Espainiako Konstituzioa “antidemokratikoa” dela dio Eusko Legebiltzarrak
Espainiako Konstituzioak 40 urte betetzen dituenean, EAEko Legebiltzarrak ez du ospakizun ekitaldietan parte hartuko, osteguneko osoko bilkuran hala erabakita.
EH Bilduk egin du proposamena, eta sei puntu finkatu ditu EAJrekin. Elkarrekin-Podemos taldeak, aldiz, ez ditu denak babestu. Konstituzioak “zilegitasun gabezia handia” duela onartu dute, ez baitu egungo populazioaren zati esanguratsu bat ordezkatzen. Galdeketa egingo balitz, hiru lurralde historikoetako herritarren gehiengoak ez lukeela babestuko esan dute. Erreformaz hitz egin dute, “determinazio librearen eskubidea” oinarritzat izango lukeena.
Espainiako Konstituzioak “oinarri antidemokratikotik eta historikoki faltsutik” eraiki duela Espainiako Estatua dio onartu den testuak. Izan ere, herrien batasun hori ez zela eta gaur egun ere ez dela herrien atxikimendu librearen eta borondatearen ondorio. “Euskal Herriaren eskubide historikoak eguneratzeko interpretazio juridiko-politikoak baliatu behar dira”, dio dokumentuak.
Espainiako Estatuaren izaera monarkikoaz ere mintzatu dira. Gogor kritikatu dute: “Gizarte demokratiko batean, herritarrak ordezkatzen dituen kargu publiko oro hauteskundeen bidez hautatu eta berritu behar dira, aldian-aldian”. Horrela, dei egin diote Pedro Sánchezen gobernuari.
Saioko azken puntua Espainiako Gobernuak antolatu dituen Konstituzioaren omenezko ekitaldietan parte hartzeaz izan da. Ezezko irmoa eman diote, alderdi politiko gehienak aurka azaldu baitira.
“Boterea Madrilen dago”
Pello Urizar EH Bilduko legebiltzarkideak gidatu du oro har gaurko saioa, berak aurkeztu baitu proposamena. Erabakitzeko eskubideaz mintzatu da gehienbat. Haren hitzetan, “teorian” Espainiako Gobernuarekin adostasuna lortzea da “egokiena”, erabakitzeko eskubidea gauzatzeko. Aldiz, Estatua zentrala dela esan du, “boterea Madrilen” baitago. Katalunia adibide gisa jarriz, Gobernuaren partetik jasotzen duten erantzuna “beti ezezkoa” dela adierazi du.
EAJko legebiltzarkide Joseba Egibarrek adierazi du Estatuak ez duela “behar adinako babesik aldaezina den lege bezala aurkezteko”, eta egungo Konstituzioa defendatzen dutenak ez direla “gehiengoa”. Erabakitzeko eskubideaz “bide bat” aurkitu behar dela ere esan du, nolabait "legearen barruan eta zilegitasun osoz" herri honen etorkizuna hautatzeko. Baina hori, “borondatea baldin badago”.
Jon Hernandez Elkarrekin-Podemos alderdiko legebiltzarkideak “nazio anistasuna” lortuko duen konstituzio bat nahi duela adierazi du, eta egungo Konstituzioak ez diela “behar sozialei” behar bezala erantzuten.
“Elkarbizitzaren aldeko itun handi bat” izan arren, hura “hobetu” behar da, Jose Antonio Pastor PSE-EEko legebiltzarkidearen hitzetan. EAJri leporatu dio EH Bilduren “tranpan” erori izana, eta azken honek, “arauak eta prozedurak” ez errespetatzeko “borondatea” duela.
EH Bildu “elkarbizitza plurala” arriskuan jartzen ari dela esan du PPko Borja Senperrek. EAJ eta alderdi abertzalea kritikatu ditu ostegunean sinatu den dokumentuarengatik, “ordena konstituzionala iraultzea” ahalegintzen ari direla leporatuz.
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Pentsio publikoak duintzeko kanpainak 145.142 sinadura bildu ditu urte hasieran abiatu zenetik, eta pentsio apalenak behintzat lanbide arteko gutxieneko soldatarekin parekatzea da helburua. EHPM Euskal Herriko Pentsiodunen Mugimenduak Eusko Legebiltzarrean erregistratu du... [+]
PPrekin eta EH Bildurekin negoziazioetan porrot egin ondoren etorri da Ahal Dugurekin adostutako akordioa. Indar politiko honek aitortu duenez, maximalismoak atzean utzi eta errealitateari heldu diote, errenta baxueneko herritarren aldeko akordioa lortuta.
Mendebaldeko Saharako giza-eskubideen egoeraren azterketa egiteko bidaia egin dute Euskal Fondoko eta Eusko Legebiltzarreko kide batzuek. Hegazkinetik ezin izan dute jaitsi ere egin. Legebiltzarkideek Marokoren jarrera “lotsagarria eta onartezina” dela adierazi dute.
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Asteazken honetan beste 93 biktima aitortu ditu estatuaren eta talde parapolizialen biktimen azterketak egiten dituen Balorazio Batzordeak. Baliabide faltagatik, bere lanarekin aurrera jarraitzeko zailtasunak ere aitortu ditu. Egiari Zor Fundazioak ongi baloratu du batzordearen... [+]
EH Bildu talde parlamentarioak legez besteko proposamena aurkeztu du Eusko Legebiltzarrean, EAEko ikastetxeetako ordenagailuetan software libreko sistema eragileen (GNU/Linux) ezarpena ere bermatzea eskatuz. Aurrera atera den EAJ-ren eta PSE-EE-ren osoko zuzenketan ez da jasotzen... [+]
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]
Ostegun honetan, Gasteizko Parlamentuan, “Justiziaren euskalduntzean aurrera egitea” eskatzen duen zuzenketa onartu dute EAJ eta PSEk, baina ez dute neurri zehatzik proposatu EH Bilduk salatu duenez.
Iragan asteazkenean, Gogora Institutuko Zuzendaritza Kontseiluko bost kide independenteak hautatu zituzten Gasteizko Legebiltzarreko Justizia eta Giza Eskubideen Batzordean. EAJren eta PSE-EEren abstentzioek Pilar Garaialde Salsamendi zuzendaritzatik kanpo utzi zuten. Bera zen,... [+]
Gobernu berriak sorkuntza indartzeko asmoa adierazi du, "batez ere emakumeena eta euskaraz eginikoa". Sailburu berriak esan du aurreko gobernuak onartutako Plan Estrategikoa izango dutela ardatz, baina dokumentu horrek "euskarazko eskaintza handitzea"... [+]
Udaberriko azken egunean, ikusmin handia Gasteizko Legebiltzarrean. Nonbait juntatu bada jende frikia, hemen izan da. Baina aspaldian ez bezainbeste jende dago, eta zerbaitegatik da hori. Hedabideetako 300 profesional, ez alferrik. Hamabi urteren ostean, bi boxeolariak berriak... [+]
Azken hamarkadan, EAJk hiru harrobitatik datozen kargu publikoen esku utzi du Eusko Jaurlaritzako sailen kudeaketa. PwC eta Andersen bezalako aholkularitza-enpresetan aritu zen talde bat nabarmentzen da. Beste talde garrantzitsu bat karrerako funtzionarioek osatzen dute... [+]
Software librea erabiltzen duten Lezo BHI, Irungo Hirubide BHI eta Donostiako Antigua-Luberri BHI ikastetxeek beren esperientzia azaldu dute Eusko Legebiltzarreko Hezkuntza batzordean, EH Bilduko Lore Martinez Axpek eskatuta. Institutuetako ordezkarien aurkezpenen bideoak [+]
Eztabaida eragin zuen 2023ko urriaren 21ko EAEko irakasleen oposizioetara sartzeko Whatsapp bidez jasotako QR kodea erabili beharrak. Azkenean, akreditazioa webgune baten bidez eskuratzeko aukera ere eman zuen Eusko Jaurlaritzako Hezkuntza Sailak. Hemendik aurrera... [+]