La Salle jakitun zen Patxi Ezkiagak adin txikikoei egindako sexu abusuez, eta ez zuten neurririk hartu

  • El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak salatu.


2024ko ekainaren 21an - 15:40
Iñigo Ibañez - Goierriko Hitza
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Marisol Zamora izan zen Patxi Ezkiaga idazle eta elizgizonaren sexu abusuak salatu zituen lehen emakumea. Maiatzaren 30ean eman zuen horren berri El País egunkariak. Horren aurrean, Legorretako Udalak publiko egin zuen edozein eratako sexu-erasoak “irmo gaitzesten” zituela, bereziki adin txikikoei egindakoak. Babesa adierazi zion Marisol Zamorari eta hiru neurri hartu zituen: Patxi Ezkiaga Lasari herriko seme kuttun izaera baliogabetzea, Patxi Ezkiaga Kultur Etxea hemendik aurrera Kultur Etxea izendatzea eta haren omenez eginiko eskultura Etxezarreta auzoko parketik kentzea.

Marisol Zamorak Berriari eskainitako elkarrizketan azaldu zuen Ezkiagak bere boterea baliatzen zuela erasoak egiteko: “Zortzi edo bederatzi urte izango nituenean hasi zen. Ez dakit zehazki noiz; haurra nintzen. Argia itzali zuen, eta bere magalean eserarazi ninduen. Ilunpetan geunden, nire familiaren aurrean. Ukitu egiten ninduen. Nire hankak haren hankartean jartzen zizkidan. Hark esan zidan esertzeko, eta, garai hartan, apaiz batek etxean esandakoak indar handia zuen”.

Sexu abusuen jakitun zen La Salle ikastetxeak 1990. hamarkadatik eta horren aurrean ez zuten neurririk hartu, El Paísek jasotako hainbat ikasle ohien testigantzen arabera.  8-9 urtetik hamazazpi urtera bitarteko adin txikikoei egin zizkien sexu abusuak testigantzen arabera.

24 dira El Paísek jasotako testigantzak Ezkiagaren sexu abusuen inguruan. Izaskun Iparagirre, La Salleko Isabako kanpamenduko monitorea izandakoa, zentroari Ezkiagaren gehiegikeriez ohartarazi zuen lehen pertsona izan zen. “Ordenako gainerako anaiek ez zekiten nola gelditu, ikastetxeari kalterik egin gabe”. Udako kanpamenduetan, urtero ikasle berri bat eramaten zuela ere kontatu du, eta arratsaldeetan “bizpahiru orduz desagertzen” zela ikaslearekin. Jarrera horietaz informatzean, arduradunen erantzuna “hitz egin berarekin, ea kasu egiten dizun” baino ez zen. Beste biktima batek kontatu du sexu abusuen berri eman ziotela konfiantza gehien zuten irakasle bati eta horrek “barre egin” zuela. Ezkiaga denboraldi baterako Erromara bidali zuten eta hilabete batzuen buruan zentrora itzuli zen. Izan ere, Marisol Zamorak dio ez dagoela jasota lekualdaketa salaketen eragina izan zela.

Ikastetxean abusuak 1980tik aurrera hasi ziren, ikastetxea mistoa egin zenean. Testigantzek adierazi dute abusuak ohikoak zirela ikasgelan bertan, ikasleak bere gainean eserarazten zituen eta bularrak eta genitalak ukitzen zizkien gainerako ikaskideen aurrean. “Ia beti neskak bakarrik ateratzen zituen”, dio biktimetako batek. El Paísek jasotako testigantza gogorrenetariko batek zera dio: “Zakila tente atera eta bere gainean esertzeko eskatu zidan. Esan zidan: ‘Samurtasunak mundua salbatuko du’”. Horren aurrean biktima korrika atera zen eta horrek ondorio txarrak ekarri zituen. "Nire lanetako bat ere ez zen hautatua izan, gaizki hitz egiten zien nire ikaskideei, alfer hutsa nintzela esanez”. Testigantza batzuek adierazi dute txikitan izandako bizipen horiek gaur egun oraindik ez dituztela gainditu, eta biktima batek bere buruaz beste egiteko saiakerak egin izana aitortu du.

Sexu abusu salaketa gehiago

2020. urtean hil zen Sebastián Grandmontagne, Irungo nobizioen zuzendari espirituala, botereaz baliatu zen adin txikikoak sexualki abusatzeko. Ikasle batek salatu zuen Grandmontagnek sexualki eraso egin ziola eta bere “kurtsoko guztiekin” egin zuela. 120 ikasle inguru ziren. Sexu-kontuetan gidari espirituala eta aditua zela esaten zuen Grandmontagnek eta horrela ikasleei sexuari buruzko galderak egiten zizkien, testigantza baten arabera. El Paisen adierazitakoaren arabera, konfiantzazko monitore baten laguntza bilatu zuen, eskolara gutun bat idazten lagun ziezaion.  Grandmontaigne ez zitzaiola gehiago hurbildu adierazi du, baina Ezkiagak beti bezala jarraitu zuela dio.


Kanal honetatik interesatuko zaizu: Sexu Erasoak
Sanferminetako bederatzi sexu eraso ikertzen ari da Foruzaingoa, horietako hiru “intentsitate altukoak”

Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]


Emakume bati sexu erasoa egiteagatik, gizon bat atxilotu dute larunbatean Tuteran

Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.


Milaka lagunek salatu dituzte Sanferminen lehen egunean izandako eraso matxistak

Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.


2024-07-05 | Ahotsa.info
Eraso Sexisten Aurkako Protokoloa Sanferminetan

Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]


Nagore Laffage oroitu dute Iruñean, hilketaren 16. urteurrenean

Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.


Sexu abusuak egiteagatik zigortu dute epaileek Baionako apaiz bat, baina ez du kartzelara joan beharko

70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.


21 urteko fisioterapeuta bat atxilotu dute Bilbon, emakume bati sexu erasoa egitea leporatuta

Atxilotuak astelehen goizean, ekainaren 17an, egin zuen sexu erasoa, pazientea belauneko lesio batetik artatzen ari zela, emakumeak salatu duenez. Atxilotua ertzain-etxera eraman zuten eta aske utzi zuten, Bilboko Guardiako Epaitegiaren esku geratu ondoren.


18 urteko gizonezko bat atxilotu dute Gasteizen sexu erasoa leporatuta

Adingabe bat bortxatu izana egozten zaio gazteari, zenbait komunikabideren arabera. Lakuabizkarra auzoan izan da erasoa, larunbatetik iganderako gauean, auzoko jaien testuinguruan. Kontzentrazioa egin dute erasoa gaitzesteko.


2024-06-07 | Axier Lopez
Patxi Ezkiagak Legorretako “seme kuttun” izateari utziko dio, udalak hala erabakita

Legorretako Udalak ostiralean jakinarazi du Patxi Ezkiaga idazle eta elizgizonari herrian egindako goraipamen guztiak kenduko dizkiola. Ezkiagak Marisol Zamorari umetan egindako sexu erasoak publiko egin ondoren hartu du erabakia udalak. Beste hiru emakumek ere salatu dituzte... [+]


Kasik ehun ikaslek salatu dituzte Betharramgo ikastetxe katolikoan jasandako bortizkeria fisiko eta sexu indarkeriak

Berria egunkariak eman du salaketen berri, garai hartan bertan egondako ikasle batzuen lekukotasunak ere bilduz. 1960ko hamarkadatik 1990eko hamarkadaren bukaera artean gertaturiko indarkeria fisiko, sexu bortizkeria eta bortxaketei buruzko lekukotasunak bildurik,... [+]


Emakume bortxatuari babesa helarazteko elkarretaratzea egin dute Kanbon

Talde bortxaketa pairatu zuen Kanboko emakume batek, ekainaren 1a eta 2a arteko gauean. Emakumeari babesa adierazteko elkarretaratzea egin dute asteartean, 19:00etan, Kanboko herriko etxearen aurrean. Bertan indarkeria matxistari aski dela esatearekin batera, eraso orori... [+]


2024-05-30 | Hiruka .eus
Adingabeen sexu-erasoak salatzeko bide seguru eta eraginkorrak aldarrikatu dituzte Getxon

Europa ikastetxeko sexu-abusuak salatzeko eta umeei eta euren senideei babesa adierazteko elkarretaratze jendetsua egin dute asteazkenean, Getxon, Malakate parkean. Algortako Mugimendu Feministak deituta, deitoratu dute haurren kontrako indarkeria ez dela anomalia bat, eta... [+]


Irakasle baten sexu abusuak salatu dituzte Getxoko eskola bateko lau familiak

Adingabeetako bati ospitalean sexu eraso zantzuak aurkitu ostean heldu dira salaketak. Segurtasun Sailak jakinarazi du ikerketa abiatu duela eta lau salaketa jarri direla. Getxoko Europa ikastetxeak adierazi du irakaslea “zentrotik apartatu” duela eta... [+]


Onintza Enbeita: “Erasotzailea inpunitate osoz mugitzen den bitartean, biktima beldur da kalera bakarrik ateratzeko”

Mario Lopezek lau herritarri jarritako salaketa artxibatu egin du epaileak. Sare sozialak eta kaleak protestaz bete ziren, saskibaloi jokalari batek salatu zuenean Lointek Gernikako kirol entrenatzaile Mario Lopezek sexu gehiegikeriak egin zizkiola. Bueltan, Lopezek lau... [+]


2024-05-21 | ARGIA
Nafarroan epaitu gabe gelditu den bortxaketa bikoitza aztertuko du Estrasburgok

2016an bi emakumek bortxatuak izan zirela salatu zuten, Iruñean. 2018an auzia artxibatu zuten eta ez zen epaiketarik egin. Espainiako Poliziak, Fiskaltzak eta Nafarroako Auzitegiak ikerketan egindako irregulartasunak salatu ditu biktimen abokatuak. Espainiako Estatuak... [+]


Eguneraketa berriak daude