Lapurdin urre meategia egin nahi duen enpresako jabearen etxean garabiekin ekintza egin du Bizi!-k

  • Bizi!-ko 17 kidek ekintza egin dute garabiekin, Lapurdiko hamaika herri kaltetuko dituen urre miaketa proiektua salatzeko, Sudmine enpresaren presidentearen etxe aurrean egin dute protesta, Seichebrières herrian (Frantziako Estatua) Euskal Herritik 700 kilometrora.

Xalba Ramirez @xalbaram
2017ko irailaren 14a

“Urre meategiei ez” leloa mezua eraman diote Sudmine enpresaren jabeari eta bide batez larunbatean Baionan, Stop Mines kolektiboak deituta, lelo bera duen manifestazioan parte hartzeko gonbidapena zabaldu dute.

Garabiarekin enpresak egin dezakeen suntsiketa irudikatuta, enpresaburuaren bizilagunei mezua zabaldu diete Bizi!-ko kideek eta herriko alkatearekin batzeko aukera izan dute.

2015ean 126 kilometro koadroko eremu batean urrea bilatzeko esklusibotasuna dakarren baimen eskaera luzatu zion Sudminek Frantziako Estatuari, eta gobernuak azaroan erantzun dezake eskaera.

Ainhoa, Kanbo, Ezpeleta, Jatsu, Haltsu, Itsasu, Larresoro, Senpere, Sara, Zuraide eta Uztaritze herriak eta bertako mendiak izango dira zuzenki kaltetuak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Urre bila Lapurdin  |  Frantzia  |  Bizi!

Urre bila Lapurdin kanaletik interesatuko zaizu...
Eguneraketa berriak daude