Hiru hilabete igaro dira Turkiako armadak Rojavaren aurkako operazio militarra baitau zuenetik. Gaur iluntzean elkarretaratzea egin dute General Loma kalean sarraskia salatu eta Turkiaren jarrera zuritzeko baliatzen diren kirol babesletzak etetea eskatu dute.
Urriaren 9an ekin zion Herri Kurduaren aurkako erasoladiari Turkiak. Erdoganen gobernuak, AEBko tropen erretiratzearekin batera, ekin zion Siria iparraldeko eta ekialdeko lurraldeen inbasio militarrari. Operazioak 300.000 pertsonen derrigorrezko desplazamendua eta ehunka hildako eragin ditu.
Rojavaren aurkako operazio militarra hasi zenetik hiru hilabete beteko dira bihar, urtarrilaren 9an. Efemeride odoltsua da biharkoa Herri Kurduarentzat, izan ere, duela zazpi urte, 2013an, PKK alderdiko Sakine Cansiz, Fidan Doğan eta Leyla Soylemez kideak tiroz hil zituzten Parisen Turkiako Inteligentzia aparatuek.
Turkiak aurrera daraman “Estatu Genozidioa” salatu eta Parisen eraildako aktibista kurduak gogora ekartzeko elkarretaratzea egin dute gaur arratsaldean Kurdistanekiko Gasteizko Elkartasun Taldeak eta Women Defend Rojava Gasteizko Komiteak deituta.
Turkiak burutu nahi duen garbiketa etnikoa salatu dute bertan eta berau zuritzeko kirol-lehiaketak eta babesletzak erabiltzea salatu dute. Turkish Airlines aerolinea da, hain zuzen, Euroligako babesle ofiziala. Aerolineak, gainera, harreman zuzena du gerrarekin; Turkish Technic enpresa da Turkiako aerolinea nazionaleko hegazkinak mantendu, berrikusi eta konpontzeko zentroa. Enpresa horren zuzendari exekutiboa Ilker Ayci da, 1994an Erdogan Istanbuleko alkate zeneko aholkularia. Gainera Turkish Technic enpresak akordia du Airbus 400M hegazkin militarraren mantentze lanak burutzeko.
Arabatik ere, EXPAL enpresaren bidez, Turkiara armak esportatu izan dierla gogorarazi dute, eta, Andoaineko SAPA PLACENCIAk ere Leopard 2 borroka-gurdietarako piezak esportatu zituen.
Testuinguru honetan, Baskonia Istanbuleko Fenerbaçe saskibaloi taldearen aurka neurtuko da Euroligako partiden baitan. Elkarretaratzeko deitzaileek kirola eta kultura ez direla txandakako gobernuekin erlaziorik ez duten fenomeno bezala ulertu behar azpimarratu dute: “Turkia edo Israel bezalako estatu genozidei munduaren aurrean bere politika espantsionista zalantzagarrien aurrean irudi atseginagoa emateko erabiltzen dira”.
Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.
1999ko otsailaren 15ean Abdullah Öcalan atxilotu zuten, Kurdistango Langileen Alderdiko (PKK) eta mugimendu independentista kurduko burua. Turkiako zerbitzu sekretuek Kenyan atxilotu zutenetik, Marmara itsasoko uharte batean dagoen Iämralä-ko kartzelan isolatuta... [+]
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Urtzi Urrutikoetxea nazioarteko kazetariarekin mintzatu gara Radio Kobanen, iaz idatzitako Kurdistan-Argi bat ekialde hurbilean liburuari buruz. Testuak azken urteetako gertakizunei erreparatzen die, eta atzerago ere begiratzen du herri kurduaren egoera politikoa eta... [+]