Kolonbiako Gobernua ez da Habanako bake akordioa betetzen ari

  • FARC-EP gerrillako buruek, Bogotan egindako prentsaurrekoan, salatu dute Kolonbiako Gobernua ez dela betetzen ari Habanako bake akordioetan adostutakoa. Ez ditu eraiki desmobilizaziorako eta armagabetzeko beharrezko azpiegiturak, eta horrek prozesua atzeratzea eragin du. Gainera, FARC-EPren erretiratzearekin paramilitarren ofentsiba gogortzen ari da, eta gobernuak ezikusiarena egiten du horren aurrean.

Lukas Barandiaran San Roman
2017ko martxoaren 07a
Icononzoko kontzentrazio gunean gerrillariak azpiegiturak eraikitzen. (Arg.: Colombia Informa)

Adostutako akordioaren barnean, FARC-EPren gerrillariak kontzentratzeko 26 gune —Zona Veredal Transitoria de Normalización— zehaztu zituzten gerrillak eta gobernuak Habanan. Gobernuak zuen gune horiek bizileku egoki bilakatzeko ardura. Duela hilabete eta erdi bildu ziren gerrillariak gune horietan, eta ordurako prest behar zuten guneek; salatu dute %20 soilik dagoela eraikita. Azpiegituren faltan, gerrillariek eskura dauzkaten materialekin eraiki dituzte kanpamentuak.

Gizarte zibilera itzultzeko guneak

Contagio Radio-k jaso duen adierazpenetan, FARC-EPren delegazioak esan zuen ez dela egia guneak armak uzteko leku hutsak direla, baizik eta gerrillariak gizarte zibilera itzultzeko prozesua egingo dutela bertan. Horretarako azpiegitura egokiak beharrezkoak direla azpimarratu dute.

Guneetako zerbitzu publikoen %23 dago bakarrik ezarrita, jaso beharreko arropa eta  oinetakoen %20 iritsi zaie, janarien gastuetan irregulartasunak atzeman dituzte, eta amnistiatutako presoak jasotzeko eraiki beharreko guneetako bakarra hasi dira eraikitzen.

 

Urdinez adierazten da gobernuak bidaltzen ez duen portzentaia.

Hain zuzen, Popayango kartzelako 97 gerrillari presok gose greba hasi dute gobernuaren arduragabetasuna salatzeko. Hainbat baldintza ezarri dituzte greba uzteko: adostutako amnistia legea bete dezala, guneak ahal bezain laster eraikitzea, eta kartzeletako osasun baldintzak hobetzea.

Kartzelatik kanpo ere ezinegona zabaldu da akordioen betetze ezagatik. Kronograma aurrera doa, eta martxoaren 1ean hastekoa zen gerrillarien armagabetzeko lehenengo fasea. Haatik, Tumacon dagoen guneko komandante gerrillari Jairo Salcedok ¡Pacifista! medioari esan dio ez dagoela bizitzeko baldintzarik, are gutxiago armak uzteko. Armak biltzeko edukiontziak ez dira oraindik iritsi gunera. Komandantearen esanetan gunea prest egon arte ez da armagabetzerik egongo, eta kronograma berrikusi beharko dute. ¡Pacifista!-k esan du beste hainbat gunetan antzeko egoera dutela, eta horietan ere ez direla hasiko armagabetze prozesuarekin.

Paramilitarren ofentsiba

Gai teknikoetatik harago baina, arazo handiagoak eragin ditu gobernuaren utzikeriak. FARC-EP antzina kontrolatzen zituen eremu zabalak uzten ari da, eta eremu horietan indar paramilitarrak sartzen ari dira. Horrela, paramilitarismoaren berrindartzen ari da herrialde osoan. Azken hilabetean jazotako bi gertaeratan soilik —ez baitira bakarrak—, gutxienez 1.200 familia lekualdarazi ditu ofentsiba paramilitarrak.

Chocón, herrialdearen mendebaldean, Kolonbiako Autodefentsa Gaitanisten besokoa zeramaten 200 uniformedunek Peña Azuleko herritarrei tiro egin zieten, eta 700 pertsonak ihes egin zuten. Catatumbon berriz, paramilitarren mehatxuengatik ehun familia igaro dira Venezuelara, eta beste 600 FARC-EPren kontzentrazio gune batera inguratu dira.

Colombia Informa-ren arabera, Catatumborekiko Elkartasunerako Batzordeko kideek salatu dute Ejertzitoak hainbat traba jarri dizkiola FARC-EPren desmobilizazio prozesuari han, eta herritarrak paramilitarrengandik babestu beharrean, jarrera oldarkorra eduki dutela haiekin.

Icononzoko kontzentrazio guneko irudiak (Arg.: Colombia Informa):

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Kolonbiako bake prozesua  |  FARC

Kolonbiako bake prozesua kanaletik interesatuko zaizu...
2018-10-14 | Amaia Lekunberri
Francia Márquez ekintzaile afrokolonbiarra
"Gerra garaietan indarkeria jasatea tokatu zitzaigun, eta bake garaietan indarkeria pairatzen jarraitzen dugu"

Euskal Herrian izan da Francia Elena Márquez Mina lider afrokolonbiarra, ekintzailea, giza eskubideen defendatzailea eta 2018ko Goldman Ingurumen Sariaren irabazlea. REAS Euskadi, Paz con Dignidad, OMAL eta EHUko Parte Hartuz ikerketa taldeak antolatutako Trantsiziozko Alternatibak Herri-Ekonomi Baterantz nazioarteko ikastaroaren baitan etorri da.


2018-08-29 | Nahia Ibarzabal
Desagertuta dago Ivan Marquez, FARC-en bake-prozesuko negoziatzailea

Carlos Antonio Lozada senatari kolonbiarrak jakitera eman duenez, FARC alderdi ezkertiarrak ez du Marquez alderdikidearen berririk. Beste bi gerrillari ohi ere desagertuta daude.


2018-07-01 | Ander Perez
Kolonbia
Bakearen nahi eta ezina

Bake akordioen ondorenean bizi da Kolonbia, bake osora iritsi nahi eta ezinean. Herrialdeak normaltasun itxura eskaintzeko ahaleginean dihardu, baina indarkeria gorde du oraindik barrenean. Hitzarmenak betetzeko zailtasunei, negoziazioen aurkari nagusi izan den uribismoaren itzulera gehitu behar zaie orain, Ivan Duque presidente berriaren eskutik. Momentuz, agindu du ez duela bake akordioa “birrinduko”, baina aldaketak aurreikusi ditu.


Mireya Andrade
"Bake-akordioetatik ez da ia ezer bete, %18 edo"

Mireya Andrade, Maria Lucelly Urbanoren gerra-izena da. 27 urte eman ditu FARCen eta erakunde armatuak eta Kolonbiako gobernuak Habanan egindako negoziazioetan parte hartu zuen urtebetez, Genero Gaietarako Azpibatzordeko kide gisa.


2018-02-21 | Miren Osa Galdona
322 lider politiko hil dituzte Kolonbian 2 urteetan, azken biak asteburuan

Bake prozesua hedabide nagusien agendetan egon da, baina titular horien atzean beste errealitate bat ere badago: 322 lider politiko hil dituzte bi urtean; 49 FARCeko kide ohiak dira. Aurtengo zifrei erreparatuta, jada 33 buruzagi politiko hil dituzte. Azkenak asteburu honetan: FARCeko bi kide ohiei eraso egin diete. Hirugarren eraso bat ere izan da, lider indigena baten aurka, baina bizirik irten da.


2017-11-12 | Jabi Zabala
María José Pizarro:
"Gerrillaz mintzatzea ia tabua da Kolonbian"

Duela 27 urte hil zioten aita, berak 12 zituela, baina hura ez zen bidearen amaiera izan, erbeste eta urruntze aldi luze baten abiapuntua baizik. Egiaren bila, 2010ean Kolonbiara bueltatu zen María José Pizarro, M-19 gerrillaren buruzagi Carlos Pizarro zenaren alaba, aitaren aldarrikatzaile nagusi bihurtuta. Simón Hernández zuzendariak egindako Pizarro film dokumentalaren beste protagonista dugu María José, haren bitartez aita zenaren figura ezagutzeko... [+]


2017-06-11 | Xuban Zubiria
Luis Plaza Velez, Kolonbiako sindikalista
"Multinazionalek ahal duten guztia egingo dute bake akordioa bete ez dadin"

SAT sindikatuak gonbidatuta bi hilabete igaro ditu Luis Plaza Velez sindikalista eta irakasle kolonbiarrak Espainiako Estatuko sindikalismoa aztertzen. Euskal Herrira egindako bisita baliatu dugu Kolonbiaren gaurkotasunaz galdetzeko.


Erresistentzia martxa koloretsua

Kolonbiako herri indigenetako milaka lagunek “lurraldea, bizitza eta herrien duintasuna” aldarrikatu dute Jamunditik Calirainoko martxan. Gobernuaren eta FARC-en arteko akordioaz geroztik 180 herritar indigena hil dituztela eta herri indigenen aurkako giza eskubideen urraketa etengabea dela salatu dute ondorengo komunitateetako kideek: Guainia, Meta, Guajira, Amazonas, Misak eta Chami. Amalurra defendatu eta babesteagatik beldurtzen, hiltzen edo herrietatik botatzen dituztela salatu... [+]


Hogei egunez luzatu dute FARC-EPren armagabetzea, bake prozesuaren atzerapenagatik

Hiru astez luzatu dute FARC-EPren armagabetze prozesua; maiatzaren 30ean zen amaitzekoa, hasierako akordioaren arabera, baina ekainaren 20ra arte luzatu dute epea. Gobernuak ez ditu bake prozesurako azpiegiturak burutzeko epeak bete, eta atzerapenak eragin ditu.


Eguneraketa berriak daude