Haserre dago jendea Kornuallesen (Britainia Handia). Urte askotako eztabaida eta oposizioa gainditzeko, St. Dennis erraustegia sustatzen zuten agintari eta enpresak argudio garrantzitsutzat aurkeztu zuen zaborrak kiskaliz argindarra sortuko zuela. Baina hilabeteak aurrera doaz, zazpi dagoenekoz, eta labeetako beroari argindarrik ateratzerik ez dute lortzen.
Suez multinazional frantziarrak orain dio St. Dennis erraustegia otsailean has daitekeela zaborrak errez lortutako berotik argindarra sortzen, baina horretarako hondatutako zirkuituetan pieza berriak jarri beharko dituzte, espreski erraustegiaren neurrira eginak. Baina hori gertatu bitartean, martxoan inauguratu eta ekainerako argindarra sortzeko sistema matxuratu zen arren, labeetan jarraitzen dute zabor nahasiak erretzen, deus gertatuko ez balitz bezala, errausketaren aurkako ekintzaileen eta inguruko herritarren haserrerako. Albistea INews hedabideak zabaldu du.
Errausketaren inguruko eztabaida berotzen ari da Erresuma Batuan, hondakinen kudeaketa horren aurkako ekintzaileek urteetan esan dituztenak behin eta berriro frogatzen ari diren arren Londresko agintariek erraustegi berrientzako baimenak ematen ari direlako. Kornualleskoaren matxuraren aurretik, Gloucesterreko erraustegi berriaren zulo ekonomikoa azaldu berri da, eta justu duela egun batzuk Brightoneko herritarrek jakin dute haiek gaika sailkatuta bildutako hondakinak enpresak berriro nahastu eta erraustegira eramaten dituela kiskaltzera. Hondakin bilketa zerbitzuko langile batek salatu duelako ezagutu dute herritarrek Veolia multinazionalak ondo ezkutatuta zeukan errealitate zikina.
Gipuzkoako hondakinen kudeaketak okerrera egiten jarraitzen duela salatu du Errausketaren Aurkako Mugimenduak. Donostiako erraustegiak kutsadura areagotu eta gaikako bilketa beheragotu duela azaldu dute, eta herrialdean aurreikusten diren proiektu berriek bide hori sakonduko... [+]
“Behin-behinean” egin dutela adierazi dute, “mantentze-lanen" ondorioz. “Ingurumen eskaera guztiak” bete dituztela ere esan dute, eta araurik ez dutela apurtu.
Gipuzkoan Zubietako erraustegiaren kontrako mobilizazioetan parte hartu duten askok horietan ezagutuko zuten Iñaki, bere 80 urte paseekin aktibista beteranoena. Argazkian ageri da militante gazte batekin solasean erraustegiraino mendiz egindako martxan, 2018an.
Ile-de-France (Paris hiriburua eta inguruko metropoli osoa) eskualdeko Osasun Agintaritzak herritarrei gomendatu die beren etxeetako oilategi txikietako arrautzarik ez jatea: aginte publikoak enkargatutako azterketa batek berretsi du aurretik ToxicoWatch fundazioak beste ikerlan... [+]
Europako zenbait hedabide handik sustatutako ikerlan batek argitu du PFAS kutsagarriak milaka puntu beltzetan hedatuta daudela kontinente osoan. Oinezko herritarrak aipatzen entzun ez dituen PFAS-ak (konposatu per- eta polifluoratuak, ingelesez ‘Per- and polyfluoroalkyl... [+]