Kimioterapia, minbizi guztientzat irtenbide bakar izatetik gero eta urrutiago
Chicagon (AEB) egin dute urteroko minbiziaren kontrako konferentzia, eta minbizi mota batzuen kasuan kimioterapiaren alternatibak izan daitezkeenak azpimarratu dituzte zenbait ikerketek.
Le Mondek jaso duenaren arabera, ikerketa horiek aldaketak ekar ditzakete hainbat minbizi artatzeko eran, bularreko eta biriketako minbizietan kasu.
Bularreko minbiziari buruzko ikerketa batek, adibidez, ondorioztatu du kasu gehienetan ebakuntza ostean errezetatzen diren sendagai hormonalak nahikoa liratekeela, prebentziozko kimioterapiaren beharrik gabe. Ikerketak 10.000 emakumez osatutako lagina erabili du, eta bularreko minbizia diagnostikatzen zaien emakumeen %70ak prebentziorako kimioterapia eta honen albo kalteak ekidin ditzaketela adierazi du.
Azaldu dutenez, tumorea birsortzeko aukera kalkulatzeko, froga genetiko bat egiten dute bularreko minbizi kasuetan. Frogak 0tik 100erako puntuazioa darabil, eta 25 puntutik gorako emaitza ematen duten emakumeei kimioterapia gomendatzen zaie, eta 10 puntutik beherako emaitzen kasuan kimioterapia salbuesten dute. Honek, baina, dilema eragiten du 11 eta 25 puntu arteko emaitzak dituztenen artean, eta kimioterapia prebentiboa erabiltzearen aldeko hautua egin ohi da sarri. Bederatzi urtez prebentziora bideratutako kimioterapia prozesuak aztertu ostean, terapia hauek ekarpenik ez dakartela ondorioztatu du azterketak.
Biriketako minbiziari dagokionez, zenbait azterketen jakinarazi dute etorkizunean tumore hauek genetikoki aztertu ahalko direla. Eta tumorean mutazioak ematekotan, sendagaiekin tratatu ahalko liratekeela.
Bestetik, bularreko minbizien kasuan beste tratamendu bat nabarmendu da: immunoterapia, inmunitate-sistema estimulatzen duen tratamendua. Pazienteen gehiengoak kimioterapiak eragiten dituen goragaleak, ile galera eta beste zenbait gaitz saihestu ahalko lirateke. Immunoterapia, baina, ez da baliagarria minbizi kasu guztietan eta albo kalte larriak eragin ditzake.
Ikertzaileek oraindik ere behaketa asko egin behar direla adierazi dute, eta inork ez du baieztatu kimioterapia minbizi mota guztietan alboratu daitekeenik. Hala ere, kimioterapia irtenbide bakarra izatetik gero eta urrunago gaudelako baikor agertu dira asko.
Lasterketa solidarioa bularreko minbiziaren kontra. Ideia paregabea, minbizia borrokatuko dugu korrika eginez. Ala minbizia dutenen alde ari gara korrika? Ez da oso argi geratzen hamarnaka markaren babesean antolatzen diren martxa horien helburua, mezua arrosa bai, baina oso... [+]
Biogipuzkoa ikerketa zentroak kimioterapia formula berri bat aurkitu du. Jesus Bañalesek, Biogipuzkoa ikerketa zentroko Gaixotasun Hepatikoen Taldeko arduradun eta ikertzaileak, xehetasun gehiago eman ditu.
Ilusioz mintzo da Shrabani Aranzabe-Pita (Orissa, India, 1999) musikari, ikerlari eta pedagogoa. Alkizan (Gipuzkoa) hazi eta hezi da. Pandemian minbizia izan zuen, eta prozesu onkologiko horretatik Naturaren Doinuak jaialdia eta proiektua sortu du. Aurtengo jaialdia ekainaren... [+]
Alberto Martínez Jaurlaritzarne osasun aholkulariak jakinarazi du erabakia, Gasteizeko Legebiltzarrean. Langile guztiak subrogatuko dituztela ere esan du.
Prozesu onkologikoetarako tresnak lantzen ditu Paula Barrio yoga onkologikoko irakasleak: “Gorputzarekin eta lesionatutako zonaldearekin konektatzen dugu”.
Prozesu onkologikoetarako tresnak lantzen ditu Paula Barrio yoga onkologikoko irakasleak: “Gorputzarekin eta lesionatutako zonaldearekin konektatzen dugu”.
Xumea, alaia eta energia handikoa da Olga Garate (Iruñea, 1964). Bizikletan ibiltzea dauka pasio eta familia da bere lehentasuna. Erizain laguntzailea da, eta lana “izugarri” gustuko duen arren, behin betiko lanerako ezintasuna eman diote, minbizi kronikoa... [+]
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Kirol ugari egin ditu Mercedes Ortega Barrenak (Bilbo, 1967); hala nola atletismoa, paddel surfa eta orain arrauna. Hondarribiko HS2 Surf Center eskolako Dragon Boat taldeko kidea da. Batik bat minbizia duten edo izan duten emakumez osaturiko taldea da. Barrenak nabarmendu du... [+]
Duela bi urte, Edgard Camarós arkeologo katalanak bi giza garezur eta "Minbizia?" zioen txartel bat topatu zituen kartoizko kaxa baten barruan, Cambridgeko Unibertsitatean. Garezurrak Gizatik zetozten, Egiptotik eta berriki Frontiers in Medicine aldizkarian... [+]
Bueno, gaurko atalean bizitza hontako misterio potolo bati buruz hitzegingo dugu. Egiptoko piramideak nork eraiki zituen? Basajaunak existitzen dira? Bada bizitza estralurtarrik? Itxoin itxoin, misterioen zerrenda ez dut amaitu: non daude minbizia duten gizonak?
Minbizia... [+]
Minbizia eta amatasuna, amatasuna eta minbizia, eskutik doazen bi gai izan dira niretzako. NIre alaba zaharrenaren haurdunaldian, aitari diagnostikatu zioten eztarriko minbizia, eta alabak 9 hilabete zituenen hil zen. Ta nolakoa den bizitza, bigarren aldiz haurdun nengoela,... [+]
Minbizia gure bizitzara iristean ez digu guri bakarrik eragiten, gure inguru guztiari eragiten dio: bikote, guraso, seme-alaba, familia, lagunak…..eta askotan esaten dugun bezala, tribua behar da gaisotasunari aurre egiteko.
Niri, gurasoekin, bidelagun izatea tokatu... [+]
“Minbizia. Mediku bat zuri begira hitz hori ahoskatzen entzuten duzunean amildegi bat zabaltzen zaizu erraietan. Aldakek dar-dar eta aldaketarako indar falta”. Izan Iñurri elkarteko kideak horrelaxe hasten dira definitzen gero eta ohikoagoa den gaixotasunak... [+]
BMJ Oncology aldizkarian argitaratu berri den ikerketa baten arabera, 50 urtetik beherakoen artean tumoreen mundu mailako intzidentzia % 79 handitu da 1990etik. Gainera gazteek ez daukate inongo espaziorik beraien bizipenak partekatzeko. Adituen arabera, bizi-ohitura ez oso... [+]