Kutxabanken pribatizazioaren kontrako herri sarea martxan
Kutxabanken pribatizazioaren aurkako herritarren sarea sortu nahi du Kutxabank Publikoa bilguneak. Horretarako, hitzaldiak emango dituzte hurrengo asteetan Donostian, Gasteizen eta Bilbon.
Kutxabanken pribatizazioa salatzeko eta finantza sistema propioa aldarrikatzeko helburuarekin, taldeak sortu nahi dituzte herriz herri eta auzoz auzo. Hitzorduak hauek dira:
-Bilbo: urriak 1, 18:30, Alde Zaharreko EHUren egoitza.
-Donostia: urriak 8, 19:00, Egiako Kultur Etxea.
-Gasteiz: urriak 9, 19:00, Aldabe Gizarte Etxea.
Handitzeko obsesioak eta inbertsio espekulatzaileek, besteen artean, ehunka milioitako galerak ekarri dituztela salatu du Bilguneak, eta ondorioz “gizarte ekintzara bideratzen den dirua erdira jaitsi dute eta etorkizunean kolokan dago”.
“Malgutasun gutxien erakusten duen eta etxegabetze gehien egiten duen entitatea da eta ordainean emateari edo alokairu sozialari etengabe ezetz esaten die”, salatu dute.
Kutxabanken pribatizazioarekin “estatu kolpea” ematen ari direla, kontrol publiko eta soziala saihestu nahi dutela eta Kutxabanken boterea, eragiteko gaitasuna eta ondarea onura pribaturako, eta ez euskal herritar guztien onurarako, erabili nahi dutela ohartarazi dute Change.org gunean argitaratutako eskaeran.
Komisioak ezabatu egingo dira 30 urtetik beherako guztientzat eta baldintza batzuk bete beharko dituzte kontua eta txartela doan mantendu nahi duten bezero orok. Urtarrilaren 15ean sartuko da araudi hau indarrean.
Kutxabankek inbertsio bankuen sektorean sartzeko pausoa eman du eta akordioa sinatu du sektore horretako Espainiako Estatuko eta Europako eragile nagusienetako batekin, Alantra sozietatearekin. "Enpresen merkatuan" presentzia handiagoa izatea litzateke helburua.
Ekainaren 15ean aurkeztu dute ekimena Inés Monguilot (Kutxabank) eta Luis Manuel Martínek (EITB). Guztira 60.000 ikurrin atera dituzte Frantziako Tourrean banatzeko, hiru erakundeen logoekin.
Kutxabankeko presidenteak finantza entitatearen hurrengo urtetarako asmoak azaldu ditu Cebek Bizkaiko patronalak egindako jardunaldi batean. Bere hitzartzean iradoki du Euskal Herritik kanpo hazteko proiektua duela Kutxabankek, eta horretarako banku pribatuetan eta inbertsio... [+]
Kutxa zerbitzua ez ematea, eskudirutan ordaintzeko zerbitzua ezabatzea eta "abusuzko praktikak" egitea egotzi dizkio Kontsumobidek erakundeari.