Evaristo Páramos buru duen La Polla taldea eszenatoki gainean ikusteko aukera izango da aurten, Hala Bedi irratiak informatu duenez. Taldearen 40. urteurrenarekin batera itzuliko dira zuzenekoetara.
Azken hilabeteetan ahoz aho zebilen zurrumurrua baieztatu da: La Polla taldea berriz ere zuzenean ikusteko aukera izango da 2019an. Hala Bedi irratiak baieztatu du taldearen itzulera eta dagoeneko publikoa da, Facebook eta Twitter kontuak ere sortu baitizkiote.
Sare sozial horietan publikatutako lehen mezuan, La Pollako hiru partaideak agertzen dira eta honako esaldia gaztelaniaz: “Eta ni, hilda nengoena, altxatu naiz. Azken bataila zain daukat”.
Argazkiak La Pollan hasieratik aritu diren hiru kideak erakusten ditu: Manolo Garcia “Sume” (gitarra), Evaristo Páramos (ahotsa) eta Abel Murua (baxua).
Haiekin batera ariko dira taldeak izan zuen azken formazioko beste bi kideak, “Tripi” baterian eta “Txiki” gitarran.
Urtearen amaieran bi bira egiteko asmoa du Aguraingo taldeak, bata Espainiako Estatuan eta bestea Hego Amerikan. Lehenbiziko bira horren barruan, Madrilen, Bartzelonan eta Valentzian joko dituzten kontzertuez gain, Euskal Herrian ere zita bat aurreikusten da, Bilbon.
Itzulera honi buruzko informazio gehiago emango dute datozen asteetan. Oraindik baieztatuta ez dagoen arren, baliteke martxoaren 13an prentsaren aurrean hitz egitea xehetasun gehiago emateko.
2003an utzi zion La Pollak kontzertuak jotzeari, 1979tik aurrera Euskal Herriko punk eszenako talde esanguratsuenetako bat izan ondoren.
‘Azkena gure alde’ izeneko azken bira egingo dute taldeko Gari, Josu Zabala eta Txanpik. Irailaren 29an emango dute xehetasun gehiago.
Udako jai ibilbidea bukatu da, eta jende askok bere gorputza astindu du reggeatoiaren erritmora. Dantza horiek hauspotu dituen abestietako bat ere ez da euskaraz izan.
Iñigo Muguruza Irungo musikaria ostegun honetan hil da. Esklerosi anizkoitza zeukan eta gaixotasun hori dela-eta eszenatokiak utzi zituen 2015ean.
Asteazken honetan iragarri dutenez, Garik eta Josu Zabalak bi kontzertu emango dituzte Hertzainak taldearen errepertorioa joz. Irailaren 26an Bilboko Euskalduna jauregian ematekoak diren kontzerturako sarrera guztiak agortu ondoren, irailaren 25ean beste zita bat jarri dute 80ko... [+]
Kontzertua irailean izango da eta Hertzainak taldearen sei diskoetako abestiak joko dituzte eskainiko duten kontzertu "errepikaezinean".