Kirol jardueretako begirale eta sorosle gasteiztarrak greba mugagabean
Astearte honetan berrartu dute borroka. ELA, LAB eta CCOO sindikatuak desados azaldu dira Gasteizko Udalaren jarrerarekin.
Gasteizko kirol jardueren sektorean greba mugagabea hasi dute astearte honetan. Langileen ordezkaritza enpresa esleipendunarekin akordioa erdiesten saiatu den arren, enpresak muzin egin die proposamenei. Ondorioz, langileak Mendizorrotzako eta Gamarrako igerilekuen itxialdiarekin hasi dira pultsua estutzen, eta gizarte etxeetako ikastaro batzuk ere atzera bota dituzte arrazoi berberagatik.
ELA, LAB eta CCOO sindikatuek Gasteizko Udalari “lan gatazka konpontzeko borondate urria” leporatu diote. Bertako Kirol Sailak bitartekaritzarako ardura hartua zuela gogora ekarri dute, igerilekuak itxi eta zabaltzeko protokoloa eskatzeko, gehienbat. Horrez gain, kirol programazioaren baitan, ikastaro eskaintza handitzeko ere prest agertu zen udala.
Azken aldian haiekin izandako bilkurak “etsigarriak” izan direla iritzi dute langileen ordezkariek. “Ez dute prestutasunik igerilekuak behar bezala ireki eta ixteko behar den denboran minutu bakar bat ere beren gain hartzeko”. Kirol begiraleek, euren partetik, “udalak jaramonik egin ez diela” salatu dute, izan ere, kirol jardueren programazioari dagokionez, entzungorrarena egiten jarraitzen dute proposamen ororen aurrean.
Begiraleek eta sorosleek lan gatazka konpontzeko borondatea berretsi dute, izatez, abuztuaren 10etik egiten ari ziren lanuzteak bertan behera utzi zituzten. Baina beste aldea konpromisoak betetzen ari ez denez, euren interesak babesteko soka tenkatzen jarraitzea ebatzi dute, enpresak eta udala “pilota elkarri botatzen” ari baitira.
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Etxeko langileek jasaten duten "prekaritateari" aurre egiteko, "neurri zehatzak" biltzen dituen dekalogo bat aurkeztu du sindikatuak, Bilbon. Auzia lehenbizi Espainiako Auzitegi Gorenera eraman zuela jakinarazi du LABek, baina auzitegi horrek ez diola... [+]
ELA, LAB eta ESKk Eusko Jaurlaritzako Ekonomia, Lan eta Enplegu Sailaren proposamena errefusatu dute, nahikoa ez dela arrazoituta. 100 egun baino gehiago daramate lorezainek greban.
Lurraldeko erresidentzietan eta eguneko zentroetan 5.000 langile daude, eta horietako %40k borondatezkoak ez diren kontratu partzialak dituzte. Aldundiari dagokion ardura hartzeko eskatu dio ELA sindikatuak.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Gasteizko lorezainen eta udalak azpikontratatutako enpresaren arteko negoziazioak uztailaren 7an hasiko dira Eusko Jaurlaritzaren bitartekaritzarekin.
BSHko langileek mobilizazioa egin dute larunbatean Iruñean, eta Billabesetako langileen babesa jaso dute. Billabesetako langileek manifestazioa burutu dute egun berean. BSHko langileeak enpresaren Bruselako egoitzan bilduko dira astelehenean, Europako Batzordeko Enplegu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Hiru eguneko greba egin zuten ekainean eta enpresak ez ditu bete adierazitako konpromisoak. Horien artean zegoen udako oporren hutsuneak betetzea, CCOO sindikatuak azaldu duenez.