Etxe kaleratze bat gelditu du Bilboko AZET sindikatuak, herritarren antolakuntzari esker
Bilboko Udal Etxebizitzak erakundearen jabetzakoa den etxebizitzan bizi den Judithek maiatzaren 14ko datarekin zuen etxe kaleratze agindua. Kaleratzea oztopatzeko, AZET etxebizitza sindikatuak egindako mobilizazio deialdiarekin bat egin dute hainbat pertsonak, eta Judithen ataria blokatuta eduki dute harik eta etxe kaleratzea bertan behera gelditu dela jakinarazi dieten arte. Etxe kaleratzea behin betiko atzera bota arte, negoziaketekin jarraitzeko asmoa agertu du sindikatuak.
Bilboko AZET etxebizitza sindikatuaren deialdiarekin bat eginez, ostiral goizeko 08:30etatik jende andana bildu da Bilboko Cortes kaleko 9. zenbakian, Judith eta lau hilabeteko bere alaba bizi diren eraikinaren ateetan harresia osatuz. Helburua: Judith etxetik botatzeko agindua ez gauzatzea.
Zalaparta eta aldarriak kalea hartzen joan ahala eta auzoa esnatzen joan den heinean, leihoetara ere atera dira auzokideak, lapikoak eskuan hartuta asko, mobilizazioarekin bat egin eta Judithi elkartasuna adierazteko. “Judith geratu egingo da!” aldarria nagusitu da kalearen luze zabalean.
Astearte goizaldean Bilboko Udaltzaingoak Arrakala espazio liberatua hustu ondotik egindako manifestazioan, AZETek argi utzi zuen beren kide Judithen etxe kaleratzea bai ala bai geldituko zutela. Susmoa izanik Arrakala hustea Bilboko Udalaren agindu politikoa izan dela, udalari aste berean beste espazio batetik kanporatzen ez ziotela utziko ozen adierazi zuten mobilizazioan. Hiru egunen buruan, konbentzimendu berarekin bildu dira Judithen etxeko atarian.
Mobilizazioa hasi eta tarte motzera, Ertzaintzak sindikatuko kideei jakinarazi die etxe kaleratzea geratzeko aukerak zeudela. Alabaina, Bilboko Udal Etxebizitzen deia jaso eta etxe kaleratzea bertan behera geratzen dela idatziz jaso artean, baieztapen ofizialaren esperoan bertan eusteko eskatu diete auzokideei. Mobilizazioak ordubete eskas zeramanerako, bozgorailutik eman dute berria: Judithen etxe kaleratzea bertan behera geratzea lortu dute. Hitzok aditu eta pozak eztanda egitea, dena bat izan da. Txalo zaparrada eta besarkada artean zela, “Zuena biolentzia geurea auzodefentsa” zioen pankarta ireki dute Judithen etxeko balkoitik, garaipena ospatuz.
"Zuena biolentzia geurea auzodefentsa" dioen pankarta erraldoia ireki dute garaipena ospatzeko.
Poz eztanda Cortes kalean #JudithAuzoan @argia pic.twitter.com/7epPtQLuIi
— Amaia Lekunberri (@amaialekunberri) May 14, 2021
Klase antolakuntzaren eta auzokideen artean elkartzearen aldeko aldarriarekin eman diote itxiera mobilizazioari, gogoraraziz bizitakoa ez dela garaipen indibiduala, baizik eta desjabetutako klase guztiarentzat lorpena.
ARGIAri jakinarazitakoaren arabera, Judith eta haren alabaren etxe kaleratzea behin betiko atzera bota arte, arduradun politikoekin negoziatzen jarraitzeko asmoa du sindikatuak.
Bilboko Udal Etxebizitzak erantzule
Judith etxean geratuko zela zioten oihuekin batera, “Zuena da biolentzia!” edo “Udal Etxebizitzak etxe kaleratu egiten du!” leloak nagusitu dira gaurkoan, salatzeko etxe kaleratze aginduaren erantzulea Bilboko Udal Etxebizitzak erakundea dela.
Konfinamenduan lanik gabe geratu zen Judith, eta diru-sarreren faltan ezin izan zionez alokairuari aurre egin, kale gorrian geratu zen. Egoera horretan egonik, Bilboko Udal Etxebizitzen jabetzako etxebizitza batean sartu zen bizitzera. Udal Etxebizitzak, baina, gutuna helarazi zion urte hasieran, kaleratu egingo zutela jakinaraziz. Bertan jasotzen zenez, etxe kaleratze azkarra egiteko prozesua abiatu zuten, kaleratzea hamar egunen buruan gauzatzea ahalbidetzen duena. Testuinguru horretan, AZETek deituta mobilizazio jendetsua burutu zen Bilbon urtarrilaren 16an, "Judith auzoan. Viviendas Municipales desahucia" (Judith auzoan. Udal Etxebizitzak etxe kaleratu egiten du) lelopean.
Prozedura luzatu egin da, bere garaian AZETek jakinarazi zuenez “klase elkartasunari eta herritarren presioari esker” lortu baitzuten Bilboko Udal Etxebizitzak erakundeko buru Jon Bilbaok negoziazio mahaira deitzea. Aukera hori baliatu zuen sindikatuak ondoko eskakizunak egiteko: etxe kaleratzearen prozedura judiziala gelditu eta etxe kaleratzea bertan behera uztea, Judith eta alabarentzat alternatiba bilatu arte. Negoziaketak iraun artean Judith ez zela kalean geratuko, hitza eman zien beste aldeak, baina Judithek maiatzaren 14ko data zeukan etxe kaleratze agindua jaso zuen.
Ostegunean, 09:00etarako, Burlatako San Frantzisko kaleko 6. zenbakian jarri dute hitzordua Iruñerriko Etxebizitza Sindikatu Sozialistak, Harituk eta Berriozarko PAHk.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]