Josu Zabalak eta Garik Hertzainak taldearen 38. urteurrena ospatzeko kontzertua iragarri dute
Kontzertua irailean izango da eta Hertzainak taldearen sei diskoetako abestiak joko dituzte eskainiko duten kontzertu "errepikaezinean".
1981eko Gabon Zaharra zen eta hotz handia egiten zuen Gasteizen. Orduan, The Clash taldearen euskarazko bertsio bat entzuten hasi zen Arabako hiriburuan: hainbat belaunaldi markatuko dituen Hertzainak taldea jaio zen orduan.
Hasierako taldekideak Josu Zabala Ajuriagerra, Kurro, Delfo, Txanpi eta Kike ziren baita Xabier Montoia "Gamma" ere, baina honek 1982ko udan taldea utzi eta Gari sartu zen abeslari gisa.
Lehenengo diskoetan punkaren probokazioa ska eta reggae erritmo dantzagarriekin nahasten zuten, letretan Euskal Herriko gatazka politiko eta soziala islatuz. Esate baterako, Pakean utzi arte kanta, Javier San Martin Goikoetxea Piti Komando Autonomo Antikapitalistetako kide zenduari eskaini zioten, taldeko kideen laguna baitzen.
1993an taldeak agur esan zuen, Donostiako Anoeta kiroldegian eskainitako emanaldi berezi batekin.
26 urteren ostean, Josu Zabalak eta Garik kontzertu berezia iragarri dute: irailaren 26an Bilboko Euskalduna Jauregian Hertzainak taldearen sei diskoetako abestiak joko dituzte eskainiko duten kontzertu “errepikaezinean”. Emanaldi berezi honi ere izenburua jarri diote: Inun baino alaiagoa izanen da.
Asteazkenean agerraldia eskainiko dute xehetasun gehiago emateko.
‘Azkena gure alde’ izeneko azken bira egingo dute taldeko Gari, Josu Zabala eta Txanpik. Irailaren 29an emango dute xehetasun gehiago.
Udako jai ibilbidea bukatu da, eta jende askok bere gorputza astindu du reggeatoiaren erritmora. Dantza horiek hauspotu dituen abestietako bat ere ez da euskaraz izan.
Iñigo Muguruza Irungo musikaria ostegun honetan hil da. Esklerosi anizkoitza zeukan eta gaixotasun hori dela-eta eszenatokiak utzi zituen 2015ean.
Asteazken honetan iragarri dutenez, Garik eta Josu Zabalak bi kontzertu emango dituzte Hertzainak taldearen errepertorioa joz. Irailaren 26an Bilboko Euskalduna jauregian ematekoak diren kontzerturako sarrera guztiak agortu ondoren, irailaren 25ean beste zita bat jarri dute 80ko... [+]
Bere itzulera iragarri du La Polla Records taldeak. Interneten sartuta jakin dut 84an atera zuela estudioko lehen albuma (Salve), eta 85ean bigarrena (Revolución). Gogoan dut, artean nerabezarora iritsi gabea banintzen ere, lehen bi disko haietako kantak Gasteizko Plaza... [+]