Lasarte-Oriako udaltzainen hizkuntza eskakizunak, "legez kanpokoak"

  • Udaltzaingoko kaporal agenteei eskatutako euskara maila apaldu du udalbatzarrak, adituen irizpideen aurka.

Txintxarri @txintxarrieus
2018ko uztailaren 18a
EAJk eta EH Bilduk gainerako alderdien erabakiaren aurka bozkatu dute. Argazkia: txintxarri.eus.

Ekaineko udalbatzarrean euskararen aurkako erabakia hartu zuen udalbatzarrak: gehiengoak onartu zuen udaltzain kaporal izateko hizkuntza eskakizuna jaistea. Modu horretan, hirugarren profila eskatu beharrean, soilik bigarrena beharko dute. PSE-EEk, ADLOPek eta PPk onartu zuten mozioa. EAJ eta EH Bildu izan ziren aurka bozkatu zuten bakarrak. 

Agente kaporalen bost postu sortuko ditu udalak. 2013ko ekainean udalbatzarrak erabaki zuen hirugarren profila eskatzea, eta Euskara Zerbitzuaren txostenak aurkeztu zituen. Orduan, ordea, bestelakoa zen udalbatzarraren osaera; EH Bilduk gobernatzen zuen. 

Prozedura

Jon Antxordoki EAJko bozeramaileak ohar bidez azaldu duenez, legez kanpokoa da profilaren aldaketa, ez delako behar bezala arrazoitu. Haren arabera, Administrazio Publikoen Prozedura legea urratu da, eta hori arrazoitzeko txostena aurkeztu du Lasarte-Oriako Udaleko erregistroan. 

Jesus Zaballos alkateak ekaineko udalbatzar hartan argudiatu zuenez, udalbatzarraren osaera aldatu da, eta, beraz, "arrazoi politikoengatik" beheratu dute udaltzain kaporalen hizkuntza eskakizuna. Ez zituen kontutan hartu euskara normalizatzeko ahaleginak, ezta Hizkuntza Politika Sailburuaren gomendioak. 

EAJk ekaineko udalbatzarrean eskatu zuen gaia atzeratzea, prozedura legea urratu ez zedin. Halere, ez zuten proposamena onartu, eta azkenean apaldu zituzten kaporal agenteen hizkuntza eskakizunak. ADLOPek argudiatu zuen udaltzainekin hitz egin zuela, eta "praktikotasunagatik" adostu zuela soilik bigarren profila eskatzea. 

Helegitea 

Orain, EAJk aurkeztutako helegitean ondokoa arrazoitzen du: 2013an kaporal agenteen zereginak aztertu zituela Euskara Zerbitzuak, eta txosten tekniko batean ondorioztatu zuela lanpostu horri zegokion hizkuntza eskakizuna hirugarren profila zela. Gainera, txosten horretan arrazoitutakoa berresten du Hizkuntza Politika Sailburuak; herri administrazioetan euskara normalizatzeko eta indartzeko irizpideak finkatuta ditu Eusko Jaurlaritzak. 

Antxordokik salatu duenez, udalbatzarrean hartutako erabakiak legez kontrakoak izan dira, irizpide teknikoekin hartutako erabakia arrazoitu gabe irauli delako. "Ezinbestekoak diren txostenak eskatu gabe hartu da erabakia". Azken udalbatzarrean ere gaia atera du EAJko  bozeramaileak, eta alkateak erantzun dio helegiteak aztertzean erantzungo diotela. 

Albiste hau txintxarri.eus-ek argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskara lan munduan  |  Hizkuntza politika

Euskara lan munduan kanaletik interesatuko zaizu...
2018-11-09 | Pello Igeregi
ELA | Pello Igeregi | IRITZIA
Aldibereko itzulpen zerbitzu publiko doakoak indartuta eta hedatuta nahi ditugu

Aldibereko itzulpen-zerbitzuak hedatu eta eskueran jartzeko proposamena luzatu nahi diogu Eusko Jaurlaritzako Hizkuntza Politikarako Sailburuordetzari. ELArentzat, euskara gure jardunaren erdigunean izatea erabaki estrategikoa da.


Felix Zubia Olaskoaga
"Medikuok hizketan gaztelaniazko hitz teknikoak erabiltzen ditugu eta lanean guztia gaztelaniaz idazten dugu"

Irailak 13 eta 14, Bilbo. Osasuna eta Hizkuntza jardunaldiak EHUko Udako Ikastaroetan. Hamarnaka lagun bildu ziren osasun arloan euskaraz lan egiteko bideak jorratzeko. Pazienteak sarri gaztelaniaz artatzen badira, osasun eremuan lan hizkuntza erabatekoa gaztelania da. Jardunaldiotan Bilbo Hiria Irratia izan zen eta hainbat hizlariri elkarrizketak egin zizkien. Horietako bat Felix Zubia Olaskoaga izan zen. Donostia Ospitaleko Zainketa Intentsiboetan mediku eta EHUko Medikuntza Fakultateko... [+]


2018-10-30 | ARGIA
Tuterako Udalak udaltzain izateko lan deialdian alemana jakitea baloratu zuen eta euskara ez

Tuterako Udalak udaltzaingoko inspektoreorde izateko lan deialdian alemanaren, frantsesaren eta ingelesaren ezagutza baloratu zuen, eta euskara ez, Administrazioan Euskaraz Taldeak salatu duenez


Aurten herritarrek, hurrengoan entitateek hartuko dute ardura Euskaraldian

Oraindik egin ez den 2018ko Euskaraldiak segida izango du 2019an. Orduan entitateek hartu beharko dituzte neurriak etxe barrura eta kanpora begira hizkuntza ohiturak aldatzeko. Maiatzaren 18an, Eusko Jaurlaritzak eta Euskaltzaleen Topaguneak Udaltop topaketetan aurkeztu zuten orain arte diseinatutakoa.


2018-06-01 | ARGIA
"Ahobiziak" eta "belarriprestak" Osakidetzan, Banco Sabadellen, Caixabanken...

Udazkeneko Euskaraldian protagonista nagusiak herritarrak dira. Hala ere, entitateek haien eremuetan “ahobiziak” eta “belarriprestak” aktibatzeko ardura hartu ahal izango dute. Batzuek hartu dute horretarako konpromisoa.


Entitateen Euskaraldiaren proposamena aurkeztu dute Eusko Jaurlaritzak eta Euskaltzaleen Topaguneak

Oraindik egin ez den 2018ko Euskaraldiak segida izango du 2019an. Orduan entitateek hartu beharko dituzte neurriak etxe barrura eta kanpora begira hizkuntza ohiturak aldatzeko. Jaurlaritzak eta Topaguneak Udaltopen aurkeztu dute orain arte diseinatutakoa.


Osakidetzak ez du euskarazko arreta osoa bermatzen

Osasun sistema publikoko hizkuntza eskakizunek hautsak harrotu ditu azken urteetan; Tolosaldean bi familia mediku lanpostu sortu dira eta ez dute hizkuntza eskakizunik.


2018-03-28 | Pello Igeregi
Euskaldunak euskaldunen kontra?

Baten bat harrituko zen LABeko zuzendaritzako kide eta Euskara Arduradun den Amaia Aurrekoetxeak Berrian idatzitakoa irakurtzean: ELAk Ondarroako udala erdaraz aritzera behartzen omen du. Ondarroako udalak bere langileei Lanpostuen Balorazioa egiteko txostena helarazi die. Balorazio hau egiteko euskaraz hizkera tekniko-juridikoa erabili dute. Langileak euskaldunak dira, baina ez dute bidalitakoa ulertzen eta horregatik udalari ulertzeko moduko testu bat bidaltzea eskatu diote, erdaraz bada ere... [+]


Ondarroan gazteleraz?

ELA sindikatuak Ondarroako Udalari eskatu dio euskaratik gaztelaniara itzultzeko lanpostuen zerrenda zehazteko egiten ari den txostena. Honi buruz hitz egin du LABeko Euskara idazkari Amaia Aurrekoetxeak, iritzi artikuluan.


2017-12-01 | Antxeta Irratia
Jaurlaritzari hizkuntza perfilak berraztertzeko eskatu dio Irungo PPk, lanpostu publikoetan euskara traba delakoan

Irungo PP alderdiak hartu du hitza gaur, gazteleraz, denok aho bete hortz uzteko. Muriel Larrea, popularren bozeramaleak euskara ez dakitenek, berdin irundarrak eta euskal herritarrak edo baskoak direla aldarrikatu du, eta euskara eremu politikotik aldendu beharra dagoela nabarmendu du. Bestalde, Eusko Jaurlaritzari hizkuntzak perfilen sistema berraztertu beharko lukeela dio, lanpostu publikoetan, "euskara traba delako".


Azkenak
EGILEA
Eguneraketa berriak daude