Joxean Muñoz izango da Jaurlaritzako Kultura sailburuordea
Joxean Muñoz izango da Eusko Jaurlaritza berriko Kultura sailburuordea, Noticias de Gipuzkoa egunkariak iragarri duenez. Gidoilaria, ilustratzailea, idazlea eta Tabakalerako zuzendari ohia da Muñoz eta Cristina Uriartek gidatuko duen sailean pisu handia izango du.
Duela bi urte utzi zion Muñozek Tabakalerako zuzendari izateari, orduko Donostiako Udalak zentro horren aurrekontuari egindako murrizketarekin desados. Lau urte zeramatzan egitasmo horretan lanean eta “proiektuarekiko koherentzia” argudiatu zuen dimisioa aurkeztean.
Prentsako lehen planotik kanpo egon bada ere, Muñozek lanean jarraitu du azken bi urteetan. Besteak beste, bere eskua antzeman daiteke egunotan Donostiako San Telmo museoan ikus daitekeen Badu Bada erakusketan.
Informazio gehiago:
Tabakalera proiektuari buruzko elkarrizketa egin zion Nere Lujanbiok Joxean Muñozi ARGIAren 2.088. zenbakian.
LARRUN hilabetekariaren 120. zenbakian kultur azpiegiturei buruz jardun zuten Muñozek eta Anton Mendizabalek.
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
“Gay azpitestuak beti hobetzen du film bat”
Quentin Tarantino
Juan Dos Ramos idazle eta Alex Tarazón ilustratzaile valentziarrek Gangsters Maricas: Extravagancia y Furia en el cine negro (Gangster maritxuak: nabarmenkeria eta indarkeria zine beltzean)... [+]
Egitarau aberatsa muntatu du beste behin Basaizea elkarteak: bertsolariak, dantzariak, gaiteroak, txarangak, herri bazkaria, merkatua eta kontzertuak. "Folklorismotik haratago", euskararen zilegitasuna aldarrikatuko dute Baigorritik apirilaren 28an.
Askotariko erresistentziak gorpuzten eta aldarrikatzen ditu Aiert Alberdi kantautore oñatiarrak oholtzan zein egunerokoan: gaztea, genero disidentea, euskalduna, langile klasekoa eta herri txikikoa… Musika eta feminismoa ditu indarkeria patriarkalari aurre egiteko... [+]
