Eta Gloucesterreko erraustegiaren kontratua erakutsi dutenean... 100 milioi libra garestiago azaldu da

  • Iazko ekainean 15 eguneko gose greba egin zuen gazte batek Gloucesterren (Erresuma Batua) agintariei eskatuz bertan eraikitzen ari diren Javelin Park erraustegiaren kontratua osorik erakuts zezatela. Eguberriotan plazaratu dutenean, ezustekoa zeraman barruan: orain arte aitortua baino %30 gehiago kostako zaiela herritarrei. Protestak ugaritu dira eta politikari batzuek auditoria independentea eskatzen hasi.

Zero Zabor @zero_zabor
2019ko urtarrilaren 08a
Urbaser hilabeteotan ari da bukatzen Javelin Park erraustegiaren eraikuntza, Gloucesterren. (Argazkia: Mark Watkins, Gloucestershire Live)n

Motiboak bazeuzkan Sid Saundersek Gloucesterreko udalaren atarian gose greban hamabost egunez eusteko, agintariek kontratua erakuts zezaten tematuz: hilabete luzeko tira-biren ostean, azkenean erakutsi dituzte paperak eta horien artean agertu da orain arte aipatzen zuten kontratua –2015ean sinatua eta orain arte sekretuan atxikia– esandakoa baino askoz garestiagoa dela: 500 milioi libra (557,5 milioi euro) izan behar zuten kosteak 600 milioitik (669 milioi euro) gora izatera igo dira. Ernst & Young kontsultoriak egina zen papera. Javelin Park erraustegiaren kontrata Urbaserrek dauka, Gipuzkoako erraustegiarena daukan enpresak berak

Eskaldalua zabaldu ahala, Gloucesterreko zenbait zinegotzi hasi dira salatzen beren botoa eman zutela okerreko informazioaren gainean, haiek ere herritar guztiak bezala engainatu dituztela eta eskatu dute gertatzen ari denaren auditoria independentea. Gloucestershire Live hedabideak eskainitako kronikaren lerroburuak dio: "Javelin Park erraustegia: oposizioko zinegotziek kostearen handitzeaz ikerketa independentea eskatu dute". Gazette egunkariak berriz: "Politikariek erantzunak nahi dituzte erraustegiaren 600 milioi librako koste eskandalagarriaz".

Manifestazioa Gloucesterreko karrikan erraustegiaren kontratua eteteko eskatuz. (Argazkia: Gazette)

Kroniketan irakur daitekeenez, Britainia Handian famatu egin den Javelin Park erraustegiaren inguruan ere gainerako erraustegien antzeko arazoak hasi dira azaltzen. Hasteko, Gloucester eta bere konterriko udalak urte luzeetarako geratuko direla zorpean harrapatuta. Gero, benetako kosteak aipatuak baino handiagoak direla eta, ondorioz, herri administrazioak dauzkan beste programetarako –eskolak, politika sozialak...– aitortua baino diru gutxiago uzten duela hondakinen kudeaketa zerbitzu horrek, erretzera bidalitako tona askoz garestiago kostako delako:  tonako 189 libra. Hondakinen trataera alternatiboak baino erretzea merkeagoa zela, hori ere gezurra suertatu da. Eta azkenik, Gloucesterrek hondakin gutxiago sortu eta sortutakoak hobeto baliatzeko antolatutako politikak desegitera behartzen ditu, erraustegiaren kontuak orekatzeko zabor gutxiago erretzerik ezin duelako onartu.

Erraustegiaren aurkako NoMoInGlo (No Monster Incinerator in Gloucester) elkarteak gaurko –asteartea, urtarrilak 8– protestazko elkarretaratzea dauka deituta Javelin Park eraikinaren atarian.

Protestarako "Kiskaltzeko adina diru" lelopean egindako deialdian, Charles Dickensen ipuin famatuko Scrooge honela mintzo da: "Ingurumena? Bah... txorakeriak! Haurrentzako zerbitzuak? Bah... txorakeriak! Emadazue niri negozio potolo polit baten proiektua behingoz..."

2019-01-10, eguneraketa. NoMoInGlo (No Monster Incinerator in Gloucester) elkarteak bere Facebook kontuan bideoz laburbildu du urtarrilaren 8ko protesta.

Punchline telebistak protestaren irudiok eskaini ditu:

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Errausketa

Errausketa kanaletik interesatuko zaizu...
2019-03-15
Zubietako erraustegiko eraikitze lanak, azken txanpan

Usurbil herriko puntu askotatik begi bistakoa dugu jada Zubietako erraustegia. Eraikitze lanak azken txanpan dituzte jada.


2019-03-12 | Zero Zabor
PSOEk ez du onartuko erraustegirik Tenerifen, Kanariar uharteetan

Arico herrian (Tenerife) Coalición Canaria alderdiaren gobernuak proposatu duen errauste plantaren erabat kontra azaldu dira sozialistak eta esan dute horren ordez apostu egin behar dela hondakinak jatorrian sailkatuta bildu eta birziklatzetik.


2019-03-05 | Zero Zabor
Zubietako erraustegiak badauzka tximiniak (bi) eta dagoeneko ikusten zaizkio

Zubietako erraustegia tximiniarik gabekoa izango ote zen? Hala iradokitzen zuten GHKk eta Gipuzkoako Foru Aldundiak obrak hasi aurretik zabaltzen zituzten ordenadore bidezko irudiek. Egunotan, ordea, labeak sudurren aurrean dauzkaten Usurbilgo herritarrek begi hutsez eta kaletik bertatik ikusi ahal izan dituzte bi tutu erraustegiaren sabaian: horra tximiniak.


2019-02-26 | Zero Zabor
Errausketaren Aurkako Mugimenduak protestak iragarri ditu klimaren inguruko Change the Change biltzarrerako

Errausketaren Aurkako Mugimenduak mobilizazioak iragarri ditu martxoaren 5 eta 6rako Donostian, Klimaren Aldaketa dela eta bertan antolatu den Change the Change biltzarraren atarian. Biltzarrean parte hartuko duten aditu eta beste konbidatuei honela esan die EAMek: "Ongi etorriak mundu osotik Change The Change biltzarrera zatoztenoi. Ez utzi EAE, Gipuzkoa eta Donostiako agintariek ‘green-washing’ merkea egiten, eskatu benetako konpromisoa herritarren eta Lurra planetaren... [+]


2019-02-22 | Zero Zabor
Gloucesterreko polizia ikertzen hasi da erraustegiaren kontratu ezkutua, agintariak galdekatuz

Polizia britainiarra ikertzen ari da ea Gloucester eskualdeko (Gloucestershire) gobernuak, zehazki lehendakariak, oposizioko hautetsiekin negoziatu eta hitzartu zuen Javelin Park erraustegiaren benetako kosteak ezkutuan atxikitzea. Urbaser multinazionalak –Gipuzkoan Zubietako erraustegiaren 35 urterako kontzesioa duenak– lotutako kontratua agintariek aitortua baino %30 garestiago aterako zaie herritarrei, berrikitan jakin zenez.


2019-02-21 | Zero Zabor
Zubietako '0 eremuan' dagoen Landaberri ikastolak ere GuraSOSen manifestaziora joateko deia egin du

Zubietan eraikitzen ari diren erraustegi berritik 500 metrotara dagoen Landaberri ikastolako guraso, ikasle eta irakasleek bat egin dute larunbat arratsalderako –otsailak 23– GuraSOSek antolatu duten manifestazioarekin, ikastolako atarian egindako argazi masibo bat zabalduz.


2019-02-18 | Zero Zabor
GuraSOSek azaldu ditu Zubietan dioxinak jarraian kontrolatuko ez direla erakusten duten agiri ezkutuak

Zubietako erraustegiak ez ditu jarraian kontrolatuko bere tximiniak airera isuriko dituen kutsagai arriskutsuenak, bidenabar dioxinak eta furanoak. GuraSOSek prentsaurrean erakutsi ditu horren frogatzat erraustegiaren jabea den GHK eta datozen 35 urteetan kudeatuko duen Ekondakin Energia y Medio Ambiente enpresa taldeak sinatutako kontratua eta Eusko Jaurlaritzaren aurrean urtero bete beharko duten Ingurumena Zaintzeko Plana delakoa.


2019-02-14 | Zero Zabor
Erraustegiek 2020etik aurrera ez dute Europako kohesio funtsetik laguntzarik jasoko

Europako Legebiltzarrean Eskualdeen Garapenerako batzordeak bozkatu du moztea Europar Batasunaren diru-laguntzak hondakinentzako zabortegi eta erraustegiei 2020tik aurrera. Parlamentariek argudiatu dutenez, honek baimenduko du diru gehiago erabili ahal izatea hondakinen prebentzio, berrerabiltze eta birziklatzeari laguntzeko, Europak 2035rako ekonomia zirkularra lortzeko ipinitako helburuak lortzeari begira.


2019-02-13 | Zero Zabor
Kanaldude telebistak Zubietako erraustegiari buruzko mahai ingurua eskainiko du zuzenean Andoaindik

Ostegunean, 14, izango da mahai-ingurua Andoaingo Urigain kultur etxean. Kanaldudek zuzenean eskainiko du 19:00etatik aurrera, baina saioa aurrez-aurre ikusi eta entzutera datozen herritarrei aurretik Ipar Haizea elkarteak pintxo-potea eskainiko die, 18:30etan.


2019-02-11 | ARGIA
Erraustegiaren enpresek iritzi publikoa kontrolatzeko antolatu duten komunikazio plana argitaratu du GuraSOSek

Zubietako erraustegia eraikitzen ari diren enpresek (Urbaser, Meridiam, Altuna y Uria, Moyua, Murias eta LKS-Mondragon) komunikazio talde bati eman diote Gipuzkoak Ingurumen Gunea eufemismoz bataiatutako erraustegi konplexuaren irudi ona gizarteratu eta sortu diren kontrako iritziei gaina hartzeko ardura. GuraSOS elkarteak eskuratu du oposizioko taldeen aurkako diskurtso bat egituratzen ari den kabinetearen agiri konfidentziala eta igandean Lasarte-Orian egindako ekitaldi jendetsuan erakutsi... [+]


Azkenak
EGILEA
Eguneraketa berriak daude