"Lanbide Heziketa Euskaraz" aldarria zabalduko dute ekainaren 28tik uztailaren 1era
Bizikletako martxak eta topaketak antolatu dituzte, euskarak Lanbide Heziketan duen presentziaren inguruan hausnartzeko eta aurrera egiteko proposamenak elkarrekin adosteko.
Tartanga (Erandio), Barakaldo eta Txurdinaga (Bilbo) zentroetako Normakuntza sailek sustatuta Lanbide Heziketaren sarretze eta partekatze ekintzak burutuko dituzte.
Bi helburu bete nahi dituzte ekintza hauen bidez: Lanbide Heziketan euskarak duen presentziaz hausnartzea eta aurrera egiteko proposamenak elkarrekin adostea.
Gipuzkoa eta Nafarroako Lanbide Heziketako eragileekin saretuko dira. Lehenengo egunean Barakaldotik Debara joango dira; bigarrenean Debatik Berara eta hirugarrenean Beratik Irisarrira, EHZ festibalean bukatzeko. Uztailaren 1ean Etxepare Lizeoan azkeneko topaketa egingo dute.
Lanbide Heziketa eta euskara
Lanbide Heziketan matrikulatzeko epea bukatuta, urteroko gaia azaleratu da: ikasketa hauek ez dute bermatuta euskaraz ikasi ahal izatea. Oso adierazgarriak dira datuak: DBHn D eredua nagusi den arren (2021ean, adibidez, ikasleen %71k ikasi zuen D ereduan), Lanbide Heziketara pasa eta nabarmen eskasten da kopurua (urte berean, ikasleen %24k baino ez zuen ikasi D ereduan Lanbide Heziketa). Behean ageri dira datuon grafikoa, eta gaur egun joera hori mantentzen dela azaldu digute Steilas sindikatutik: DBHn eta Batxilergoan gora egiten du D ereduaren aukerak, eta Lanbide Heziketan aldiz, behera. Aurreko hizkuntza ibilbidearekiko haustura agerikoa da.
Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]
Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Taldea ezagutarazteko eta proiektua finantzatzeko antolatu dute egun osorako egitaraua.