Klase feminismoa lantzeko jardunaldiak antolatu ditu Jarki antolakundeak iraileko lehen asteburuan

  • Asteburu honetan, irailak 4 eta 5, klase feminismoarekin lotutako hitzaldi eta solasaldi ugari antolatu ditu Jarki Antolakunde Iraultzaileak. Gasteizko Aldabe Gizarte Etxean izango dira jardunaldiak.

Artikulu hau CC BY-SA 4.0 lizentziari esker ekarri dugu.

2021eko irailaren 02an - 07:51
Azken eguneraketa: 09:57

Klase feminismoaren inguruko jardunaldiak antolatu ditu Jarki antolakundeak iraileko lehen asteburuan. Hitzaldi, solasaldi eta ekitaldiek osatzen dute, besteak beste, egitaraua eta Gasteizko Aldabe Gizarte Etxean egingo dira. Horretaz gain, kontzertu akustikoa izango da gaztetxean larunbatean. Espazio bietan aforoa mugatua izango da, jendea iritsi ahala, bete arte.

Antolatzaileek azaldu dutenez, Jarki Antolakunde Iraultzaileak askotariko zapalkuntzen aurka borrokatzeko helburua du eta horietako bat da emakume langileen zapalkuntza. Horren aurrean erantzuna emateko nahitaezkotzat dute zapalkuntza horrek zertan datzan ulertzea, eta helburu horrekin antolatu dituzte jardunaldiak.

Jardunaldien programazioa

Irailak 4, larunbata

10:30 Harrera eta aurkezpena.

11:00 Emakume langilearen auzia. Jarki antolakunte iraultzaileak emakumearen zapalkuntzaren inguruan duen posizionamendua azalduko da.

16:00 Euskal langile andreak: lana, bizi estrategiak eta baldintzak XX. mendean zehar. Lurdes Rodriguez Landak emanda.

18:00 Emakume langileen ekarpena Euskal Herriko langile borrokari. Emakume langile ezberdinek Euskal Herriko lan arloko borroka ezberdinen esperientzien inguruan hausnartuko dute: Martxoak 3, Adinekoen Egoitzak eta Garbiketa.

20:00 Kontzertu akustikoa Gaztetxean

Irailak 5, igandea

11:00 Hiri edo herri baten analisi feminista. Maribel Egizabal Suarezen eskutik.

12:30 Gaueko sorginak. Emakume sobietarren borroka. Josetxo Otegi Arrugaetak emanda.

16:00 Emakumea eta kartzela. Rosi Arana, Agurtzane Ezkerra eta Eider Uruburu emakume preso ohien parte hartzearekin.

18:30 Ekitaldi politikoa

 


Kanal honetatik interesatuko zaizu: Feminismoa
Gorputz hotsak
"Filmak ez daude gorrentzat eginda; euskara ez dakitenentzat eginda daude"

Jende askorekin eta elkarrizketaz inguratuta dagoenean isil-isilik edo ohi baino isilago egoten da Irati Erauskin (Hondarribia, Gipuzkoa, 1996). Horregatik, “oso irekia” den arren lotsatia dela uste dute batzuek. Entzumen urritasuna dauka, eta batzuetan “oso... [+]


Zapi morea

Andre zahar dotorea senarraren besotik zihoan gurutzatu ginenean. Bistaz ezaguna, oker samar zegoela ikusi nuen, adinaren ajeak. Benetako señora eibartarra: perlazko lepokoa; ilea kardatuta harro-harro, ostirala izanda, ile-apaindegian goizean egon zela ezagun zuen. Gure... [+]


“Denbora deskolonizatzea metatze kapitalistari uko egitea da”

Adriana Guzmán Arroyo herri-hezitzaile aymara eta Boliviako feminismo komunitario antipatriarkaleko erreferentearekin batu eta kolonialismoa, arrazismoa, estraktibismoa, nahitaezko heterosexualitatea, familia, komunitatea, Estatua eta pribilegioak izan ditugu mintzagai,... [+]


2024-03-17 | Diana Franco
Teknologia
Zirkuitua hackeatu

Martxoaren 8a dela eta, berri eta iritzi ezberdinak irakurri ditut. Berdintasunerako bidean lan handia egiten ari da gure gizartea, eta publikoki berdintasunerako bidean feminismoa onartua den borroka bada ere, gizarteko mikrokosmosetara jaisterakoan, bada oraindik berdintasuna... [+]


Bizipoza: aniztasun funtzionala, kulturala eta sexuala bistaratzen eta lantzen

Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]


Eguneraketa berriak daude