2025/2026 ikasturterako ikasle guztiek eredu dualean ikastea du helburu Lanbide Heziketako IV. Planak
Gaur egun Lanbide Heziketako ikasleen %30ek ikasten du eredu dualean Araba, Bizkaia eta Gipuzkoan 7542 enpresetan. Iaztik bikoiztu baino gehiago egin da enpresa kopurua, eta hemendik hiru ikasturtera 25.000 izatea nahi dute.
2025/2026 ikasturterako Lanbide Heziketako ikasleen %100ak eredu dualean ikastea du helburu. Jokin Bildarratz Hezkuntza sailburuak ostegunean aurkeztu du Lanbide Heziketako VI. Plana. Horretarako, 25.000 enpresa baino gehiagoren esku-hartzea bultzatu nahi dute. Gaur egun 46.671 ikasle ari dira Lanbide Heziketa ikasten EAEn, horietatik %30 eredu dualean, 7.542 enpresetan.
Lanbide Heziketan parte hartzen duen enpresa kopurua bikoiztu baino gehiago egin da iaztik, 3.155 baitziren 2021/2022 ikasturtean. Urtez urte prestakuntza dualean ikasle gehiago izatea du helburu plan berriak; hots, datorren kurtsoan ikasleen %50 eta 2024/2025 ikasturtean %70.
Hezkuntza Sailburuak adierazi duenez, Lanbide Heziketako VI. Euskal Plana "Lanbide Heziketako euskal sistemaren hurrengo eraldatzea oinarrituko duen instrumentua" da. "Handinahiagoa eta eraldatzaileagoa" izango den eredua bultzatu nahi dute. Horretarako, ekintzailetza-kultura lantzen jarraitzeko asmoa azaldu du Bildarratzek, 75.000 ikasle baino gehiagorekin. 300dik gora enpresa sortzea ere bultzatu nahi dute.
Aldaketetara moldatuz
Horrez gain, lanpostu askoren eraldaketei erantzuteko tresnak jarri nahi dituzte martxan. Horregatik, plan berriak "erabateko eraldatze digitala" bultzatuko du Lanbide Heziketako Ikastetxe Integratuetan. Bide horretan, 2025/2026 ikasturterako ikastetxe guztiak erakunde adimendun bilakatu nahi dituzte, "gai izan daitezen teknologia digital eta adimendun altuko ekoizpen-ingurune berri baten ondoriozko erronkei aurre egiteko".
"Baserriberri" du izena programak eta langabezian diren Euskal Herri osoko 12 ikasleri zurgintza formazioa emango die, erortzear diren baserriak berritzen ikas dezaten.
"Borroka luze eta gogor baten ostean", garun-paralisia eta %87ko desgaitasun motorra duen Usurbilgo ikasleak jardunaldi osoko laguntzailea lortu du ikasturte honetarako eta familia guztia "oso pozik" dagoela jakinarazi dio ARGIAri ikaslearen amak. Joan den... [+]
Bizikletako martxak eta topaketak antolatu dituzte, euskarak Lanbide Heziketan duen presentziaren inguruan hausnartzeko eta aurrera egiteko proposamenak elkarrekin adosteko.
%87ko desgaitasun motorrarekin, Lanbide Heziketa ikasten ari den Usurbilgo gazte batek laguntzailea behar du ikastordu guztietan, baina ukatu egin dio Hezkuntza Sailak, eta hautsak harrotu ditu kasuak: Eusko Legebiltzarrera eraman du gaia EH Bilduk, Steilas sindikatuak egoera... [+]
%87ko desgaitasun motorrarekin, Usurbilgo gazte batek ikastordu guztietan laguntzailea izan du orain arteko ibilbide akademikoan, baina Lanbide Heziketara igaro denean, jardunaldi erdian baino ez diote jarri laguntzailea. Laguntzailerik gabe dagoen orduetan ezinezkoa zaio... [+]