Buruntza zentral eolikoa ez eraikitzea erabaki du Mendiko Haizie enpresak
Buruntza mendian hiru haize errota handi eraikitzeko administrazio baimena eskatu zuen 2024ko abenduan Mendiko Haizie SL enpresak. Andoain, Urnieta eta Lasarte-Oriako lurrei eragingo zien proiektuak. ARGIAk jakin duenez, enpresak zentral hori ez eraikitzea erabaki du.
aurre egingo dieten hedabide independenteak
Harrobi bat dago Buruntza mendian, eta zentral eolikoa egitekotan, harrobiko langileen segurtasuna bermatu behar izatea jarri zion Jaurlaritzak baldintza tekniko gisa Mendiko Haizie SL enpresari. Enpresak argudiatu du baldintza horietan proiektua ez dela bideragarria eta beraz, uko egin dio proiektuari.
Nor da Mendiko Haizie SL?
Mendiko Haizie SL enpresa Erasp Spain SL-ren jabetzako enpresa gisa sortu zen 2023ko uztailean. Baina Erasp Spain-ek geroztik jakinarazi du izena aldatu duela eta Aspiravi Spain SLU dela orain.
Asparavi enpresa belgikarra da Barakaldo eta Trapagarango Argalario mendian Iparaixe II zentral eolikoa eraiki nahi zuena, eta Jaurlaritzak proiektua artxibatu diena, Crónica Vasca hedabideak argitaratu zuen albistearen arabera.
