Kalitatezko enplegua eta autogobernua Nafarroako gobernuaren helburu nagusiak
Uxue Barkos Lehendakariak bi orduko hitzaldia egin zuen bart Politika Orokorreko Eztabaidan. Agintaldiaren erdia beteta, aldaketa politikoa bai, baina gizartean ematen ari den aldaketa azpimarratu du Uxue Barkos Lehendakariak.
Bost erronka finkatu ditu Aldaketaren Gobernuak, kalitatezko enplegua sortzea, digitalizazioan aurrera egitea, ongizate estatua indartzea, elkarbizitzan sakontzea, eta autogobernua indartzea.
Bi orduko hitzaldia egin du Barkosek. Gaztelaniaz eta euskaraz, gehiena gazteleraz (%80 inguru). Herentzian jasotakoari aipamen labur bat egin ostean, Aldaketaren Gobernuak egindakoez eta dituen helburuez aritu da Lehendakaria.
UPNren kudeaketa okerraren ondorioz 96 milioi euro ordaindu behar izan dituztela, (2012ko aparteko ordainsaria, irakasleen oporrak..) leporatu die orain arteko agintariei. Hala ere, datu ekonomikoak hobetu dituztela azpimarratu du Barkosek.
2015ean hasitako Erreforma Fiskalari esker 400 milioi euro gehiago jaso ditu aurten Gobernuak. Iruzurraren aurkako borrokan sakondu dute eta horren adibidetzat jo du Nafarroako Ogasunari 218 milioi euro zor dizkioten 316 enpresa eta norbanakoen zerrenda publiko egin izana.
Langabezia tasak ere behera egin du. Iaz baino 5.000 langabe gutxiago daude aurten, hala ere, oraindik 32.800 pertsonek ez dute lanik Nafarroan. Horregatik pobreziari aurre egiteko aurrekontua ere bikoiztu dutela goraipatu du Lehendakariak, 78 milioi eurotik 150 milioi eurora.
Katalunia ere ez da eztabaidatik kanpo geratu. !55. artikuluaren aurka agertu da Barkos eta UPNri eta PSNri egotzi die artikulu horren aplikazioaren erantzule direla.
Nafarroako Administrazio Publikoetako lanpostuak arautzen dituen 97/2024 Foru Dekretuaren bi artikulu utzi ditu bertan behera Nafarroako Auzitegi Gorenak. Argudiatu denez, euskararen balorazioari muga jartzen zioten, eta ingelesaren, frantsesaren eta alemanaren balorazioei ez.
Belateko tunelen adjudikazioan ez zela irregulartasunik egon esan du Nafarroako lehendakari Maria Chivitek. Espainiako Senatuan egin du agerraldia, Koldo auzia ikertzeko batzordean.
Nafarroako Gobernuak azken urteotako esleipen publikoen gaineko txostenak eskatu dizkio ustelkeriaren kontrako bulegoari Nafarroako Parlamentuko ikerketa batzordeak aginduta. Belateko txostenean, esleipena erabakitzerako orduan arau haustea ikusi du bulegoak.
Joxe Lacalle Huarte da horietako bat, 1978an Guerrilleros de Cristo Rey taldeak bere tabernan egindako eraso baten biktima izan zen; 1979an lehergailu bat jarri zioten tabernan eta 1981ean Guardia Zibilak torturatu egin zuen. Gainerako bostak Espainiako Poliziak torturatu... [+]
Nafarroako Torturatuen Sareak eta Egiari Zor elkarteak ostegunean jakinarazi dutenez, Nafarroako Gobernuak “giza eskubideen urraketaren biktima” modura aitortu ditu sei herritar, 16/2019 Foru Legearen babesean.
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.
María Chivite Nafarroako Presidentearen "konfiantza galdu" duela eta, Ramón Alzórrizek PSNko idazkariorde nagusi eta Nafarroako Parlamentuko bozeramaile izateari utziko dio. Bere bikotekidea Servinabar enpresan lanean aritu zela publiko egin ostean eman du... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Dagoeneko Guardia Zibilek eta zenbait herritako udaltzaingoek badute taser pistolak erabiltzeko eskumena Nafarroan, eta badirudi bide horretan hurrengoa Foruzaingoa izango dela: Nafarroako Kontseiluak Foruzaingoak taser pistolak eman ahal izatea "indarrean dagoen... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Telefonicak intzidentzia bat izan du eta horrek sare finkoan eragin du. Ondorioz, EAEko Larrialdiei Kudeatzeko Zentroa kaltetu da. Hala ere, arazoa konpondu dela ezagutarazi dute eta 112 larrialdietako telefonoa martxan dago berriro. Nafarroan ere eragina izan du, baina... [+]
Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.
Hego Euskal Herriko lau hiriburuetan egin dituzte manifestazioak. Israelek Palestinan egin duen eta aurrera daraman genozidioarekin kolaboratzen duten enpresei laguntza publikoa emateri uzteko eskatu diete Nafarroako Gobernuari eta Eusko Jaurlaritzari.