Pintza koloretsuak erabiliz euskara sustatu nahi du Kontseiluak Donibane Lohizuneko jaietan
Kontseiluak jolas bitxia proposatu du uda honetarako, kazeta.info hedabideak jakinarazi duenez. Festazaleek Euskaraz bizi nahi dut pintza jarriko dute arropan eta erabaki bera hartu duten parrandazaleekin euskaraz egiteko konpromisoa hartuko dute.
Jolasetik ezer ez zeukan eraztunaren jokoa gogorarazten du. Francoren garaiko eskoletan, mutikoek euskarazko hitz bat entzun orduko eraztuna pasatzen zioten elkarri. Egunaren amaieran eraztunarekin geratzen zen ikasleak zigorra jasotzen zuen euskaraz hitz egiteagatik. Bistan da, Kontseiluak antolatutako ekimenak kontrako helburua du, uda honetan Ipar Euskal Herriko festetan murgilduko den euskaldun orok euskara erabil dezan nahi du. Jolas umoretsua da. Euskaldunek pintza koloretsua eramango dute eta pintza berekoekin euskaraz egin beharko dute. Pintza zuri-beltza dutenak berriz, euskaraz pixka bat dakitenak izango dira. Norbaitek pintza koloretsudun bi lagun erdaraz harrapatzen baditu zurrutada batera gonbidatzea eska dezake. Gauza bera euskara pixka bat dakiena lehenengo hitza erdaraz egiten harrapatuz gero.
Euskaraz besta egin nahi dut kanpaina Ipar Euskal Herrian zabaltzea nahi du Kontseiluak eta lehen proba Donibane Lohizuneko herriko festetan izango da asteburu honetan. Festa batzordeei, gaztetxeei, ikastolei, gau eskolei eta elkarteei kanpainarekin bat egiteko deialdia egin die.
2026ko hauteskundeei begira, zutabe bat ireki du Enbata-k. Plantan emanak izanen diren zerrenda abertzaleen hautagaiei ideia kutxa bat eskaini nahi die, beren programak Herriko Etxeen eskumeneko sail ezberdinetan eraikitzeko. Hilabete honetan, Herriko Etxeek euskararen alde egin... [+]
Euskal hizkuntzalaritza esperimentaleko katedra berria estreinatu dute Baionako fakultatean.
25 bat eragilek adierazi diete elkartasuna apirilaren 11n Baionako auzitegian epaituko dituzten Intza Gurrutxaga eta Gorka Torre Euskal Herrian Euskaraz taldeko kideei. Egun batzuk lehenago, apirilaren 6an Baionan eginen den manifestazioan parte hartzeko deia ere luzatu dute.
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Hizkuntzarako ere gurasoak haurrentzako eredu direla kontuan hartuta, euskararen erabilera eta irakaskuntzari buruz sentsibilizatzeko helburua duen hamabostaldia antolatu dute Hendaia, Urruña, Donibane Lohizune eta Ziburuko herriek. Martxoaren 15etik 30era guraso... [+]
Nafarroa Beherean, Aiherrako 'Beltzegitea' etxean kokatuko da Eguzkilore haurtzain-etxe berria. Euskara, natura eta motrizitate librea oinarri harturik, heldu den apirilean hasiko dira zerbitzua eskaintzen.
Euskarazko murgiltze eredua eta eredu elebiduna duten ikastetxeak gutxiengo izatetik gehiengo izatera pasa dira Ipar Euskal Herrian hogei urteotan, Euskararen Erakunde Publikoaren azterketak erakutsi duenez.
Lehenengo aldiz “euskararen aldarriak hedatzeko” azoka antolatu dute euskararen biziberritzean lan egiten duten zortzi elkartek. Euskararen egunean irekiko da azoka eta abenduko beste hiru egunetan ere egongo da zabalik.
Bankan bizi den Literatura irakasle, ikerlari eta idazlea da. Irailaren hondarrean Itsasun egin zen Irailekoak poesia jaialdiaren baitan Ipar Euskal Herriko Poesiaz eman zuen hitzaldia. Besteak beste, bertan errandakoak hona ekarri nahian hasi gara harekin solasean.
Euskal Herriko lekuen izenen frantsestearen arazoa ez da bakarrik seinale paneletan hizkuntza ez kontutan hartzearengatik izaten, duela zenbait urte hartu helbideratzeari buruzko erabaki baten gauzatzearen ondorioa ere bada.
Azal dezagun, administrazioko hainbat arlo... [+]
Larunbatean ospatu dituzte Ttinka mikro haurtzaindegiaren bost urteak Lakarran. Baxe Nafarroko euskara hutsezko egitura bakarra da, Euskararen Erakunde Publikoaren B ziurtagiriduna.
Maddi Kintanak ekainean aurkeztu du Master Amaierako Lana Bordeleko Unibertsitatearen eta Iker ikerketa-zentroaren laguntzarekin. Gazteen hizkera BAM eta inguruan du izenburu eta Biarritz, Baiona eta Angeluko 18 eta 24 urte bitarteko gazteen hizkera aztertu du. Horretarako,... [+]