Langileen eskubideak errespetatzea eskatu dute Ezpeletako biperra biltzen dabiltzan sasoilariek
Aterpetzeko dituzten baldintza txarrak salatu dituzte Ezpeletan eginiko manifestazioan.
Azken urteetan errepikatuz doan arazoa plazaratu dute Ezpeletako biperrak biltzen dabiltzan sasoilariek: lan eta bizi baldintza kaskarretan dabiltza batzuk. "Leku duin bat behar dugu" aldarria lehen lerroan jarri eta manifestazioa egin zuten agorrilaren 30ean hogeita hamar bat langilek. Bezperan jadanik mobilizatu ziren herriko plaza hartuz. Kontua da sasoilarien gehiengo handia ez denez lekukoa, aterpea ezinbestekoa izaten dutela gehienek. Alta, salatu dutenari segi, nagusi guztiek ez dute eskubide hori bermatzen eta baldintza prekarioetan akanpatu behar izaten dute.
Arazoari aterabide bat atzemateko asmoz, komisio bat osatu zuten duela bizpahiru urte Ezpeletako Biperraren Sindikatuaren baitan, baina ez dute oraingoz soluziorik adostu.
Euskal Irratiak komunikabidea egon da protestan eta horra hemen zabalduriko txioa:
Biper saileko sasoilariak kexu Ezpeletan. Gehienak kanpotiarrak dira eta haien furgonetan lo egiten dute. Leku duin bat eskatzen dute ura eta elektrikarekin. 15 bat greban jarri dira eskatutakoa lortu arte. @AOP_PIM_ESPELET pic.twitter.com/rCF9v9c31O
— Euskal Irratiak (@euskalirratiak) August 30, 2022
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.