Klima aldaketaren kontra agindutakoa ez betetzeagatik auzitegietan da Frantziako Gobernua
Lau talde ekologistek duela bi urte abiaturiko prozesua auzitegietara iritsi da: joan den ostegunetik, Frantziako Gobernua epaitzen ari dira Parisko Epaitegi Administratiboan, klima aldaketari aurre egiteko agindutako neurriak ez betetzea leporatuta. Epaia hilabete bukaeran iritsiko da eta Gobernuaren aurkakoa izatea aurreikusten da, baina gehiago izango du sinbolikotik, benetako zigorretik baino.
Greenpeace, Oxfam, Nicolas Hulot Fundazioa eta Notre affaire à tous talde ekologistek bi milioi sinadura lortu zituzten –Estatuan aurrekaririk ez duen babesa–, Frantziako Gobernua epaitegiko aulkira eramateko. Leporatzen zaiona: CO2 isuriak murrizteko agindutakoa ez duela bete. 1990eko isuriekiko, 2030erako isuriak %40 murriztuko dituela esana du Gobernuak, baina egun daraman politikarekin zaila du halakorik lortzea. 2018-2019 artean, %0,9 murriztu ziren isuriak, baina urtean %1,5 murriztu beharko lirateke, agindutakoa betetzeko.
Epaia bi aste barru inguru iragarriko da, eta Gobernua errudun joko dutela aurreikusten da, baina sinbolikoa izango da, ministro publiko edo fiskalak Frantziako Gobernuarentzat eskatzen duen zigorra baita “kalte moralengatik” talde ekologistei euro bana ematea eta isuriak murrizteko borondatea erakutsiko duten dokumentu berriak aurkeztea, ez ordea neurri zehatzak hartzea.
Hala ere, “Mendeko Auzi” gisa ere izendatua izan denarekin pozik dira talde ekologistak. Agintariek promesa berde ederrak egiten dituztela baina sistematikoki ez dituztela betetzen frogatuko duela diote, baita ere aurrekaria izango dela herritarrek eta beste elkarteek kalte-ordainak eska diezazkioten Estatuari. “Helburua da agintariei garesti ateratzea aginduak ez betetzea, eta ondorioz betetzeko konpromisoa benetan hartzea”.
Macronen Gobernuak klimari lotutako lege berria aurkeztuko du otsailaren 12an Ministroen Kontseiluan.
Bestalde, Espainiako Estatuan ere antzeko ekimena abiatu zuten pasa den irailean Greenpeace, Oxfam eta Ekologistak Martxan elkarteek, aldaketa klimatikoaren gaian Espainiako Gobernuak agindutako neurriak bete ez dituela-eta.
Berotegi gasen emisioak eta atmosferaren kutsadura murriztu egin diren arren, ingurumenaren egoera ez da ona Europan, kontuan harturik naturaren degradazioak, gehiegizko ustiapenak eta biodibertsitatearen galerak dakartzaten ondorioak, Europako Ingurumen Agentziak bost... [+]
Orain da unea eta ez dugu denbora askorik. Baina, zer egin? Nondik hasi? Nora jo? Badugu gaitasun teknikoa, bide-orri argi bat falta zaigu, adostasun zabal bat. Oinak lurrean eta lokatzari aurre egiteko prest, berandu baino lehen ekin beharreko bideaz aritu gara Marta... [+]
Azken urteotako uda bukaera guzietan bezala, Ipar hemisferioko suteen kalteak zenbatzen ari gara, eta zenbakiak ikusi arren, oraino zaila zaigu arazoaren munta eta horri loturiko arriskuaren ezaugarriak ulertzea. Halere premiazkoa da, horren arabera lurraldeak prestatu beharko... [+]
Garaipen historikotzat jo dute hainbatek: duela sei urte Ozeano Bareko estatu zaurgarrietako ikasle talde batek bultzaturiko ekimen baten ondorioz, Nazio Batuen auzitegi gorenak iritzia plazaratu du uztailaren 23an, zeinak munduko estatuek klima aldaketari begira dituzten... [+]
"Berdela iparralderantz ari da mugitzen, itsasoa berotzeak sardinari ez dio on egiten eta geroz eta gutxiagoa dago, antxoarentzat ona da eta geroz eta gehiago dago, baina txikiagoa da...", dio Aztiko ikerlari Xabier Irigoienek, EITB Datak tenperaturaren gorakadaz egin... [+]
Abuztuan 411.000 hektarea baso eta lursail erre dira León, Asturias, Ourense, Cáceres eta Zamoran. Bizkaiko eta Gipuzkoako azalera osoa beste. Irmotasunez esan dezakegu muturreko baldintza meteorologikoek sutu zituztela suteak, berotze global antropogenikoaren... [+]
Paul Moal-Darrigade ozeanografoak "Itsas korronteak eta klima aldaketa" bere tesia aurkezten du Donapaleun Otsail Ostegunak hitzaldi zikloaren baitan, eta Kanaldudek jaso du solasaldia bideoz.
Ikerketa batek ondorioztatu du adituek uste baino AMOC korrontearen kolapsoa egoteko aukera handiagoak daudela. Korrontean aldaketa handiek eta azkenengo kolapso batek euri tropikaletan eraldaketa handiak eragingo lituzke, Europan negu oso hotzak eta uda lehorrak izango... [+]
Naturklima fundazioak kaleratutako Itsasoko eta kostako txostena-k argitara eman ditu klima aldaketa euskal kostaldean izaten ari den ondorioak: Bizkaiko Golkoko uren tenperatuta 0,22 gradu igo da hamarkada bakoitzean, 1981tik 2023ra, munduko uren tenperaturen batez besteko... [+]
Gaztetape (Getaria) eta Muriola (Barrika) hondartzak 2050. urterako desager daitezke Greenpeaceren txostenaren arabera. Itzurun (Zumaia), Karraspio (Mendexa), Isuntza (Lekeitio) eta Azkorri (Getxo) hondartzek hedaduraren erdia gal dezakete.
Azken asteko sapa lehergarri egunetan gure zereginen egitarauak aldatu beharrean aurkitu gara. Freskura erlatibo batek seietan atera gaitu ohetik, gosaldu eta lan gehienak bederatzietarako plegatu ditugu eta hamarretan jalgi gara oinezko ibilaldia egitera. Eta ez ginen bakarrak... [+]
Prekaritate global hirukoitza pairatzen dute Pakistanen, klimak, energia gabeziak eta finantza publiko arazoak elkarrekin eragindakoak, bakoitzak bertze bien kalteak areagotzen dituela. Halere, arazoaz jabetu dira bertako agintariak eta bideratu dituzte aldaketak, nahiz eta... [+]
2003ko udarekin batera, 1970etik beroena izan da aurtengoa. Europar Batasuneko "Copernicus" behategiak larrialdi klimatikoa dela-eta bero boladak "maizago" egongo direla dio, eta aurtengo ekainean bere ondorioak izan ditu: ehunka pertsona hil dira Europan.
Bizi mugimendua, Nicolas Goñirekin. Bizi mugimendua 2009az geroztik ari da klima larrialdiaren aurka borrokan Ipar Euskal Herrian. Erradikal eta pragmatiko, herrikoi eta anbiziodun, garaiek eskatzen duten mugimendua izan nahi du Bizik. Nicolas Goñirekin aritu gara,... [+]
Bero boladak ohikoagoak eta luzeagoak dira, azken bi mendeetan 20 zentimetrotan igo da itsas maila eta EAEko bataz besteko tenperatura 0,3 ºC igo da hamarkada bakoitzean.