Galdakaoko hainbat herritarrek prentsaurrekoa eskaini dute ostegunean Kepa del Hoyo euskal preso politikoaren heriotza salatzeko. Espetxe politika aldatzeko eskatuz, aurretik deituta zegoen larunbateko manifestazio nazionalari, ekimen berria gehitu diote: ostiralean giza katea.
Giza katea Kurtzeko plazatik irtengo da 20:00etan. Manifestazioa 18:00etan.
Udalean adierazpen bateratuta adostu zuten ondorengo alderdiek: Galdakaoko EAJ, Galdakao Orain, Galdakao Irabazi, Usansolo Herria eta EH Bildu. Positiboki baloratu dute prentsaurrekoan.
Heriotza ez dela naturala izan salatu dute, eta "egoera ezohiko, salbuespenezko, alegal eta ilegalen" ondorio gisa ulertzen dutela adierazi dute. Oroitarazi dute Kepa del Hoyok 20 urte egin dituela espetxean, "horrek dakarren urruntze, injustizia, bidaia, disgusto, susto, ezinegon eta inposatutako gastuak, besteren artean".
Badajozeko espetxean kirola egiten ari zen bitartean eman zion bihotzekoak Kepa del Hoyo euskal preso politikoari, pasa den igandean. Espainiako legediaren arabera kalean behar zuen, zigorraren bi herenak beteak baitzituen.
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.
Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]