Kutxabankek erosi nahi duen CatalunyaCaixa, ixteko arriskuan
Joaquin Almunia Europako Lehiakortasun Batzordeko buruak adierazi duenez, NovaCaixaGalicia, CatalunyaCaixa edo Banco de Valencia ixteko zorian egon litezke. “Oker ez banago, Espainiako agintariek hiruretako bat likidatu egin nahi dute eta ez mantendu” adierazi dio Almuniak Reutersi. Albisteak badu eragina Hego Euskal Herriko ekonomian, Kutxabankek CatalunyaCaixa bereganatzeko asmoa adierazi baitzuen maiatzean.
Beste banketxe batzuek ere CatalunyaCaixa erosteko eskaintzak egin dituzte, Santander eta BBVA bankuak besteak beste. Dena den, enkantea atzeratu egin zuen Espainiako Ekonomia Ministerioak joan den hilabetean. Ekainaren 13ra arteko epea zegoen Herrialde Katalanetako kutxarengatik eskaintzak egiteko, baina Guindosen ministerioak hilaren 27ra arte luzatu du.
Kutxabankek prozesu horretan jarraituko balu eta CatalunyaCaixa erosiko balu, 150.000 milioi euroraino haziko litzateke, gaur egun daukan dimentsioaren bikoitza. Baina operazioa, gaurko albisteak konfirmatzen duenez, arrisku handikoa da. LAB sindikatuak maiatzaren 15ean salatu zuenez, operazio hori gauzatu ahal izateko beharko lituzkeen baliabideak modu bakarrean lor daitezke: Euskal Herriko enpresa estrategikoetan daukan parte hartzea salduz. “Sekulako arduragabekeria litzateke hori” zioen sindikatuak argitaratutako komunikatuak.
Glovo, Just Eat eta Uber Eatseko janari banatzaileen %70-75ak paperik gabe lan egiten du EAEn, El Salto hedabideak Journalismfund Europe-rekin elkarlanean egindako ikerketa-erreportajearen arabera. Horrek asegururik gabe uzten ditu langileak lanean lesioren bat izanez gero.
Sektoreko langileak pairatzen dituzten “lan-baldintza gogorrak” azpimarratu dituzte, eta enplegatzaileen gehiegikeriak amaitzeko hitzarmen duina baliatzea eskatu dute.
Ez orain, ez lehen!
Bost urtean, Inor ez da ilegala proiektuak lau haizetara zabaldu ditu migratzaileen eskubideen aldeko lelodun kamiseta, jertse eta poltsak; elkarlana eta elkartasuna oinarri dituen ekimenak istorio eta bizipen ugari oparitu dizkigu; eta zoritxarrez, inoiz baino biziago... [+]
Errenteria (Gipuzkoa), 1892. Aizpitarte kobazuloetan Gipuzkoako lehen indusketa arkeologikoak egin ziren, Lersundi kondea buru zuen taldearen eskutik. Handik hamaika urtera, 1903an Alfontso XIII.a Espainiako erregeak bisita egin zuen aztarnategira, eta aitzakia horrekin argazkia... [+]