Hainbat lagunek sareetatik salatu dute Bilboko Udaltzaina kale saltzaileen aurka oldartu dela Areatza inguruan. Tentsio uneak izan dira kale saltzaile, inguruko jende eta udaltzainen artean, eta “porrak ere erabili” dituztela esan dute.
Aste Nagusiko suak amaitu ostean, 23:00ak aldean, udaltzainak Areatza inguruko txosnagunean sartu dira kaleko saltzaileei ondasunak kentzera. Hau dela eta, jendea protestan hasi da eta Ertzaintzaren furgoneta batzuk joan dira bidea moztera. Une horretan tentsioa asko igo da, eta “porrak ere erabili” dituztela salatu dute.
Hau da @juanmariaburto.ren segurtasun eredua? Kale saltzaileak kolpatzea eta konpartseroak kriminalizatzea? Gizartearen kontra doana Bilboko Udala da! Nahikoa da! pic.twitter.com/fsACVtyA3c
— Mikel AO (@Mikel_AO_) August 21, 2019
Bilboko Udalak liskarretan bi atxilotu izan direla jakinarazi du. Kaleko saltzaileak eta protestan zebiltzanak kolpatzeaz gain, hainbat herritarrek salatu dute udaltzain zein ertzainek “arrisku handia” eragin dutela autoekin, azkar eta maniobra arriskutsuak egin baitituzte: “Adingabekoak negar batean zeuden autoek ia familia-kideak harrapatu dizkietelako”, salatu dute.
“Ikuskizun lotsagarria gero gure begien aurrean”, “segurtasuna norentzat?” edo “gizartearen aurka doana Bilboko Udala da!” salatu dute hainbat lagunek sareetan.
🔴 Hemen eta orain: Bilbon, tentsio uneak izan dira udaltzaingoa eta kale saltsaileen artean. Hainbat herritarrek saltsaileak babestu eta eserialdia egin dute Nafarroa kalean #AsteNagusia19 #11gaur pic.twitter.com/Lj6l0ZOcM1
— Hamaika Telebista (@HamaikaTb) August 21, 2019
Ikuskizun lotsagarria gero gure begien aurrean. Adingabekoak negar batean autoek ia familiakideak harrapatu dizkietelako, lau kamiseta ziztrin konfiskatzeko... Eskerrak herritarrek jarri dizkieten mugak udaltzainei! #InorEzDaIlegala @argia @berria https://t.co/TCvcrVIHP7
— Aitor Salaberria (@aitorxala) August 21, 2019
Abuztuaren 14an Bilboko kale saltzaileek kontzentrazioa egin zuten Udaletxearen aurrean, Aste Nagusian saltzaileen aurkako jazarpenik ez egotea eskatuz: "Bizirautea ez delako delitua, manteroak ere jaixetan", zioten kontzentrazioan.
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
Donostiako Egia auzoan, azken hilabeteetan, bizilagunen artean segurtasunaren inguruko kezka handitu da, eta “beldur eta urduritasunak duen garrantzia aitortu eta sentimendu horiei lekua” egin behar zaiela aldarrikatu dute.