Bilboko NH eta Barcelo Nervion hoteletako garbitzaileak greba mugagabean daude, haien lan baldintza kaxkarrak salatzeko. Bi hotel hauek Constant enpresarekin azpikontratatua daukate garbiketa zerbitzua, eta enpresak ez du Bizkaiko garbitzaileen hitzarmena betetzen, langileek salatu dutenez. Gela bakoitza garbitzeagatik 2,5 euro ordaintzen dizkiete, eta ordu gehigarriak lan egin behar izaten dituzte 800 euroko soldatara heldu ahal izateko.
ELA sindikatuko Joseba San Miguel izan dugu gaur Hizpidean, lan gatazkaren inguruan sakonago hitz egiteko. Berak langileen egoera azaldu digu, nagusiki emakumezkoena den sektorearen prekarizazioa salatu du eta horren aurrean hartzen ari diren neurriak (greba barne) aipatu dizkigu.
Elkarrizketa osoa hemen entzungai.
>>> Hala Bedi irratiaren webgunetik ekarritako artikulua da hau, CC-BY-SA lizentzia medio.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Bericato enpresak erosi du duela 70 urte baino gehiagoz Bilboko Portuko Agintaritzaren egoitza izan den eraikina.
Iruñeko Alde Zaharreko Alde Zahar ekimenak turismo masiboaren aurkako eta auzoaren defentsarako kanpaina abiatu du ostegun honetan.
Bizilagunek legez kanpo utzi dute Donostiako Zubieta kaleko etxebizitza turistiko bat, euren estatutuetan erabilera hori debekatuta zegoelako aurretik.
Azora funts putrearena da bata, eta luxuzko etxebizitza turistikoa bestea; asteburuko erreserba amaitu eta bertan geratu dira, instituzioei eskatzeko etxebizitza eskubidea bermatzea. Exijitu diete, besteak beste, alokairuaren prezioa eta etxebizitza turistikoak mugatzeko, eta... [+]