Komunitatean hitz egin eta kultura sortu, haize-erroten aurrean
Komunitatea bildu, pilpilean dauden gaiez hitz egin, informazioa trukatu eta beste herrien esperientziak ezagutzea da herritar kritikoek egiten duten lehen ekintza, makroeoliko bat herrian jarriko diotela jakiten duenean. Halaxe egingo dute martxoaren 13an Andoainen: mendi taldeak antolatuta, "Makroeolikoak, zertarako?" hitzaldia emango dute Urumeako Mendiak Bizirik herri ekimenak eta Ezkeltzu Bizirik taldeak.
Denborarekin kultur sormena aktibatzen dute, kontzientziak pizteko erreminta gisa, gainera datorkien makina-tzarraren aurrean ez isiltzeko deliberamentuz, edo batek jakin zergatik. Egunpasa kultural biribila antolatu dute martxoaren 15ean Aranon: Vidas irrenovables dokumentala ikusi ostean aerosorgailuen kokalekura mendi buelta eginda musikaz gozatuko dute eta arratsaldean Aitor Mendiluze eta Julio Soto arituko dira bertsotan balkoitik balkoira. Aranoko Xabier Legarreta bertsolariaren Oraingo haizeak sorta ekarri dugu artikulu honetara.
Andoainen Buruntza mendian hiru errotako zentrala jarri nahi du Haizie enpresak. Andoain, Urnieta eta Lasarte-Oriako udalerriei eragingo die. Herritarrak informatzeko, "Makroeolikoak, zertarako?" izenburupean mahai-inguru antolatu du Euskalduna Mendigoizale Elkarteak. Urumeako Mendiak Bizirik herri ekimeneko kideek eta Ezkeltzu Bizirik taldekoek hitz egingo dute bertan. Martxoaren 13an izango da, 19:00etan, mendi elkartearen egoitzan: kale Nagusia 31.
Egun osoko egitaraua Aranon: Vidas irrenovables dokumentala, erroten lekura ibilaldia...
Euskal Herriko makrozentral eoliko handiena Urumeako mendietan dago proiektatuta, Adarra-Mandoegiko parajeetan, Hernani, Arano eta Goizuetako lurretan: 15 aerosorgailu jarri nahi ditu Repsolek bertan.
Herritarrek Urumeako Mendiak Bizirik taldea jarri dute martxan eta Aranoko udala ere hasieratik azaldu da proiektuaren aurka, "herriaren biziraupena bera kolokan" ikusten baitu, proiektu hori aurrera eramango balitz. "Eolikoen enpresak harroago datoz herri txikietara" azaldu zuten, Urko Apaolaza kazetariak ARGIAn egindako elkarrizketan. Martxoaren 15erako egun osoko egitaraua prestatu dute:
11:00etan emango diote hasiera, Vidas irrenovables (Bizitza ez-berriztagarriak) dokumentala ikusiz. Bertan egongo da dokumentalaren egile Francisco Vaquero bertan izango da. Dokumentalaz eta egileaz jakiteko, hemen bere elkarrizketa.
Ondoren, 12:30ak aldera, aerosorgailuak jarri nahi dituzten kokalekuetara mendi buelta egingo dute. Ibilaldia Burningo bordan bukatuko dute, pintxoak janaz eta Joseba Tapia, Jon Mari, Izer eta Alabier soinu-joleek girotuta.
Herrira kalejiran itzuliko dira eta 18:00etan Aitor Mendiluze eta Julio Soto arituko dira bertsotan, balkoitik balkoira.
Oraingo haizeak
Bertso sortaren egilea: Xabier Legarreta
Aranoko Miaxiria aldizkarian argitaratuak
1)
Haize erroten gaiaz
hasiko bagina
etxean tokatzean
ez da atsegina
ginarra ikutzean
hartzen denez mina
bertso hauetan doa
nire ahalegina
ea zenbatek duten
iritzi berdina
2)
Repsolen proiektua
zertarako hauta?
Gure hondamendia
da beraien mauka
hemengo politikak
aupa eta aupa
haize erroten gaiak
kezkatuta nauka
prozesutik hasita
garbia zer dauka?
3)
Bizimodu bat eta
kultura batera
hau al da inguru bat
suntsitzeko era?
Aurki egingo digu
goizetik gauera
politikarekiko
konfiantzak behera
denek hartzen badute
jokabide bera.
4)
Gure plazatik bistan
jarri nahi dituzte
dirua daukatenek
nahiz horrela uste
hemen ez gaude salgai
hiru xoxen truke
argia egiteko
helburua dute
baina guri itzala
egingo liguke.
5)
Zergatik Leunetara
ta Mandoegira
elize erraldoiak
jira eta bira?
Ura besterik ez den
lekua hori da
baina zentralak eta
presak ixten dira
bada zer ikasia
atzera begira.
6)
Hemen maiz ikusten da
euria iristen
erreketatik ura
barra-barra jaisten
nolatan ari diren
zaila da sinisten
hidroelektrikoak
ta presak eraisten
ez dagona asmatzen
ta dagona ixten.
7)
Jentilen denboratik
leku miretsia
nahi da hormigoiz eta
burniz irentsia
ondorengoek a ze
ezin sinetsia
hau al da utzi behar
zaien herentzia?
Jaso genuenetik
ze diferentzia!
8)
Hauei berdintsu die
trikua nahiz hartza
bertako ondarea
ta herriko martxa
guretzat ondorio
larriak dakartza
akabo Burnin buru
eta Garagartza
Arano ez da nonbait
Kontxako hondartza.
9)
Askotan harritzen nau
politikoenak
molde berean egin
al dituzte denak?
Badakite bilatzen
ezkongai onenak
interesik badute
segitzen dutenak
ez zun arrazoi faltik
Andres Mitxelenak.
10)
Aranok maite ditu
bere baserriak
Historia-aurretik
dauzkan hilerriak
bertan jaiotakoak,
etorri-berriak,
ez ditzagun bazkatu
betiko txerriak
eta zer diozue
ondoko herriak?
Nahiz eta jakina izan inkestak ez direla errealitatearen isla zehatza, interesgarria da bistadizo bat ematea, beti eskaintzen baitigute gai zehatzekiko tenperatura sozialaren arrastoren bat. Are garrantzitsuagoak dira, gai zehatzetan sartuegiak edo katramilatuak egoteagatik,... [+]
Noizbehinka aipatu ohi da zientzia, edo hobe esanda akademia, gizartetik urrunegi dagoela. Gauzak honela, aditu eta arituen arteko distantzia ahalik eta txikien izatea da jasangarritasunaren zientziaren zioetako bat. Jasangarritasunaren arloan aritzen garen zientzialariok... [+]
Rescoop.eu federazioko Kontseilu Errektorean sartu da Goiener kooperatiba, eta "lorpen handitzat" jo du ardura berri hori. Iragan maiatzaren 22an Krakovian (Polonian) egindako Energia Komunitarioaren Foruman parte hartu ahal izan dute, eta une inportantea izan... [+]
Bi kooperatibek euren arteko elkarlanean "urrats sendoagoak" emango dituztela iragarri dute, energia eta telekomunikazio sistema "erresiliente" bat sortzeko. Deia egin diete herritarrei Itzali sistema, piztu alternatibak manifestuarekin bat egin dezaten.
Maiatzaren 16tik 18ra EH Bizirik sareak deituta kanpaldia egin berri dute Uribarri Jauregin. Hainbat ekintza, hitzaldi eta tailer egin zituzten bertan. Besteak beste, Lemoizko zentral nuklearraren, Pasaiako superportuaren eta Olaztiko erraustegiaren aurkako borroketan ibilitako... [+]
Haize Berria plataformak, Enigma Green Power enpresak Odieta, Olaibar, Anue eta Esteribar inguruan ezarri nahi dituen zazpi parke eolikoek eragin ditzaketen kalteak salatu zituen berriki. Ekainaren 11n bukatzen da proiektuaren kontrako elegiteak aurkezteko epea.
231.000 panel jarriko dituzte, Arabako hego-mendebaldeko ehun hektareatan zehar: Armiñonen. EUskal Herriko bigarren eguzki parke handiena izango da.
Gasteizko teilatuetan panel fotovoltaikoak jarriz, hiriak kontsumitzen duen elektrizitatearen % 38 lor daitekeela kalkulatu du EHUko Ekopol ikerketa-taldeak. Beraiek garatu duten zehaztasun handiko metodologia batez erabiliz iritsi dira ondorio horretara.
Energia politikek haserreak eta desadostasun sakonak sortu dituzte ekologisten artean. Ez da gauza berririk. Hemen eta atzerrian. Hemen eta orain, nabarmen. Duela bi urte, 2023ko udaberrian, gure ikerketa taldeak (ekopol.eus) hiru mahai-inguru antolatu zituen Donostian,... [+]
Iberiar penintsulan apirilaren 28an gertatutako itzalaldiak, egungo energia sistemak dituen arrakala guztiak utzi zituen bistan. Enpresa elektriko handien diru gosea, berriztagarrien ezarpen masiboak dakartzan ajeak, eta herritarrok bizimodu hiper-elektrifikatuarekiko dugun... [+]
Green Capital Development enpresak bi urte izango ditu proiektua egikaritzeko, baina aurretik jarduera edota obra udal baimenak eskuratu beharko ditu.
Enigma Green Power enpresak proiektatutako zazpi parke eoliko eraikitzearen aurka agertu zen Odieta, Olaibar, Anue eta Esteribarreko bizilagunek osatutako Haize Berriak plataforma. Bost megawatteko potentzia elektrikoa eta 195 metroko altuera duten aerosorgailu horiek "kalte... [+]
Azken asteotan, energia berriztagarriei buruzko eztabaida komunikabideetan zabaldu da. Euskal Herrian, lehenik eta behin, Aritz Otxandianok jasandako erasoaren kasu mediatikoa izan genuen, berak energia berriztagarrien aldeko jarrerari egotzi ziona; handik egun gutxira,... [+]
Ander Goikoetxea Amasa-Villabonako zinegotzia da eta EH Bilduko Legebiltzarkidea. Premier ESPF Ipaz Haizea enpresak Amasamendin ezarri nahi dituen bi haize erroten orain arteko prozesua nola izan den azaldu du.
Bizitza ez-berriztagarriak filma ikusentzun zuten atzo 70 inguru lagunek Villabonan. Francisco Vaquero egilea bertan izan zen eta emanaldiaren ostean hitza hartu zuten herritarrek, kargu publiko batek eta egileak berak. Hainbat gai eta ikuspegi anitzak agertu ziren, baina... [+]