artean dagoen ustelkeria. Baina baita munduan nagusitzen ari den eredu baten... [+]


2023-02-23 | ARGIA
Arrigorriagan hildakoarekin, zortzi langile hil dira Euskal Herrian urte hasieratik

Otsailaren 21ean gertatu zen istripua Arrigorriagako Conformados Facme enpresan eta, horren ondorioz, 51 urteko langilea hil da. Protesta eta dolu gisa, enpresa itxita izan da azken bi egunetan, langileek hala erabakita. Astelehenean ere bi zauritu izan ziren Amurrioko Tubos... [+]


Soldata arrakala datu ofizialek ematen dutena baino altuagoa dela salatu du LABek

Hego Euskal Herriko soldata arrakalari buruzko azterketa egin dute publiko LAB sindikatuak eta Ipar Hegoa fundazioak. Soldata arrakala datu ofizialek adierazten dutena baino sakonagoa dela frogatzeko, sektore feminizatuetako eta maskulinizatuetako kategoria bereko lanei... [+]


Eguneraketa berriak daude