ARGIA.eus

2020ko abuztuaren 09a

Komiki baten erreseina zentsuratu dute, LGBT gaia jorratzeagatik

  • Carles Ponsí komikilari katalanari gertatu zaio, Harrotasunaren Eguna izan berritan. Komikien erreseinak egiten dituen webgune batek esan dio ez dutela komikia aipatuko, “lan ona, dibertigarria eta oso barregarria” izan arren “sozialki tentsio handiko unea bizi dugulako hainbat gai delikaturen inguruan. Gure irakurle gehienak heterosexualak direnez, LGBT komiki baten erreseina egiteak kalte egin diezagukeela uste dugu”.

Mikel Garcia Idiakez @mikelgi
2020ko uztailaren 02a
Argazkia: Grafito Editorial.

Webguneko arduradunen hipokresiak arreta ematen du: “Nabarmendu nahi dugu ez dugula inongo aurreiritzirik –adierazten diote komikilariari– eta gustatuko litzaigukeela gizartea horrelakoa ez izatea, baina tamalez webgunean jasotzen ditugun bisitengatik eskuak lotuta gaude”.

Kurioski, LGBT Harrotasunaren Egunaren bueltan jaso su mezua Carles Ponsík. Sare sozialetan salatu du gertatu zaiona, baina ez du webgunearen izena eman nahi izan, “errurik ez duten beste komikilari batzuen erreseinari kalterik ez egiteko”.

Gertatutakoa kontatu duenetik, komikiaren zabalkundean laguntzeko bere burua eskaini du jende ugarik. Sexo Mal da irakurle heterosexualak deseroso sentiarazi omen ditzakeen komikia.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: LGBTI  |  Komikia  |  Homofobia  |  Zentsura

LGBTI kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude