Lanbideren 585 ikastaroak gazteleraz

  • Lanbidek ikastaroak gaztelera hutsean eskaintzen dituela salatu du Administrazioan Euskaraz Taldeak. Lanbideri eskatu dio formazioa euskaraz egiteko baliabideak jar ditzala


2022ko urtarrilaren 17an - 14:04
Azken eguneraketa: 15:09

“Orain [Lanbidek] langabeentzat eskaintzen dituen 585 ikastaroetatik guztiak dira gaztelaniaz”, salatu du AET taldeak. “Tira, guztiak ez: euskara ikastaroak euskaraz dira”. Taldeak azaldu du herritar baten kexaren ondorioz aztertu duela ikastaroen hizkuntza. Lanbideren politika salatu, eta norabide aldaketa eskatu du AETk: “Lanbideri eskatzen diogu behar diren baldintzak jar ditzala herritarrek aukera izan dezaten halako ikastaroak euskaraz egiteko. Hiriburuetan eta UEMAko herrietan has daiteke, adibidez. Eta, horrekin batera, webguneko bilatzailea molda dezake, hizkuntzaren araberako bilaketak egiteko”.

Ertzaintzan lanpostu berrien %33 hizkuntz eskakizunik gabeak

ELA sindikatuak, bestalde, Ertzaintzako azken lan eskaintza publikoko hizkuntza politika salatu du. Urtarrilaren 14ko LEP deialdiko 424 plazetatik, 145ek ez dute euskara eskakizunik. ELAk adierazi du “ulertezina” dela hori: “Herritarren hizkuntza eskubideak ez bermatzeaz gain, Ertzaintzaren euskararen normalizazio planaren kontra doa. Izan ere, plan horren helburua euskaraz lan egitea eta herritar guztien hizkuntza eskubideak errespetatzea da”. Plaza guztiek euskara eskakizuna izatea defendatu du ELAk, baina salatu du etengabe baztertzen den eskaera dela, eta gogoratu du aurreko LEPko 700 plazetatik 238tan ere ez zela euskara eskakizunik egiten.


Kanal honetatik interesatuko zaizu: Euskara lan munduan
Lan mundua euskalduntzeko ere Herri Akordioa

Lan munduaren euskalduntzea euskararen normalizazio-prozesuaren erronka nagusietakoa dena diagnostiko partekatua da euskalgintzan eta eragile euskaltzaleon artean. Hamarkadatan belaunaldi berriak euskalduntzen egindako inbertsio guztia (hor ere egiteko asko geratzen dela ahaztu... [+]


Eibarko udaltzain bat euskararen ezagutzatik salbuetsi du Donostiako epaitegi batek

Udaltzaina 1992tik ari da lanean euskararen eskakizuna zuen lanpostu batean, eta egonkortze prozesua eskatzen duen lehiaketan euskarak baldintza gisa jarraitzen zuen. Udaltzainak helegitea jarri dio derrigortasun horri eta epaileak arrazoi eman dio.


227 lanpostu kolokan Bizkaian euskara eskakizunengatik

Bizkaiko Foru Aldundiko langileak egonkortzeko bi prozesu eten ditu EAEko Justizia Auzitegi Nagusiaren menpeko administrazioarekiko auzien epaitegiak. Epaiak ez dira irmoak.

 


Eguneraketa berriak daude