Bergaran elkarretaratzea deitu dute erraustegi asmoaren kontra

  • Ekologistak Martxan mugimenduak elkarretaratzea deitu du Bergaran azaroaren 4 iluntzerako, herri horretan paper fabriketako hondakinak gasifikazioz tratatzeko eraiki nahi duten plantaren kontra. Talde ekologista hori izan da Larramendi industrialdean eraiki nahi duten hondakin plantaren benetako izaera salatzen lehena.

     


2021eko azaroaren 04an - 11:00
Bergarako Larramendi industrialdea, Basalgo auzoan.

Egunotan jakin denez, Bergarako Udalak balio gabe utzi du Valogreene Paper BC SM enpresari emandako hirigintza-bateragarritasun txostena, proiektuaren sustatzaileek hasierako agirietan adierazitako jarduera ez datorrelako bat ez ingurumen-baimen integratua lortzeko proiektuan jaso den jarduerarekin, ezta irailaren 23an EAEko Aldizkari Ofizialean jendaurrean jarritako jarduerarekin ere..

Bergarako udalak hasiera batean proiektuari argi berdea eman zion, baina Berriak zabaldu zuenez aldi berean ikerketa bat eskatu zioten Fitchner aholkulari enpresa katalanari, hondakinak tratatzeko planta berriak izan ditzakeen eraginak aztertzeko. Horren ondotik etorri da udalaren erabaki berria.

Paper hondakinak tratzeko plantaren sustatzaileek esku artean zekartenaz herritarrei ohartarazten zien Ekologistak Martxaneko Piter Encinasek urriaren 10ean, enpresak publikoki publizitatutako asmoaren azpian zegoena benetan zer zen argi esanaz: "Bergaran erraustegi bat. Orain dela bi aste jakinarazi ziguten Jaurlaritzak proiektu bat zuela, Bergarako Basalgo auzoan erraustegi bat ipini nahi duela, pirolisi sistema bidezkoa. Zein berezitasun dauka pirolisi sistemak? Batez ere, errausketan oxigenoaren gabezia; horren ondorioz, ke gutxiago sortzen da. Zein antzekotasun dauka beste errausketekin pirolisi sistemak? Hondakinak ez ditu eliminatzen, baizik eta ikatz, gas, hondakin solido edota likido bihurtzen ditu, batzuk kalterik egiten ez dutenak eta beste batzuk toxikoagoak; eta metal astunak, dioxinak, furanoak... sortzen ditu. Holako proiektu ilun guztietan bezala, ikusten den lehen gauza joko zikina da".

Orain Ekologistak Martxanek elkarretaratze batean biltzeko deia egin die Bergara eta inguruko herritarrei, erraustegi berri bat eraikitzeko asmoa salatzeko.


Kanal honetatik interesatuko zaizu: Errausketa
2023-09-08 | ARGIA
Errausketaren aurkako giza katea antolatu dute Kontxako estropaden egunean

Gipuzkoako hondakinen kudeaketak okerrera egiten jarraitzen duela salatu du Errausketaren Aurkako Mugimenduak. Donostiako erraustegiak kutsadura areagotu eta gaikako bilketa beheragotu duela azaldu dute, eta herrialdean aurreikusten diren proiektu berriek bide hori sakonduko... [+]


2023-08-04 | Ilargi Manzanares
GHK-k onartu du aurrez tratatu gabeko hondakinak errausten aritu dela 42 egunez

“Behin-behinean” egin dutela adierazi dute, “mantentze-lanen" ondorioz. “Ingurumen eskaera guztiak” bete dituztela ere esan dute, eta araurik ez dutela apurtu.


2023-05-28 | Zero Zabor
Agur, Iñaki Usabiaga

Gipuzkoan Zubietako erraustegiaren kontrako mobilizazioetan parte hartu duten askok horietan ezagutuko zuten Iñaki, bere 80 urte paseekin aktibista beteranoena. Argazkian ageri da militante gazte batekin solasean erraustegiraino mendiz egindako martxan, 2018an.


2023-04-24 | Zero Zabor
Paris hiriburuko oilategietako arrautzak ez jatea gomendatu dute agintariek, dioxina, furano eta PCBz kutsatuta daudelako

Ile-de-France (Paris hiriburua eta inguruko metropoli osoa) eskualdeko Osasun Agintaritzak herritarrei gomendatu die beren etxeetako oilategi txikietako arrautzarik ez jatea: aginte publikoak enkargatutako azterketa batek berretsi du aurretik ToxicoWatch fundazioak beste ikerlan... [+]


2023-02-27 | Zero Zabor
PFAS toxikoak kontrolik gabe hedatzen ari direla eta, Europako Batzordeak horien arautzeari ekin dio

Europako zenbait hedabide handik sustatutako ikerlan batek argitu du PFAS kutsagarriak milaka puntu beltzetan hedatuta daudela kontinente osoan. Oinezko herritarrak aipatzen entzun ez dituen PFAS-ak (konposatu per- eta polifluoratuak, ingelesez ‘Per- and polyfluoroalkyl... [+]


Eguneraketa berriak daude