Larunbateko manifestazioa “abiapuntua” besterik ez dela izan adierazi du Euskara Aurrera ekimenak
Euskararen aldeko “olatu berri eta berritu bat” altxatzera deitu du, elkarlana oinarri. Administrazio publikoei eskatu die euskaraz bizitzea ahalbidetuko duten hizkuntza politikak garatzeko.
Prentsaurrekoa egin du asteartean Euskara Aurrera ekimenak, larunbateko manifestazio jendetsua baloratu eta aurrera begirako erronkak ezartzeko. Gazte Euskaltzaleen Sareko Malen Frantsesenak eta Pantailak Euskaraz taldeko Alex Aginagaldek hartu dute hitza. Larunbateko manifestazioarekin “oso pozik” daudela eta “indarberrituta” irten direla azaldu dute. Kopuruez harago, lorpen handi bat azpimarratu dute: “euskalgintza eta gizartean” piztu diren “poza eta ilusioa”.
“Jauzi indartsu bat” egiteko garaia dela adierazi du Euskara Aurrerak, eta horretarako bi helburu nagusi nabarmendu dituzte. Batetik, euskararen aldeko “olatu berri eta berritu bat” altxatzera deitu dute. Manifestazioa urrats “erraldoia” izan dela ziurtatu dute, baina aldi berean “abiapuntua” besterik ez dela. Orain arte bezala “lankidetza” oinarri izango dutela adierazi dute Aginagaldek eta Frantsesenak, eta dei egin diete herritarrei udazkenena antolatuko diren euskararen aldeko ekimenetan parte hartzera.
Administrazioetatik baldintzak sortu
Bestetik, Euskara Aurrerak “euskararen lurralde osoko” administrazioei dei egin die “beren ardurak” hartu eta hizkuntza politikak berriak garatzera. Ekimenaren ustez herritarren “borondate hutsa” ez da nahikoa euskaraz bizitzeko: “Euskaraz bizi eta aritu ahal izateko baldintzak sortu egin behar dira”. Hori errealitate bihurtzeko neurriak hartzeko eskatu diete administrazioei.
Aurtengo ikasturtean A2 mailara arteko ikastaroetako dirua itzuliko dute EAEn, baita C1ekoak 16-18 urteko ikasleei ere. Nafarroan A1 mailan matrikularen prezioa itzuliko diete.
Hilotan, euskara sarritan izan dugu albiste. Txarrerako, euskaltzaleon artean nagusi den aldarte ezkorra ikusita. Baina euskararen egoera txarra dela ez da kontu berria, datuen bitartez beste zerbait iradoki den arren.
Har dezagun, adibidez, hizkuntzak irabazi ei dituen... [+]
Gizonezkoak ziren gehienak Sanferminetako entzierroetan; gizonezkoak ia denak Frantziako Tourrean; gizonek hartu dute udako musika jaialdietako oholtza eta backstage-a; gizonezkoak dira nagusi bertso-plazetan; gizonezkoak dira Donald Trump, Vladimir Putin eta Benjamin Netanyahu... [+]
Nafarroako Gobernuak eskaera egin duten familiei iradoki die "datorren ikasturteari begira" abiatu dezaketela tramitazioa.
Sarriegi jokatzen dugu erreaktiboki Euskal Herrian eta Euskalgintzan. Albiste bat, elkarrizketa bat, epai bat, eraso bat. Ondoren, erantzuna. Tamalez, berriro ere inertzia berak nakar Ander Gurrutxagaren elkarrizketa euskarafoboa aztertzera. Gustura gelditu zen, tartean zera... [+]
Euskararen (euskaldunon) aurkako oldarraldiak ertz ugari ditu; horietako bat fronte mediatikoa da, Voxento taldea buru eta PSOE-CCOO-UGTko kide ezagunak ekintzaile nagusi. Sarri eskaintzen digute idatziren bat, barnera dezagun Euskal Herriko hizkuntza ofizialetatik zein diren... [+]
Eraberrituta dator Laba. Egoitza handiagoak ostalaritza eskaintza zein kultur ekitaldiak baldintza hobeagoetan ematea ahalbidetuko du.
Gordin esan dute Aiaraldeko ikastetxeok: euskalduntzea “arriskuan dago” eta ikastetxeek, bakarrik, ezin diote aurre egin “egoera larriari”. Autokritika egin, eta hamar konpromiso hartu dituzte, hezkuntza komunitateek praktikara eramatekoak. Era berean,... [+]
Artikulu bati zer nolako izenburua jarri ez da aise hautatzen, ezta? Hasiera batean, “euskaldun gezurti, tranpatiak” bezalako izenburua idazteko asmoa nuen, baina inor mintzeko gogorik ez dudanez, goikoari eutsi diot, ene gogoetaren muina hobeto ulertaraziko... [+]
UEUk eta BadaLabek ikertzaile gazteei zuzendutako diziplinarteko ikerketa-proiektuen II. deialdia egin dute. Honen helburuak dira ikertzaile euskaldun gazteen arteko harremanak sendotzea eta ezagutza-arlo ezberdinetako ikertzaileak elkarlanean aritzea. Irailaren 22ra arte... [+]
Eskubide linguistikoen ikuspegi integratzaile baten eskaintza dugu gaurkoa.
Espainiako supremazismo linguistikoa osasuntsu eta bizkor ageri zaigu, “hooligan” samalda anitz baten babesaz eta komunikabide indartsuez sustatua. Azken aurreko lagina Santi Martinezena... [+]
IFOP institutuak eginiko ikerketa ezaguratarazi du Eskualde eta Herri Solidarioen Federazioak Korsikan, eta ondorioztatu dute Frantziako Estatuan biztanleen erdiak nahiko lukeela bere eskualdeak autonomia handiagoa izatea.
Euskarak urte luzeetan ezaguturiko zapalkuntzaren ondorio larriak, frankismoaren errepresio itogarriak, baita gure hizkuntzarekiko erakutsi zuen jarrera erasokorrak ere, piztu zituzten herri honen euskaldungoaren kontzientzia eta oldarra. Eguneroko esperientziaren egoera larriak... [+]
Hizkuntzalari ospetsu José Ignacio Hualdek hiru joera nagusi bereizi ditu euskaldun berrien artean, batuarekiko harremanari dagokionez: euskalki biziko herrietan, gazteek etxean euskalkia darabilte eta eskolan batua; gaztelaniaz hitz egiten den hiriguneetan, gehienek batua... [+]
Ez diote ezeri muzin egin nahi opor giroan: natura, aisialdia eta gogoeta izango dira ardatz Euskaltzale Independentisten Akanpadan, abuztuaren 25etik 31ra.