Korrupzioa UGT sindikatuan: 7.000 eurorainoko txekeak Madrilgo zuzendaritzari
Laguntza publikoak eta afiliatuen kuotak gordetzen zituen kontu korronte batetik lapurtu zuten dirua goi-kargudunek. 2019 eta 2021 artean, 114.175 euro banatu zituztela uste da.
Madrilgo 21. epaitegiak martxan dauka ikerketa bat, Unión General de Trabajadores (UGT) sindikatuaren barruan izan den korrupzio kasu baten inguruan. Garaian administrazio-lanetan aritzen zen Mayka Tomás Gómezen jarduna hartu du abiapuntutzat ikerketak. Badirudi ehunka txeke faltsutu zituela Tomasek, Soldatak Bermatzeko Funtsaren (FOGASA, gazteleraz) indemnizaziotzat aurkeztuz, eta kalte-ordainketa horien onuradunak asmatuz. Modu horretara, 4,5 milioi euro lapurtu zituztela kalkulatzen da.
Txeke horiek Madrilgo UGTko zuzendaritzak kobratu zituen. Identifikatutako goi-kargudun iruzurtien artean daude 2021era arte Madrilen UGTko idazkari orokorra izandakoa, Luis Miguel López; idazkariorde orokor ohia, Jose María Hernández; 2021era arte administrazioko idazkari izandakoa, Emilio Trillo, baita ondoren bere kargua hartu zuena ere, Clemente Sánchez.
Dirudienez, 7.000 eurorainoko txekeak jaso zituzten Madrilgo UGTko goi-kargudunek. Kalkuluen arabera, 2019tik 2021era bitartean, gutxienez 37 txeke eman zizkieten; guztira, 114.175 euro. Diru hori guztia, antza, hainbat urtetako laguntza publikoak eta afiliatuen kuotak gordetzen zituen kontu korronte batetik zetorren.
Nafarroari dagozkion Lan Arriskuen Prebentziorako Estatuko Fundazioaren funtsen kudeaketa antolatzean, “agerian geratu da UGT eta CCOO parte izan direla dirua kobratzea eta banatzea bermatzen dieten pleguen prestaketan”, salatu du LABek.
Bost urte baino gehiagoz luzatu da borroka, eta 50 bilera baino gehiago egin dituzte. Enpresa esleipendunen eta Osakidetzaren blokeoa eta Poliziaren jarrera salatu dituzte, besteak beste.
Negoziazio mahaiaren zortzigarren bileran etorri da akordioa ostegun honetan eta 30.000 bat langileri erangingo die. ELAk (ordezkaritzaren %47,8) eta UGTk (%4,3) sinatu dute, eta LABek (%35,8) eta CCOOk (%12.2) ez. Akordioak lau urteko iraupena izango du.
Erosahalmena ez duela bermatzen kritikatu du, besteak beste, sindikatuak.
Barakaldon jaioa 1927an, metalgintzako langilea, Nicolás Redondo Urbieta UGT sindikatuko idazkari nagusia izan zen 1976tik 1994ra, baita PSOEko diputatua ere Espainiako Kongresuan 1977 eta 1987 artean.