Patronalari absentismoaren “iruzurra” aurpegiratu eta lan istripuak prebenitzeko eskatu diote Hego Euskal Herriko sindikatuek
Sindikatuek agerraldi eta salaketa publikoak egin dituzte astelehenean, Nazioarteko Lan Osasunaren Egunean. Hego Euskal Herrian iaz zenbatu zituzten 64 hildakoen gorpuak irudikatu dituzte LABek, ESK-k, STEILASek, EHNEk, Etxaldek eta CGTk Iruñean eta Donostian.
Nazioarteko Lan Osasunaren Egunean Hego Euskal Herriko patronalak egindako adierazpenei erantzun diete sindikatuek. Salatu dute patronalak ez duela jartzen lan istripuen prebentziorako bitartekorik, eta bitartean arreta langileen absentismoan jartzen dutela. Hego Euskal Herriko hainbat txokotan egin dituzte agerraldiak sindikatuek.
LABek, ESK-k, STEILASek, EHNEk, Etxaldek eta CGTk agerraldi bikoitza egin dute, Iruñean eta Donostian. Iruñeko Sarasate Pasealekuan, Hego Euskal Herrian iaz sindikatu horiek erregistratutako hildako 64 langileen gorpuak irudikatu dituzte, Nafarroako Jauregiaren eta Lan Ikuskaritzaren aurrean. "Ehorztetxe bateko langileak irudikatzen zituzten batzuek itxi dituzte hildakoen poltsak", Berriako kazetaria den Joxerra Senarrek jaso duenez.
Donostian antzerako agerpena egin dute. Kontxako hondartzan mosaikoa eratu eta 64 zenbakia irudikatu dute jantzi eta aterki beltzez. Lan-istripuen aurrean patronalak erakusten dituen "moral bikoitza eta gizatasun falta" salatu dituzte bi agerpenetan: "Langileak gaixotu, larri zauritu eta hiltzen garen bitartean, enpresen kezka da lan absentismoaren ideia baliatuz euren irabaziak handitzen jarraitzea”.
ELA sindikatuak Bizkaia Areotan egin du ekitaldi politikoa. Bertan adierazi du gobernu zein patronalek langile klasea lan istripuen erantzule. Sindikatuak gogoratu du iaz 66 langile hil zirela Hego Euskal Herrian, ELAren kontaketaren arabera. Azpimarratu du patronalak "heriotzak ekartzen" dituen lan baldintzak inposatzen dituela eta langileei "leporatzen" dietela lanik egin nahi ez izatea. Aretora lan istripuak jasan dituzten hiru langile gonbidatu dituzte eta haien bizipenak ezagutarazi dituzte. Ekitaldia La avaricia empresarial puede enfermarte de por vida. Kapitalari aurre egin, osasuna zaindu leloaz jantzitako elkarretaratzearekin amaitu da.
CCOOk eta UGTk mobilizazio bana egin dute Bilbon. CCOOk manifestaziora deitu du, Confebasketik abiatuta. Sindikatuak enpresen prebentzio falta salatu eta mutualitateen "jokabide penagarria" gaitzetsi du, Berriak jaso duenez. UGTk bere aldetik elkarretaratzea egin du ezbeharren aurkako plan bat eskatzeko. "Lan istripuetan hil edo osasuna galdu dutenak gogoratzeko eguna" dela adierazi dute.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Etxeko langileek jasaten duten "prekaritateari" aurre egiteko, "neurri zehatzak" biltzen dituen dekalogo bat aurkeztu du sindikatuak, Bilbon. Auzia lehenbizi Espainiako Auzitegi Gorenera eraman zuela jakinarazi du LABek, baina auzitegi horrek ez diola... [+]
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
Ostegunean hiru hilabete beteko dira Gasteizko lorezainek greba mugagabea hasi zutenetik aho batez, ELA, LAB eta ESK sindikatuek deituta. Gasteizko parke, igerileku eta berdeguneak belar eta sasiek hartuta ikusteak oso ikusgarri egin du greba, baina iragan astean “zerbitzu... [+]